Ընդունելություն
Միջազգային բակալավրիատի Դիպլոմային ծրագրում
Միջազգային Բակալավրիատի բոլոր երեք՝ տարրական, միջին և ավագ դպրոցների ծրագրերով հավաստագրված Հայաստանի միակ՝ «Շիրակացու ճեմարան» միջազգային գիտակրթական համալիրը շարունակում է ընդունելությունը 2017-2018 ուստարվա Միջազգային Բակալավրիատի Դիպլոմային ծրագրում սովորելու համար:
Ծրագիրը նախատեսված է Հայաստանի Հանրապետության և այլ երկրների 15 տարեկանը լրացած սովորողների համար: Ուսման տևողությունը երկու տարի է և իրականացվում է անգլերենով:
Միջազգային բակալավրիատի դիպլոմային ծրագրի շրջանավարտները կարող են ստանալ նաև ՀՀ պետական նմուշի ատեստատ: Ծրագրի մասին և դիմելու պայմաններին կարող եք ծանոթանալ այստեղ:
Միջազգային կրթական համաժողովը մեկնարկում է
Ապրիլի 20-ին Երևանում կմեկնարկի Միջազգային բակալավրիատի ԱՊՀ երկրների 11-րդ համաժողովը:
ՄԲ ԱՊՀ երկրների ասոցիացիայի կողմից իրականացվող ամենամյա միջոցառման կազմակերպումը այս տարի ապահովելու է «Շիրակացու ճեմարան» միջազգային գիտակրթական համալիրը, որը տարածաշրջանում ասոցիացիայի միակ անդամն է:
Համաժողովի անցկացումը հրաշալի առիթ է միջազգային ձևաչափով բազմակողմանիորեն ներկայացնելու Միջազգային բակալավրիատի առանձնահատկությունները, ինչը հակապես կարևոր է բոլոր նրանց համար, ովքեր դեռ չեն կողմնորոշվել ինչ կրթական ծրագրով առաջնորդվել`ազգա՞յին, թե՞ միջազգային:
Կրկնակի տոն Ճեմարանում
Ապրիլի 1-ը կրկնակի տոն է «Շիրակացու ճեմարանում». մեկնարկում է «Շիրակացու օրեր» փառատոնը, որը ազդարարվում է տասներորդ դասարանցիների` անհատական նախագծերի ներկայացմամբ:
Մեկ տարի շարունակ տասներորդ դասարանի սաները ընտրել, ուսումնասիրել, հետազոտել են իրենց համար կարևոր մեկ թեմա, որն առավել հոգեհարազատ է իրենց, բավարարում է սեփական հետաքրքրությունները և հնարավորություն է տալիս նորարար լինել այդ թեմայի շրջանակում:
«168 ժամ» թերթի անդրադարձը կրթական համաժողովին
Փետրվարի 13-16-ը Միջազգային բակալավրիատի ԱՊՀ երկրների 11-րդ տարեկան համաժողովի անցկացման շրջանակում Անանիա Շիրակացու անվան Ճեմարանը հյուրընկալել է Միջազգային բակալավրիատի ԱՊՀ երկրների ասոցիացիայի գործադիր տնօրեն Նատալյա Բարինովային։
Մեզ հետ զրույցում Նատալյա Բարինովան ասաց, որ իրենց մոտ արդեն ավանդույթ է դարձել ամեն տարի համաժողովն անցկացնել այն տարածաշրջանում, որտեղ կա միջազգային բակալավրիատի հավատարմագիր ունեցող դպրոց.
«Այսպիսի համաժողովներ անցկացվել են Ղազախստանում, Ռուսաստանի շատ քաղաքներում, հիմա Հայաստանի հերթն է, մասնավորապես` Երևանի Անանիա Շիրակացու անվան ճեմարանի։ Համաժողովի թեման կապված է միջազգային բակալավրիատի հետ։ Մենք ԵՏՄ-ի ավանդույթներին ենք հետևում, որտեղ ընդգրկված է երեք պետություն` Ռուսաստանը, Հայաստանն ու Ղազախստանը, և հասկանալով, որ այդ երեք պետություններն իրենց համագործակցության շրջանակներում առաջ են տանում կրթությունն իրենց երկրներում, մենք որոշեցինք, որ հրաշալի կլինի խոսել կրթության ինտեգրման մասին»։
Միջազգային կրթական համաժողովին ընդառաջ
Փետրվարի 13-ից 16-ը Միջազգային բակալավրիատի ԱՊՀ երկրների 11-րդ տարեկան համաժողովի անցկացման շրջանակում Շիրակացու անվան Ճեմարանը հյուրընկալ է Միջազգային բակալավրիատի ԱՊՀ երկրների ասոցիացիայի գործադիր տնօրեն Նատալյա Բարինովային:
Հայաստան կատարելիք այցի նպատակն է քննարկել սույն թվականի ապրիլ ամսին կայանալիք միջազգային լայնամասշտաբ համաժողովի կազմակերպչական և թեմատիկ հարցերը:
2017թ. ապրիլի 20-ից 22-ը Երևանի Անանիա Շիրակացու անվան ճեմարանում կանցկացվի Միջազգային բակալավրիատի ԱՊՀ երկրների 11-րդ տարեկան համաժողովը:
«Սատար լինենք զինվորին» նախաձեռնությունը ամփոփեց արդյունքները
Բանակի օրվան ընդառաջ ավագ դպրոցի աշակերտական ինքնակառավարման խորհուրդը հանդես է եկել կարևոր նախաձեռնությամբ՝ «Սատար լինենք զինվորին»՝ աջակցելու ապրիլյան քառօրյա պատերազմի հերոսներից մեկին՝ Դանիել Դավթյանին:
Հունվարի 27-ին ամփոփվեց նախագիծը. հանգանակված գումարը կազմեց 730 հզ. դրամ:
Դասընթաց՝ «Լոգոպեդական աշխատանքը ժամանակակից դպրոցում»
Երևանի Անանիա Շիրակացու անվան գիտակրթական համալիրի լոգոպեդական ծառայությունը կազմակերպում է դասընթաց «Լոգոպեդական աշխատանքը ժամանակակից դպրոցում» թեմայով:
Մանրամասներին կարող եք ծանոթանալ այստեղ:
Մեկնարկում է «Կանաչ մոլորակ» միջազգային էկոլոգիական շարժումը Հայաստանում
Երևանի Անանիա Շիրակացու անվան ճեմարանը, հանդիսանալով «Կանաչ մոլորակ» միջազգային էկոլոգիական շարժման պաշտոնական ներկայացուցիչը Հայաստանում, կազմակերպում և իրականացնում է «Կանաչ մոլորակ» ֆորումի մրցույթների ազգային փուլը:
Մրցույթի մանրամասներին կարող եք ծանոթանալ այս հղումով.
Միջազգային բակալավրիատի Դիպլոմային ծրագիր (The International Baccalaureate® (IB) Diploma Programme (DP)).
Միջազգային Բակալավրիատի բոլոր երեք՝ տարրական, միջին և ավագ դպրոցների ծրագրերով հավաստագրված Հայաստանի միակ կրթահամալիր Երևանի Անանիա Շիրակացու անվան ճեմարանը հայտարարում է ընդունելություն 2016-2017 ուստարվա Միջազգային Բակալավրիատի Դիպլոմային ծրագրում սովորելու համար: Ծրագիրը նախատեսված է Հայաստանի Հանրապետության և այլ երկրների ավագ դպրոցների 10-րդ և 11-րդ դասարանն ավարտած սովորողներիհամար: Ուսման տևողությունը երկու տարի է և իրականացվում էանգլերենով (ՀՀ կառավարության 2014 թ սեպտեմբերի 18-ի նիստի որոշում): Միջազգային բակալավրիատի դիպլոմային ծրագրի շրջանավարտները կարող են ստանալ նաև ՀՀ պետական նմուշի ատեստատ:
«Ռաունդ Սքուեր»-ի անդամ (a worldwide network of innovative schools)
«Ռաունդ Սքուեր» (Round Square) շահույթ չհետապնդող ցանց է, որը գրանցված է Միացյալ Թագավորությունում որպես բարեգործական ընկերություն: Այն կառավարվում է Խորհրդի կողմից, որի նախագահ է հանդիսանում Նորին Մեծություն Կոնստանտին թագավորը: Ներկայումս
Ռաունդ Սքուեր-ին անդամակցում են աշխարհի թվով 150 դպրոցներ՝ ներառելով 90,000 սաներ և մոտավորապես 7,500 ուսուցիչներ և կազմակերպիչներ:
Ռաունդ Սքուեր-ի կառավարման թիմը ունի գրասենյակներ Վինձորում, Միացյալ Թագավորությունում, ինչպես նաև առկա են տարածաշրջանային աջակցող ղեկավարներ, որոնք գործում են Ռաունդ Սքուեր-ի տարածաշրջաններից յուրաքանչյուրում: <<կարդալ ավելին>>
«Նոր սերունդ» ամսագիր
«Նոր սերունդը» Անանիա Շիրակացու անվան ճեմարանի, ճեմարանի սաների ինքնակառավարման խորհրդի, «Ճեմարանականների միություն» ՀԿ ամսագիրն է:
Անկախության 25-ամյա տարելիցին նվիրված համարը արդեն լույս է տեսել:
<<Փոքրիկ Ճեմարանական>> մանկակրթարանի դռները բաց են 2-5 տարեկան բոլոր փոքրիկների համար:
Մանկակրթարան առավելություններ`
· Նախապատրաստում Միջազգային բակալավրիատի PYP (the International Baccalaureate Primary Years Programme) ծրագրով սովորելուն
· Տեղափոխություն տնից մանկակրթարան և մանկակրթարանից տուն
· Հագեցած առօրյա, լողի պարապունքներ
· Երեխաների զարգացման համար անհրաժեշտ պայմաններ և միջավայր
