1992-1993, ձմեռ                      Ուսումնական դասընթացը  կազմակերպվում է «Նաիրիտ» գործարանի ուսումնարանի                                        

                                                        ջեռուցվող  շենքում:



1993, նոյեմբերի 4                     Տեր և տիկին Հովնանյանները Արմեն Սմբատյանի ուղեկցությամբ այցելում են ճեմարան:                                                       


1993, աշուն                                   Դիմում է ներկայացվում նախարարություն ճեմարանի սաներին հարցազրույցով ԵՊՀ

                                                       ընդունելու մասին:                                            

                                                              

1993, դեկտեմբեր                     Աշակերտուհի Հասմիկ  Ղազարյանը (ուսուցիչ՝ Թամար Ալեքսանյան) հաղթում է Սոցապ  նախարարության  հայտարարած  «Իմ հայրենիք»  թեմայով   շարադրության  մրցույթում և  արժանանում խոշոր դրամական պարգևի:


1993, ապրիլ                                Առաջին անգամ անցկացվում է «Շիրակացու օրեր» փառատոնը. աշակերտները և

                                                       ուսուցիչները հանդես են գալիս գիտական զեկուցումներով:


1993, մայիսի 2                             Ճեմարանում հայտարարվում է Ստեղծագործության օր, որի շրջանակում

                                                        անցկացվում է  «Հրաշքների դաշտ» մրցույթը:


                                                    

1993, մայիս                            Ճեմարանի առաջին շրջանավարտների «Վերջին զանգ» հանդիսությունն է տեղի ունենում ճեմարանի նախասրահում:


1993,  հունիս                                     Ճեմարանն  ավարտում են  առաջին շրջանավարտները` թվով 94 սան:


1993, հունիս                          Հանրային հեռուստատեսության «Կարծիք»  հաղորդաշարը լուսաբանում է ճեմարանի աշխատանքը: Հաղորդմանը մասնակցում է ՀՀ   լուսավորության նախարար Հայկ Ղազարյանը:


1993,  հունիս                                     1992-1993 ուստարվա մեդալակիրներ են դառնում Ծովինար Վիրաբյանը, Հասմիկ Բեգլարյանը, Արսեն Հարությունյանը:               


1993, հուլիս                                                       Ճեմարանի առաջին շրջանավարտները հանդիպում են Ամենայն  Հայոց  Կաթողիկոս Վազգեն I Վեհափառ Հայրապետի հետ Մայր Աթոռ Ս. Էջմիածնի վեհարանում:


1993, դեկտեմբերի 28                Ճեմարանի թատերական ստուդիան ներկայացնում է առաջնախաղ՝ Հակոբ Պարոնյանի

                                                        «Մեծապատիվ մուրացկաններ» ստեղծագործությունը (ղեկավար՝ Գարիկ Ղազարյան):