Միջին դպրոցի սաներին ներկայացվեց ՄԲ Դիպլոմային ծրագիրը

1Միջին դպրոցի սաների հետ այսօր հանդիպում ունեցավ Միջազգային բակալավրիատի Դիպլոմային ծրագրի համակարգող Աննա Ստեփանյանը՝ նրանց ներկայացնելով ԴԾ գաղափարը, կառուցվածքը, առավելությունները, ինչպես նաև պատասխանելով սաների հարցերին: Հանդիպման սկզբում տեղի ունեցած հարցուպատասխանից պարզ դարձավ, որ 8-9-րդ դասարանցիներն արդեն իսկ որոշ պատկերացում ունեին ծրագրի մասին, և մեծ հետաքրքրութամբ լսեցին այն բոլոր մանրամասները, որ ներկայացրեց տիկին Աննան:

 

Վերջինս պատմեց, որ հենց Դիպլոմային ծրագրով է սկիզբ առել Միջազգային բակալավրիատը, և որ այսօր այն մեծ ճանաչում ու ընդունելություն ունի աշխարհի լավագույն բուհերում: Շուրջ 2700 բուհեր՝ ողջ աշխարհից, այնքան են վստահում ՄԲ Դիպլոմային ծրագրի արդյունքներին, որ նրա շրջանավարտներին հնարավորություն են տալիս առանց ընդունելության քննությունների շարունակել բարձրագույն կրթությունը: 5ԴԾ համակարգողը ներկայացրեց անգլերենով դասավանդվող ծրագրի շրջանակում ուսումնասիրվող առարկայական խմբերը, ինչպես նաև ծրագրի հիմքում դրված պահանջները, անհրաժեշտ հմտություններն ու գիտելիքները: Տիկին Աննան իր ներկայացման մեջ Դիպլոմային ծրագիրը համեմատեց հայկական ծիրանի հետ, որի կորիզում՝ հիմքում, ԴԾ գլխավոր առավելություններն են. ծրագիրը զարգացնում է սովորողների քննադատական-վերլուծական միտքը, ինքնուրույն հետազոտական աշխատանքներ իրականացնելու և դրանց մասին գրելու կարողությունը, մղում ստեղծագործական աշխատանքի, հանրային ակտիվ գործունեության:

 

Սաների հարցերը բազմազան էին. վերաբերում էին դասավանդվող առարկաներին, դասագրքերին, ԴԾ-ն ընդունող բուհերի ցանկին, գնահատման կարգին, ծրագրի ժամկետներին և այլ մանրամասների, որոնց բոլորին տրվեցին սպառիչ պատասխաններ:

 

ՖՈՏՈՇԱՐՔ –>

Միջին դպրոցի սաներին ներկայացվեց ՄԲ Դիպլոմային ծրագիրը