2015, հունվարի 14

ՀՀ հանրակրթական ուսումնական հաստատությունների՝ 2014 թվականի ազգային վարկանիշավորման արդյունքներն են ամփոփվում: Այդ համակարգում ճեմարանը երկրորդ տեղում  է քաղաքային մեծ և միջին միջնակարգ դպրոցների ենթախմբում:

2015, փետրվար 4-

մարտի 4

Ֆիզիկայի ամբիոնի վարիչ Վարդան Մելքոնյանը Միջազգային բակալավրիատի Մասնագիտական զարգացման կենտրոնի հեռավար վերապատրաստմանն է  մասնակցում  և ստանում  Դիպլոմային ծրագրի 2-րդ կարգի հավաստագիր:

2015, փետրվարի

 6-7

Ճեմարանի պատվիրակությունը` ի դեմս տնօրեն Աշոտ Ալիխանյանի և ՌՍ ներկայացուցիչ Իլոնա Ղասաբօղլյանի Միացյալ Արաբական Էմիրությունների Դուբայ քաղաքի Ինդիան Հայ դպրոցում (The Indian High School) մասնակցում է «Ռաունդ Սքվեր» միջազգային դպրոցների համաշխարհային ասոցիացիայի Հարավային Ասիա և  Գալֆ տարածաշրջանային համաժողովին (AGM of  South Asia & Gulf Region - 2015):

2015, փետրվարի

19-21

Ռուսաց լեզվի ամբիոնի վարիչ Էլինա Շաքարյանը Պրահայում մասնակցում է «Managing Extended Essay» սեմինարին, ուր  քննարկվում են ընդարձակ շարադրանք (էսսե) գրելու բարդությունները և դրանց հաղթահարման ուղիները: 

2015, փետրվարի

 20-27

2015, փետրվարի 23          

ՅՈՒՆԵՍԿՕ-ի նախաձեռնած Մայրենի լեզվի միջազգային օրվան նվիրված միջոցառում է տեղի ունենում Երևանի թիվ 198 դպրոցում: Տեսակապի միջոցով մասնակցում են տարբեր երկրների յոթ դպրոցներ: Թեման «Սասունցի Դավիթ» դյուցազնավեպն է, որից հատվածներ են հնչում տարբեր լեզուներով: Ճեմարանի թիմը նկարահանվում է Երվանդ Քոչարի թանգարանում.   մի խումբ 9-րդ դասարանցիներ (ղեկավար՝ հայոց լեզվի և գրականության ուսուցիչ Արսեն Վարդանյան) ներկայացնում են անգիր հատվածներ մեր էպոսից:

Հայոց լեզվի և գրականության ամբիոնի նախաձեռնությամբ մեծ շուքով նշվում է մայրենիի օրը, որն ավարտվում է Վահան Տերյանի ծննդյան 130-ամյակին նվիրված գրական-երաժշտական ցերեկույթով:

Շախմատի ուսուցիչ Նելլի Փիլոսյանը ՖԵՅՍԲՈՒՔ սոցիալական ցանցում ստեղծում է շախմատի էջ Chess in Anania Shirakatsy Lyceum, որտեղ տեղադրվում են  կրտսեր դպրոցում շախմատի դասաավնդմանը  վերաբերող նյութեր:

2015, փետրվար

Ճեմարանի թիմը համացանցով, հեռավար սկզբունքով մասնակցում է Մոսկվայի “Интеграция 21 век” միջազգային դպրոցի կազմակերպած մաթեմատիայի օլիմպիադային: Հաղորդակցման լեզուն անգլերենն է: Ճեմարանի թիմը գրավում է 2-րդ տեղը (ղեկավար՝ մաթեմատիկայի ուսուցիչ Աշոտ Դարբինյան):

2015, մարտ 16-19

Ռուսաց լեզվի ամբիոնի վարիչ Էլինա Շաքարյանը մասնակցում է Ռուսաստանի Դաշնության առաջատար բուհերի մասնագետների ուժերով կազմակերպած որակավորման բարձրացման դասընթացներին:

2015, մարտի 19

ՅՈՒՆԵՍԿՕ-ի հայաստանյան ասոցացված կրթօջախներից երեքը՝ Երևանի թիվ 198, 20 դպրոցները և Անանիա Շիրակացու անվան ճեմարանը Երևանի Պեյո Յավորովի անվան թիվ 131 դպրոցում մասնակցում են բուլղարացի մեծ գրող, հասարակական գործիչ, հայ ժողովրդի մեծ բարեկամ Պեյո Յավորովին նվիրված միջոցառմանը: Ճեմարանի սաներ Սամվել Բատիկյանը, Լիլիթ Սարգսյանը, Հայկ Խաչատրյանը, Անահիտ Հարությունյանը ներկայացնում են Յավորովի հանրահայտ «Հայերը» բանաստեղծությունը, հայ ժողովրդի հետ ունեցած նրա առնչությունները:

2015, մարտի 20

Հայոց լեզվի և գրականության ամբիոնի նախաձեռնությամբ ճեմարանը հյուրընկալում է ՀՀ-ի գրողների միության նախագահ, բանաստեղծ, մանկագիր Էդվարդ Միլիտոնյանին: 5-րդ դասարանցիները ներկայացնում են գրողի ստեղծագործության շուրջ իրականացրած հետազոտական աշխատանքները:

2015, ապրիլի 2

2015, ապրիլի 16         

Կրտսեր դպրոցում մեկնարկում է ուսուցչական առաջին ստուգատեսը, որին մասնակցում են 80-ից ավելի ուսուցիչներ Երևանի 14 դպրոցներից և տարրական դպրոցի դասագրքերի հեղինակները:

Կրտսեր դպրոցում տեղի է ունենում «100-րդ գարունը» խորագրով միջոցառումը, որը համախմբել էր 3 սերնդի ճեմարանականներին և ուսուցիչներին (կազմակերպիչ՝ Հայկուհի Կոլոլյան):

2015, ապրիլ

  Պատմության ամբիոնի նախաձեռնությամբ (ամբիոնի ղեկավար՝ Լուսինե Անտոնյան) և «Երիտասարդ պատմագետների ասոցիացիա» ՀԿ-ի (տնօրեն՝ Լիլիթ Մկրտչյան) հետ համագործակցելով՝ բազմատեսակ միջոցառումներով նշվում է Մեծ եղեռնի 100-ամյա տարելիցը:

Ապրիլի 20–ին ավագ դպրոցի սաները ֆլեշմոբ են անցկացնում  Ծիծեռնակաբերդում, ապրիլի 21-ին միջին դպրոցի սաները` ցուցահադես «Հույսի հայրենիք, լույսի հայրենիք» խորագրով:

2015, ապրիլի

22-25

Ճեմարանի պատվիրակությունը (տնօրեն Աշոտ Ալիխանյան, ՄԲ-ի համակարգողներ Աննա Ստեփանյան և Մանե Գևորգյան) Ուլյանովսկում մասնակցում են ԱՊՀ երկրների՝ Միջազգային բակալավրիատի դպրոցների համաժողովին: Աննա Ստեփանյանը և Մանե Գևորգյանը ներկայացնում են միջին դպրոցում իրենց պլանավորած և վարած դասերը՝ աշխարհագրության և մաթեմատիկայի միասնացման (ինտեգրված) սկզբունքով:

2015, մայիս

Ռուսաց լեզվի ուսուցչուհի Մարինա Աշոտի Քոչարյանը «2015 թվի ռուսաց լեզվի լավագույն ուսուցիչ» անվանակարգում շահում է 2-րդ աստիճանի դիպլոմ:

2015, մայիսի 8

Միջազգային բակալավրիատի կրտսեր դպրոցի 4-րդ դասարանցիների կատարած հետազոտական աշխատանքներն ամփոփվում է երրորդ ստուգատեսով՝ «Ինչպե՞ս ենք մենք ինքնաարտահայտվում» միջառարկայական թեմայով:

2015, մայիս

Ամփոփվում են 2014-2015 ուստարվա հանրապետական առարկայական օլիմպիադաների արդյունքները՝ Ադոնց Հովհաննես, Բատիկյան Սամվել՝ քիմիա՝ 1-ին և 2-րդ տեղեր: Մխոյան Գայանե, Անանյան Էրիկ՝ պատմություն՝ 1-ին և 2-րդ տեղեր:  Սարգսյան Լիլիթ, Գրիգորյան Մարիամ՝ հայ գրականություն՝ 3-րդ տեղ:  Ավագյան Իոննա, Ասատրյան Էլինա՝ ռուսաց լեզու՝ 2-րդ և 3-րդ տեղեր:  Հարությունյան Մայիս՝ մաթեմատիկա՝ 2-րդ տեղ: Պետրոսյան Գևորգ՝ կենսաբանություն՝ 2-րդ տեղ:

2015, մայիսի 13

• Ավագ դպրոցի սաները հանդիպում են Երևանում ռուսական մշակույթի և գիտության կենտրոնի տնօրեն Մարկ Անդրեևիչ Կալինինի հետ:

2015, մայիսի 14

• Ավագ դպրոցի սաները հանդիպում են «Էլասկո էքսպրես» կազմակերպության տնօրեն Լալա Վարդազարյանի հետ` ամառային ծրագրերին ծանոթանալու և  հնարավորություններն ուսումնասիրելու նպատակով:
• 
  

2015, մայիսի 15

• Երևանի Հովհ. Թումանյանի տուն-թանգարանում արդեն երկրորդ անգամ տեղի է ունենում կրտսեր դպրոցի սաների գեղարվեստական աշխատանքների ցուցահանդես-վաճառքը. ստացված գումարը ծառայում է բարեգործությանը:

2015, մայիսի 15

• Երևանի Վահագնի թաղամասի միջազգային դպրոցում ճեմարանի թիմը մասնակցում է թեթև աթլետիկայի մրցումներին և տարբեր տարածության վազքում արժանանում  25 մեդալի:

2015, մայիսի 20

• Սահմանամերձ Ներքին Կարմիրաղբյուր դպրոցի 14 սաներն իրենց ուսուցիչների հետ հյուրընկալվում են ճեմարանում: Բացվում է հյուր սաների գեղանկարչական 50 աշխատանքների ցուցահանդեսը:
• Հյուրերի և ճեմարանի սաների համար վարպետության դասեր են տալիս նկարիչների միության նախագահ Կարեն Աղամյանը, գեղանկարիչներ Սամվել Սևադան և Հայկ Մեսրոպյանը:

2015, մայիսի 26

• Հադիսավոր պայմաններում բացվում է ճեմարանի հեծանվորդների ակումբը:

2015, մայիսի 30

• Ամերիկյան համալսարանի դահլիճում տեղի է ունենում ճեմարանի 22-րդ շրջանավարտների «Վերջին զանգ» հանդիսությունը:

2015, հունիսի 2

• Երևանի Անդրանիկ Մարգարյանի անվան թիվ 29 դպրոցում ամփոփվում են ռուս գրող, դիվանագետ, հայ ժողովրդի բարեկամ Ա. Ս. Գրիբոյեդովի ծննդյան 220-ամյակին նվիրված մրցույթի արդյունքները: Ճեմարանի աշակերտներ  Էլեն Դավթյանը (12-րդ դասարան) և Էրիկ Անանյանը (10-րդ դասարան) ռուսերենով գրված էսսեի մրցույթում ստանում են 3-րդ կարգի դիպլոմներ (ուսուցիչ՝ ռուսաց լեզվի ամբիոնի ղեկավար Էլինա Շաքարյան):

2015, հունիսի

• 11-րդ դասարանի աշակերտուհի Իոննա Ավագյանը Մոսկվայում անցկացված ռուսաց լեզվի օլիմպիադայում գրավում է առաջին տեղը «Լավագույն էսսե» անվանացանկում (օլիմպիական խմբակի ղեկավար՝ ռուսաց լեզվի ուսուցչուհի Մարինա Քոչարյան):

2015, հունիսի 5

• Առաջին անգամ 10-րդ դասարանցիները հանդես են գալիս իրենց անհատական նախագծերի հրապարակային ցուցադրությամբ:

2015, հունիսի 6

• ճեմարանի սան Գագիկ Ամարյանը դառնում է «Ոզնի» համակարգչային մրցույթի առաջին կարգի մրցանակակիր։
• 
  

2015, հունիսի 29

• Երևանի «Լաթար» ռեստորանում տեղի է ունենում ճեմարանի 22-րդ շրջանավարտների ավարտական երեկոն:

2015, հուլիսի 3

ՏՏ ոլորտում ՀՀ նախագահի ամենամյա «Կրթական պարգև  2015»  մրցանակաբաշխութ յան  լավագույն աշակերտ  անվանակարգում հաղթող են ճանաչվում Դավիթ Մուսայելյանը  (9-րդ դասսարան) և Արամ  Խանլարին  (10-րդ դասարան):

2015, օգոստոս

Մոսկվայում ամփոփվում են «Ռուսաց լեզվի լավագույն ուսուցիչն  արտասահմանում» մրցույթի առաջին փուլի արդյունքները: ՀՀ –ից հաղթող է ճանաչվում ճեմարանի ռուսաց լեզվի և գրականության ուսուցիչ, ամբիոնի վարիչ, բանասիրական գիտությունների թեկնածու  Էլինա Շաքարյանը:

2015, սեպտեմբեր

Կրթահամալիրը նոր ուսումնական տարին սկսում է  նոր մանկապարտեզով. Մերգելյան ինստիտուտի հարևանությամբ` Կոմիտասի փողոցի թիվ 1 շենքի բակում սկսում է գործել նախակրթարանի՝ անհրաժեշտ բոլոր պայմաններով ապահովված նոր մասնաշենքը:

2015,  սեպտեմբերի 17

Պատմության ամբիոնի նախաձեռնությամբ միջին դպրոցի սաները հանդիպում  են հայ ազգային հերոս Թաթուլ Կրպեյանի ընտանիքի անդամներին ու ընկերներին:

2015, հոկտեմբերի 2-8

Ճեմարանական պատվիրակությունը՝ ի դեմս տնօրեն Աշոտ Ալիխանյանի, ՌՍ ներկայացուցիչ Իլոնա Ղասաբօղլյանի, ուսուցիչ Շանթալ-Մարի Թերզիյանի և 6 սաների՝ Կարեն Քրմոյան, Դավիթ Մուսաելյան, Գագիկ Ամարյան, Վլադ Հակոբյան, Գայանե Գրիգորյան, Նաիրա Ստեփանյան, մեկնում է  Սինգապուր UWC South East and Asia դպրոց  մասնակցելու «Ռաունդ Սքվեր- 2015» միջազգային համաժողովին (RSIC-2015):

2015, հոկտեմբերի 3

Առաջին անգամ Հայաստանում անցկացվում է կիսամարաթոնյան վազքարշավ, որին   ճեմարանից մասնակցում են 10 լավագույն վազորդներ, որոնք  2,5 կմ վազքատարածությունում ցույց  են տալիս   հիանալի արդյունքներ և պարգևատրվում են  մեդալներով:

2015, հոկտեմբերի 4

ԱՄՆ Լոս Անջելես քաղաքում  տեղի է  ունենում  Սոկե Կուբոտայի 51-րդ միջազգային բաց առաջնությունը, որին մասնակցում  են նաև Ճեմարանի կրտսեր դպրոցի սաները` արժանանալով ոսկե և արծաթե մեդալների  (մարզիչ Արման Ղարախանյան):

2015, հոկտեմբերի 5

Ուսուցչի օրվա առթիվ  ՀՀ  Ազգային ժողովը  ոսկե մեդալ է շնորհում կրտսեր դպրոցի ուսուցիչ  Գոհար Սարգսյանին, իսկ ռուսաց լեզվի և գրականության ամբիոնի ղեկավար Էլինա  Շաքարյանն արժանանում է պատվոգրի:

2015, հոկտեմբերի 8

Ֆիզկուլտուրայի ամբիոնի վարիչ, մանկավարժական գիտությունների թեկնածու, դոցենտ Սուսաննա Հովեյանին Հայաստանի Հանրապետության սպորտի և երիտասարդության հարցերի նախարարը շնորհում է ֆիզիկական կուլտուրայի և սպորտի ՊԱՏՎԱՎՈՐ ԱՇԽԱՏՈՂԻ կոչում և արժանացնում է ոսկե մեդալի:

2015, հոկտեմբերի 5-9

Քիմիայի ուսուցչուհի, քիմիական գիտությունների թեկնածու Սոֆյա Այդինյանը «Քիմիական ֆիզիկայի արդի խնդիրները» 4-րդ միջազգային գիտաժողովում լավագույն զեկուցման համար ստանում է առաջին մրցանակ:

2015, հոկտեմբերի

8-14

Դիպլոմային ծրագրի սաներ Իսահակ Բուլանիկյանն ու Գուրգեն Թադևոսյանը Դիլիջանում մասնակցում են Եվրոպական երիտասարդական պառլամենտի միջազգային ֆորումին: Գուրգեն Թադևոսյանն ընտրվում է որպես լավագույն պատվիրակ և վեց այլ պատվիրակների հետ պատրաստվում է ներկայացնել Հայաստանը ԵԵՊ-ի 81-րդ միջազգային նստաշրջանում, որը Իռլանդիայի մայրաքաղաք Դուբլինում և Հյուսիսային Իռլանդիայի մայրա աղաք Բելֆաստում է կայանալու՝ իր կազմում ունենալով երիտասարդ ներկայացուցիչներ 35 երկրներից:

2015, հոկտեմբերի 11

Ծիծեռնակաբերդում կրտսեր դպրոցի առաջին մարաթոնն է մեկնարկում` նվիրված Եղեռնի 100-ամյա տարելիցին:

2015, հոկտեմբերի 16

2015-2016 ուստարվա աշակերտական խորհրդի համանախագահներ են ընտրվում 12-րդ դասարանի աշակերտներ Արգիշտի Ավետիսյանը և Մարիանա Մկրտչյանը:

2015, հոկտեմբերի 18

«Տարվա լավագույն հանրային ծառայող և տարվա լավագույն ապրանքանիշ 2015» ամենամյա ազգային մրցանակաբաշխության ժամանակ (կազմակերպիչ՝ «Համազգային վստահություն» խորհուրդ) րևանի Անանիա Շիրակացու անվան ճեմարանը երկրորդ անգամ արժանանում է «Միջազգային ստանդարտներին համապատասխան կրթության որակ ապահովող կրթահամալիր» անվանակոչմանը:

2015, հոկտեմբերի 19-23

Ռուսաց լեզվի ուսուցիչներ Նարինե Բիլբուլյանը, Գայանե Ալեքսանյանը և Մարինա Քոչարյանը մասնակցում են ՌՈՍՍՈՏՌՈՒԴՆԻՉԵՍՏՎՕ-ի կազմակերպած գիտագործնական կոնֆերանսին, որտեղ Մարինա Քոչարյանը հանդես է գալիս զեկուցումով: Սեմինարի ավարտին ուսուցիչները ստանում են որակավորման բարձրացման հավաստագրեր:

2015, հոկտեմբերի 21-24

Համատեղ նախագիծ (KAS) է իրականացվում Մոսկվայի տնտեսագիտական և Պերմի Պուշկինի անվան դպրոցներից ժամանած աշակերտների պատվիրակության և ճեմարա նի դիպլոմային ծրագրի առաջին կուրսի սաների հետ:

2015, հոկտեմբերի 23

Հանդիսությունների դահլիճում ճեմարանականները մեծարում են Գոհար և Գևորգ Վարդանյաններին: Հանդիսության ընթացքում Գևորգ Վարդանյանի անվան կրթաթոշա կի հավաստագրեր են հանձնվում մի քանի լավագույն սաների:

2015, հոկտեմբերի 25

 Երևանի «Փարիզ» հյուրանոցում Բրիտանական խորհրդի կազմակերպած սեմինարին, որը վարում է Անգլիայից ժամանած ուսուցիչներ վերապատրաստող մասնագետ Անդրեաս Գրռւնդտվիգը,  մասնակցում են  ճեմարանի անգլերենի ուսուցիչներ  Ստելլա Սարգսյանը և Արմինե Գաթրջյանը` ավարտին  ստանալով  մասնակցության հավաստագրեր:        

2015, հոկտեմբերի 25 – 30

Ճեմարանը հյուրընկալում է «Նռան հատիկ» հանրապետական մանկապատանեկան 15-րդ փառատոնը, որը նվիրվում է Հայոց ցեղասպանության 100-րդ տարելիցին և կրում է «Վերածնունդ» խորագիրը: Փառատոնի կազմակերպիչներն են ՀՀ մշակույթի նախարարությունը, «Նախաբեմ» կրթամշակութային ասոցիացիան, Անանիա Շիրակացու անվան ճեմարանը, Ավ. Իսահակյանի անվան կենտրոնական գրադարանը, «Զեյթուն» մշակութային կենտրոնը:

Ճեմարանի թատերական ստուդիան ներկայացնում է Անտոն Չեխովի «Առաջարկություն» ստեղծագործությունը, գեղարվեստական ղեկավար` Գարիկ Ղազարյան:

2015, հոկտեմբերի

Ռուսաց լեզվի ամբիոնի ղեկավար, բանասիրական գիտությունների թեկնածու Էլինա Շաքարյանը Մոսկվայում մասնակցում է  «Лучший учитель русской словесности зарубежья 2015» միջազգային մրցույթին և հաղթող է դառնում “ЗА ИЗЯЩЕСТВО РЕЧИ” անվանակարգում:

2015, հոկտեմբերի 26 – նոյեմբերի 3

Ճեմարանի պատվիրակությունը` կրթահամալիրի տնօրեն Աշոտ Ալիխանյան, ավագ դպրոցի տնօրեն Զարուհի Ղալթախչյան, ՄԲԴԾ-ի համակարգող Աննա Ստեփանյան, մեկնում է Հաագա` մասնակցելու Միջազգային բակալավրիատի դպրոցների համաժողովին:

2015, հոկտեմբերի 28- 29

  Գյումրիի Մ. Նալբանդյանի անվան մանկավարժական համալսարանի նախաձեռնած առարկայական օլիմպիադային մասնակցում են նաև ճեմարանականները և գրանցում հետևյալ հաջողությունները`1-ին կարգի չորս մրցանակ՝ պատմությունից և օտար լեզուներից, 2-րդ կարգի չորս մրցանակ՝ հայոց լեզվից և գրականությունից, օտար լեզվից, քիմիայից,  3-րդ կարգի վեց մրցանակ՝ ռուսաց և օտար լեզուներից, կենսաբանությունից, աշխարհագրությունից, 2 գովասանագիր՝ մաթեմատիկայից և աշխարհագրությունից:

2015, նոյեմբեր

12-րդ դասարանի սան Նարե Սարգսյանի գեղանկարը հաղթող է ճանաչվում արվեստի միջազգային «Ինքնություն» խորագրով առցանց մրցույթում, որը կազմակերպել էր Սինգապուրի «Ռաունդ Սքվեր» (Round Square) կազմակերպության  անդամ միջազգային դպրոցը:  Ճեմարանը մասնակցում  է 5 սաների աշխատանքներով` Ասատրյան Էլինա (11-րդ դասարան), Դավիդյան Սոսի (12-րդ դասարան), Հովակիմյան Էլինա (12-րդ դասարան), Մարտիրոսյան Ծովինար (9-րդ դասարան), Սարգսյան Նարե (12-րդ դասարան):

2015,

նոյեմբերի 5

Կենսաբանության ամբիոնի նախաձեռնությամբ ճեմարանը հյուրընկալում է Կանխարգելիչ սրտաբանության կենտրոնի բժիշկ-քնաբան, ճեմարանի նախկին սան Աիդա Մաթևոսյանին, որը ճեմարանականներին ներկայացնում է մարդու նյարդային համակարգի կարգավորման մեխանիզմների նոր բացահայտումների, քնի մեխանիզմի և երազատեսության վերաբերյալ մի շարք հարցեր:

2015, նոյեմբերի 12

ՌՈՍՍՈՏՌՈՒԴՆԻՉԵՍՏՎՕ-ի նախաձեռնությամբ ՀՀ-ում ռուսաց լեզվի լավագույն ուսուցչուհի ճանաչված Մարինա Քոչարյանը վարպետության դաս է վարում  Երևանի «Քվանտ» վարժարանի 8-րդ դասարանում:

2015, նոյեմբերի 13

Ավագ դպրոցի սովորողները հանդիպում են կենսաֆիզիկոս Արմեն Ոսկանյանի հետ:

2015, նոյեմբերի 27

Դիպլոմային ծրագրի 2-րդ կուրսի ուսանողներն առաջին անգամ  ներկայացնում են փորձարարական չորս գիտությունների՝ քիմիայի, ֆիզիկայի, կեսաբանության և համակարգչային գիտության շրջանակներում իրականացրած հետազոտական աշխատանքի արդյունքները:

2015, նոյեմբերի 27

Հայոց լեզվի և գրականության ամբիոնի նախաձեռնությամբ (կազմակերպիչներ Արսեն Վարդանյան և Անահիտ Անտոնյան) 10-րդ դասարանների աշակերտներն իրենց հետազոտական աշխատանքի շրջանակում հյուրընկալում են հայ ժամանակակից նշանավոր արձակագիր, կինոդրամատուրգ, թարգմանիչ Ռուբեն Հովսեփյանին:

2015թ. դեկտեմբերի 2

ԵՊԼՀ Կոնֆուցիոսի ինստիտուտի կազմակերպած «Չինաստանն իմ աչքերով» մրցույթ-ցուցահանդեսին մասնակցում են Երևանի տարբեր դպրոցների՝ տարիքային տարբեր խմբերի թվով 200 սան։ Ճեմարանը ներկայացնում են կրտսեր դպրոցի 10 սան: Մրցույթին մասնակցած 200 աշխատանքներից ընտրվում են 20-ը, ընտրյալների կազմում է ճեմարանի կրտսեր դպրոցի 4-րդ դասարանի (423 խումբ) աշակերտուհի Դիանա Կարապետյանի աշխատանքը։ Ցուցահանդեսը բացվում է Երևանի ազգային պատկերասրահի բազմամարդ դահլիճում, իսկ հաջորդ օրը մրցանակ  շահած աշխատանքները ցուցադրվում են Հայաստանի Ազգային ժողովի ճեմասրահում։ Մասնակից բոլոր սաները պարգևատրվում են շնորհակալագրերով և նվերներով։

2015, դեկտեմբերի 4

Ճեմարանում մեկնարկում է «Շիրակացու օրեր» 23-րդ փառատոնը՝  վիրված Եղիշե Չարենցի հիշատակին:ն

2015, դեկտեմբերի 11

«Երևանի Անանիա Շիրակացու անվան ճեմարան» կրթահամալիրն արժանանում է ԱՊՀ անդամ երկրների ստանդարտացման, չափագիտության և սերտիֆիկացման միջպետական խորհրդի «Ոսկե մրցանակի» և դիպլոմի՝  խորհրդի աշխատանքներին ակտիվ մասնակցելու համար:

2015, դեկտեմբերի 12

Ճեմարանականները հանդիպում են Հայկական վիրտուալ համալսարանի հիմնադիր նախագահ Երվանդ Զորյանի հետ: Հայկական վիրտուալ համալսարանը (ՀՎՀ) Հայկական բարեգործական ընդհանուր միության (ՀԲԸՄ) ծրագրերից է, որն աշխարհասփյուռ հայերին հնարավորություն է տալիս անկախ բնակավայրից համացանցում ստանալու հայեցի կրթություն:

2015, դեկտեմբերի 23

Ճեմարանի պատվիրակությունը` ի դեմս տնօրեն Աշոտ Ալիխանյանի և ՌՍ ներկայացուցիչ Անահիտ Ղարաղազարյանի Հդկաստանի Ինդոր քաղաքի The Emerald Heights International School դպրոցում մասնակցում է «Ռաունդ Սքվեր» միջազգային դպրոցների համաշխարհային ասոցիացիայի Հարավային Ասիա և  Գալֆ տարածաշրջանային համաժողովին (AGM of  South Asia & Gulf Region - 2017):