Մանկակրթարան

Մանկակրթարանի մասին

• Ո՞վ ենք մենք

  Մանկակրթարանում գործում է 4 խումբ: Խմբերի բաշխվածությունը պայմանվորված է տարիքային տարբերություններով:

   

  Այդ խմբերն են՝

  • Ամպիկներ (3-4 տ․)
  • Աստղիկներ (4-5 տ․)
  • Կարմիր Արևներ (5-6 տ․)
  • Դեղին Արևներ (5-6 տ․)

   

  Հետևյալ խմբերից յուրաքանչյուրն աշխատում է ձեռք բերել զարգացմանն ու կրթմանն ուղղված տարբեր մոտեցումներ, որն էլ իր հերթին ստեղծում է աշխույժ  և արդյունավետ ուսումնական միջավայր:

  

  

  

  

• Ինչպես ենք մենք ինքնարտահայտվում

  Փոքրիկ ճեմարանականները սիրում են մշտապես ստեղծագործել և զարգանալ: Դասերի շնորհիվ սաները փորձում են ինքնարտահայտվել տարբեր ձևերով: Շատ կարևոր է, որպեսզի յուրաքանչյուր երեխա կարողանա կիսվի իր սեփական մտքերով և գաղափարներով: Ինքնարտահայտմանը նպաստում են նաև երաժշտության, կերպարվեստի և ռիթմիկայի պարապմունքները, ինչպես նաև ուսումնական ու խաղային միջավայրերը:

  

  

  

  

• Ինչպես է աշխատում Մանկակրթարանը

  Մանկակրթարանում իրականացվում է Միջազգային բակալավրիատի կրտսեր դպրոցի ծրագիր՝ PYP (Primary Years Programme), որը բնական խաղի, հետազոտելու միջոցով խթանում է մեր սաների վերառարկայական ուսուցումը: Դրան նպաստում են նաև ֆիզկուլտուրայի, լողի, խոսքի զարգացման, մաթեմատիկայի, էկոկրթության պարապմունքները:

  

  

• Ինչպես ենք մենք ինքնակազմակերպվում

  Մանկակրթարանում աշխատանքն սկսվում է առավոտյան ժամը 09։00–ից և ավարտվում է 17։15–ին։

  Տվյալ ժամանակահատվածում սաներն ուսումնասիրում են այն միջոցները, որոնց օգնությամբ իրենք արտահայտում են, կիսվում իրենց մտքերով և զգացմունքներով, փորձում են ճանաչել բնությունն ու մշակույթը: Նմանատիպ ուսումնասիրությունների միջոցով ընդարձակում է սաների մտահորիզոնը, ինչպես նաև բավականություն են ստանում ստեղծագործելու գործընթացից:

  Փոքրիկ ճեմարանականները ժամանում են մանկակրթարան և օրվա ավարտին մեկնում են տուն ճեմարանի տրանսպորտային միջոցներով: Սաները 4 անգամ սնվում են, ինչպես նաև ունեն հանգստի ժամ: Պարապմունքներն ընդմիջվում են զբոսանքով և խաղով:

  

  

• Մոլորակը մեր ընդհանուր տունն է

  Մենք հոգատար բնապահպաններ ենք, հետազոտողներ․․․

  Մոլորակը մեր ընդհանուր տունն է թեմայի շրջանակում 4 տարեկան սաների ուսումնասիրության շրջանակը բույսերն են, իսկ 5 տարեկաներինը՝ մարդկանց հետ համատեղ ապրող ընտանի կենդանիները:

  Փոքրիկ ճեմարանականները իրենց առօրյայի ընթացքում սովորում են հոգատար լինել, կիսվել խաղալիքներով, պահպանել էթիկայի կանոնները և հարգել միմյանց: Մանկակրթարանի մեծահասակաները սովորեցնում են սաներին գնահատել մեր միջավայրը և միմյանց հետ ընկերակցությունը:

  

  

.