Ընդունելություն Միջին դպրոցում

ԸՆԴՈՒՆԵԼՈՒԹՅՈՒՆ 

«ՇԻՐԱԿԱՑՈՒ ՃԵՄԱՐԱՆ» ՄԻՋԱԶԳԱՅԻՆ ԳԻՏԱԿՐԹԱԿԱՆ ՀԱՄԱԼԻՐԻ

ՄԻՋԻՆ ԴՊՐՈՑԻ 5-ՐԴ, 8-ՐԴ, 10-ՐԴ ԴԱՍԱՐԱՆՆԵՐՈՒՄ

2023-2024 ՈՒՍՏԱՐՎԱ ՀԱՄԱՐ

Թանկագի՛ն բարեկամ

Եթե ձգտում եք, որ Ձեր զավակը

• ստանա ՀՀ պետական և միջազգային ամենաբարձր չափանիշներին համապատասխանող բարձրակարգ և լիարժեք կրթություն,
• ակադեմիական գիտելիքներից, անհրաժեշտ կարողություններից և հմտություններից բացի, ձեռք բերի նաև իսկական մտավորականին և քաղաքացուն արժանի որակներ,

ապա հրավիրում ենք դիմելու Հայաստանի Հանրապետությունում Միջազգային բակալավրիատի (International Baccalaurate) երեք՝ նախադպրոցական տարրական, միջին և ավագ տարիքային խմբերի հանրակրթական ծրագրերով   հավատարմագրված միակ դպրոց՝ «Շիրակացու ճեմարան» միջազգային գիտակրթական համալիր (այսուհետ՝ Ճեմարան):

 Ճեմարանի բոլոր կառույցներում ուսուցումը կատարվում է վճարովի հիմունքներով, բացառությամբ 5-12-րդ դասարանների համար սահմանված քանակությամբ մասնակի պետական սուբսիդավորմամբ (այսուհետ՝ պետական համաֆինանսավորում) տեղերի:

Ուսումնադաստիարակչական գործընթացը կազմակերպվում է շուրջօրյա կամ երկարացված օրվա աշխատակարգով: Սովորողներն ապահովվում են սննդով՝ ըստ հաստատված սննդակարգի: Անհրաժեշտության դեպքում՝ կարող է տրամադրվել հանրակացարան: Բոլոր սովորողների տեղափոխումը կատարվում է Ճեմարանի կողմից՝ հատուկ տրանսպորտային միջոցներով:

Ճեմարանի ընդունելությունն իրականացվում է հետևյալ կառույցներում.

• Միջին դպրոց (5-րդ, 8-րդ և 10-րդ դասարաններ, մանրամասները՝ այստեղ)
• 10-րդ դասարանում ուսուցումը կազմակերպվում է չորս հոսքերով (հումանիտար, բնագիտական, տնտեսագիտական, ֆիզմաթ):

Ընդունելության դիմում-հայտերի և փաստաթղթերի ընդունում.

• Ընդունելության փաստաթղթերն ընդունվում են մայիսի 2-ից հունիսի 1-ը ներառյալ՝ դիմումների առցանց գրանցման համակարգում *:  

Ընդունելության քննությունների ժամանակացույց. 

• Քննությունները կազմակերպվում են հունիսի 12-ից 30-ը:

                                                  2023-2024 ուստարվա միջին դպրոցի ընդունելության քննությունների ժամանակացույց

Քննությունների վերանայման ժամանակացույց

Մաթեմատիկա, բնագիտական և հասարակագիտական առարկաների քննական աշխատանքների կատարման համար հատկացվում է 150 րոպե, իսկ մյուս բոլոր առարկաների քննական աշխատանքների կատարման համար՝ 90 րոպե ժամանակ:

Մաթեմատիկա, բնագիտական և հասարակագիտական առարկաների քննական աշխատանքների կատարման համար հատկացվում է 150 րոպե, իսկ մյուս բոլոր առարկաների քննական աշխատանքների կատարման համար՝ 90 րոպե ժամանակ:

*Ուշադրություն. Դիմումը հաջողությամբ ներբեռնելու դեպքում համակարգը մի քանի րոպեի ընթացքում ավտոմատ կերպով Ձեր նշած էլ.հասցեին նամակ է ուղարկում, որի մեջ նշված է, որ Ձեր դիմումը հաջողությամբ ընդունվել է (խնդրում ենք ստուգել նաև էլ.հասցեի spam հատվածը): Պատասխան նամակ չստանալու դեպքում զանգահարել նշված հեռախոսահամարներով: 

Ճեմարանի ընդունելության վերաբերյալ բոլոր մանրամասներին կարող եք ծանոթանալ Ճեմարանի ընդունելության քաղաքականության փաստաթղթում, որը հրապարակված է www.shirakatsy.am կայքում:

1990թ. - ից Ճեմարանում իրականացվում է «Շնորհալի երեխաների բացահայտման, նրանց կրթության կազմակերպման և օժտվածության խնդիրների հետազոտման» հեղինակային կրթական ծրագիրը (հաստատված է ՀՀ կառավարության կողմից): 2014թ. նշված ծրագիրը ընդլայնվել և վերահաստատվել է ՀՀ ԿԳ նախարարության կողմից և ներկայումս լիարժեք ինտեգրում է ՀՀ պետական չափորոշչի և ՄԲ համապասխան տարիքային ծրագրերի պահանջները: 

2010թ.-ից Ճեմարանը «Ռաունդ Սքվեր» (Round Square) միջազգային դպրոցների համաշխարհային ասոցիացիայի լիիրավ անդամ է: 2008թ.-ից Ճեմարանը ԱՊՀ երկրների ՄԲ  դպրոցների ասոցիացիաի լիիրավ անդամ է: 

2010թ.«Մայքրոսոֆթ» ընկերության համաշխարհային գրասենյակի կողմից Ճեմարանը ճանաչվել է աշխարհի 56 ամենաառաջատար նորարար դպրոցներից մեկը:

2013թ. Ճեմարանի կրտսեր դպրոցը, 2014թ.` միջին և ավագ դպրոցները հավատարմագրվել են Միջազգային բակալավրիատի համաշխարհային գրասենյակի կողմից:

2014թ.-ից ՀՀ կառավարության որոշմամբ արտոնվել է 11-12-րդ դասարաններում իրականացնել ՄԲ դիպլոմային ծրագիրը (IB DP)՝ անգլերով:

Հասցեներ՝ Միջին դպրոց՝ Նոր Նորքի 5-րդ զանգված, Արտեմ Միկոյան փողոց. 35 

Հեռախոս՝ +374 10 680102, +374 44 640126

Էլ. հասցե` info@shirakatsy.am

Կայք` www.shirakatsy.am