«Շիրակացու ճեմարանը» փնտրում է ուսուցիչների՝
Դասավանդում է հայերենով՝
Մաթեմատիկա
Ֆիզիկա
Ինֆորմատիկա
Գծագրություն
Կենսաբանություն
Բնապահպանություն
Պատմություն
Ձեռնարկատիրություն
Ֆիզկուկտուրա
Անգլերեն
Քիմիա
Հռետորաբանություն
Ռուսաց լեզու (Կրտսեր դպրոց)
Տարրական դասարանների դասվար
Դասավանդում է անգլերենով՝
Հայ գրականություն
Անգլերեն
Մաթեմատիկա
Ֆիզիկա
Իմացության տեսություն
Տնտեսագիտություն
Բիզնես և կառավարում
Ուսուցիչը դասավանդում է Ճեմարանի կրտսեր կամ միջին և/կամ ավագ դպրոցներում: Համապատասխան առարկայական ամբիոնի անդամ լինելով՝ մասնակցում է ամբիոնի աշխատանքներին՝ Միջազգային բակալավրիատի պահանջներին համապատասխան առարկայական, միջառարկայական ծրագրերի տեղայնացում, թեմատիկ միավորների մշակում և իրականացում: Գործունեությունը ծավալում է սովորողակենտրոն ուսուցման սկզբունքով, արձանագրում է յուրաքանչյուր սովորողի առանձնահատկությունները, հետաքրքրությունները և կազմակերպում է կրթադաստիարակչական գործունեություն՝ գերակա նպատակ դարձնելով յուրաքանչյուր սովորողի ներդաշնակ զարգացումը:
Պահանջվող գիտելիքներ և կարողություններ
Ուսուցիչը պետք է հիմնովին տիրապետի դասավանդվող առարկային և ուսուցիչ լինելը համարի իր կոչումը:
Պետք է իմանա կամ պատրաստ լինի սովորել՝
հանրակրթական առարկայական չափորոշիչների և ծրագրերի պահանջները և բովանդակությունը, առարկայի դասավանդման և գնահատման մեթոդաբանությունը:
Պետք է կարողանա կամ պետք է ձգտի կարողանալ՝
գրագետ կիրառել մանկավարժական և հոգեբանական մոտեցումները.
սովորողների ուսումնառության տարբեր ոճերին և կրթական կարիքներին համապատասխան դասավանդման տեխնոլոգիաներ, մեթոդներ ընտրել և կիրառել.
իրավիճակները վերլուծել, գնահատել և համապատասխան արձագանքով հետադարձ կապ ապահովել.
թիմով աշխատել, համագործակցել սաների, գործընկերների հետ.
գրագետ, արտահայտիչ և մատչելի խոսել.
Միջազգային բակալավրիատի գաղափարախոսությունը, պահանջները, ինչպես նաև այլ նորարարական գաղափարներն ընդունելու, սովորելու և կիրառելու պատրաստակամ լինել.
անգլերենով կամ այլ օտար լեզուներով կարդալ, հաղորդակցվել և/կամ կատարելագործվելու պատրաստակամություն դրսևորել:
* անգլերենի գերազանց իմացության (առնվազն B2 մակարդակ)
«Շիրակացու ճեմարան» միջազգային գիտակրթական համալիրը հիմնադրվել է 1990թ.՝ շնորհալի երեխաների բացահայտման և նրանց կրթության կազմակերպման հեղինակային ծրագրի հիման վրա: 2014թ.-ից Միջազգային բակալավրիատի 3 ծրագրերով՝ կրտսեր (PYP), միջին (MYP), ավագ (DP), հավաստագրված միակ կրթահամալիրն է հանրապետությունում: Ճեմարանը սաների, ուսուցիչների և ծնողների միասնական համայնք է, որտեղ բոլորը ձգտում են անընդմեջ սովորել և կատարելագործվել՝ կարևորելով յուրաքանչյուրի լիարժեք ինքնադրսևորման համար բարենպաստ միջավայրի ստեղծումը և զարգացումը:
Դիմելու կարգը
Եթե ուզում եք միանալ մեզ, Ձեր ինքնակենսագրականը (CV) կարող եք ուղարկել hr@shirakatsy.am հասցեին: Նամակի թեմա (subject) դաշտում խնդրում ենք պարտադիր նշել այն աշխատանքի անվանումը, որի համար դիմում եք (օր.՝ Ֆիզիկայի ուսուցիչ): Դիմելու վերջնաժամկետը 15.05.2023 է: Նախնական ընտրություն անցած թեկնածուները կհրավիրվեն մրցույթի մինչև 31.05.2023 (եթե մինչև այդ Ձեր կողմից նշված հասցեին մրցույթին մասնակցելու վերաբերյալ նամակ չեք ստացել, ապա Ձեր թեկնածությունը չի դիտարկվել):