2000, մարտ                                       Պատանի բնապահպանների  2-րդ միջազգային տարածաշրջանային օլիմպիադայում (Կովկաս) ճեմարանի թիմը շահում է 2-րդ կարգի դիպլոմ:

2000, ապրիլ                                      Հովնանյան վարժարանի 5 սաներ և տնօրեն Անահիտ Կարմիրյանը այցելում են ճեմարան:

2000, ապրիլ                                      Աշոտ Հարությունյանը բացարձակ հաղթանակ է տանում միաժամանակ հանրապետական 5 օլիմպիադաներում:

2000, ապրիլի 10                           Ճեմարանի թատերական ստուդիան ներկայացնում է առաջնախաղ՝ Ն.Գոգոլի 

                                                       «Ռևիզոր»  կատակերգությունը:

2000, ապրիլի 21                            Ամերիկահայ բարերար Վահագն Հովնանյանն այցելում է ճեմարան:

2000, ապրիլի  25-26                       1999-2000 ուստարվա քիմիայի հանրապետական օլիմպիադան   կազմակերպվում և անցկացվում է  ճեմարանում:

2000, ապրիլ                                      1999-2000 ուստարվա կենսաբանության հանրապետական օլիմպիադան  կազմակերպվում և անցկացվում է  ճեմարանում:

2000, ապրիլ                                 Ճեմարանի հայոց լեզվի և գրականության ամբիոնում հավաքված նյութերի հիման վրա  Ռուբինա Նազարյանի և Թամար  Ալեքսանյանի համահեղինակությամբ  լույս է տեսնում «Փոխադրության նյութերի ժողովածու 5-10-րդ դասարանների համար» գիրքը («Զանգակ -97» հրատարակչություն):  

2000, մայիսի 10-13                         «Սահմանադրություն և իրավունք» հանրապետական երկրորդ օլիմպիադան կազմակերպում և անցկացվում է  ճեմարանում:

2000, մայիսի 23                           ճեմարանի  ութերորդ շրջանավարտների «Վերջին զանգ» հանդիսությունն է

                                                        տեղի ունենում ճեմարանի դահլիճում:

2000,  հունիս                                     1999-2000 ուստարվա ոսկե մեդալակիրներ են դառնում  Աշոտ Հարությունյանը և Արմեն Վաղարշակյանը:

2000, հունիսի 16             Ճեմարանի  ութերորդ շրջանավարտների ավարտական երեկոն է տեղի  ունենում  ճաշարանի սրահում:       

2000, հունիս                                      «Շիրակացու ճեմարան» հիմնադրամն է ստեղծվում:

2000, սեպտեմբեր                            Միջին և ավագ դպրոցների վճարովի կառույցն է ամբողջանում:

2000, հոկտեմբերի 1                     Ճեմարանում մեծ շուքով նշվում է Ուսուցչի տոնը:

2000, հոկտեմբերի 3                     Ճեմարանաի հիմնադրամի շնորհանդեսն է տեղի ունենում:

2000, հոկտեմբերի 9                 Ճեմարանը  Նկարչի տանը  մասնակցում է «Կրթություն» EXPO- 2000 մասնագիտացված

                                                         ցուցահանդեսին:

2000, հոկտեմբեր                             «Ճեմարանականների միություն» ՀԿ-ն է  ստեղծվում:

2000, հոկտեմբեր -նոյեմբեր       Ճեմարանի 10-ամյակին նվիրված տոնակատարություններ են տեղի ունենում Երևանի պետական և բժշկական համալսարաններում  համապատասխան բուհերի ճեմարանական ուսանողների նախաձեռնությամբ:

2000, հոկտեմբեր                             Ճեմարանի «Անբասիր ծառայությունների համար» մեդալն է  ստեղծվում  (հեղինակ` նկարիչ-դիզայներ Հրաչ Ասլանյան):

2000, նոյեմբեր                                  Հայաստանի ազգային հեռուստատեսությամբ (Հ1) «Ճեմարանը 10 տարեկան է»  ֆիլմն է ցուցադրվում (հեղինակ` Գարիկ Ղազարյան):

2000, նոյեմբեր                                  Ճեմարանի «Նոր սերունդ» թերթի առաջին համարն է  լույս տեսնում (գլխավոր խմբագիր՝ ֆիզիկայի ուսուցիչ Գեղամ Սիմոնյան):

2000, նոյեմբերի 13                          Ամենայն հայոց բանաստեղծուհի Սիլվա Կապուտիկյանն այցելում է  ճեմարան. սաները հանդես են գալիս  բանաստեղծուհու ստեղծագործությունների  ասմունքով  և դրանց հիման վրա գրված երգերի կատարումներով: Հայոց լեզվի և գրականության շնորհալի ուսուցչուհի  Մանանա Օշխերելին  բանաստեղծուհու մասին  բնութագրական հուզիչ խոսք է ասում:

2000, նոյեմբերի 13                          Ճեմարանի «Անբասիր ծառայությունների համար» մեդալով առաջինը պարգևատրվում է ամենայն հայոց բանաստեղծուհի Սիլվա Կապուտիկյանը:

2000, նոյեմբեր                                  Ճեմարանի հիմնադրման 10-ամյակի կապակցությամբ տնօրեն Աշոտ Ալիխանյանը, փոխտնօրեն Արփինե Փափազյանը և ռուսաց լեզվի ամբիոնի վարիչ Մարինա Շեյնինան   պարգևատրվում  են  ՀՀ  ԿԳ նախարարության ոսկե հուշամեդալով:

2000,  նոյեմբեր                                 ՀՀ Երևանի Նոր Նորքի թաղապետի որոշումով ճեմարանի տնօրեն Աշոտ  Ալիխանյանին «Նոր Նորք համայնքի  պատվավոր անդամ»-ի կոչում է  շնորհվում:

2000, նոյեմբերի 19                          Ճեմարանի 10-ամյակի հանդիսավոր տոնակատարությունն է տեղի ունենում  Կարեն        Դեմիրճյանի անվան մարզահամերգային համալիրում: 

2000, դեկտեմբեր                         Հայոց լեզվի և գրականության ամբիոնում հավաքված նյութերի հիման վրա

                                                              հրատարակվում է «Թելադրության նյութերի ժողովածու հանրակրթական դպրոցի 5-10-րդ դասարանների համար», հեղինակներից մեկը հայոց լեզվի և գրականության ամբիոնի վարիչ Թամար Ալեքսանյանն է («Զանգակ-97»):