Միջին դպրոցի ընդունելություն

ԸՆԹԱՑԻԿ ԸՆԴՈՒՆԵԼՈՒԹՅՈՒՆ
«ՇԻՐԱԿԱՑՈՒ ՃԵՄԱՐԱՆ»
ՄԻՋԱԶԳԱՅԻՆ ԳԻՏԱԿՐԹԱԿԱՆ ՀԱՄԱԼԻՐՈՒՄ
2025-2026 ՈՒՍՏԱՐՎԱ ԵՐԿՐՈՐԴ ԿԻՍԱՄՅԱԿԻ ՀԱՄԱՐ

Հարգելի ծնողներ

Եթե ձգտում եք, որ Ձեր երեխան

ստանա համապարփակ կրթություն, որը կհամապատասխանի Հայաստանի Հանրապետության պետական չափորոշչին և միջազգային ամենաբարձր չափանիշներին,
ակադեմիական գիտելիքներից բացի ձեռք բերի անհրաժեշտ կարողություններ և հմտություններ,
ձևավորվի որպես իսկական մտավորական և պատասխանատու քաղաքացի,

ապա հրավիրում ենք դիմելու Հայաստանի Հանրապետությունում Միջազգային բակալավրիատի (International Baccalaurate) երեք՝ նախադպրոցական-տարրական, միջին և ավագ տարիքային խմբերի հանրակրթական ծրագրերով հավատարմագրված միակ կրթօջախ՝ «Շիրակացու ճեմարան» միջազգային գիտակրթական համալիր» պետական մասնակցությամբ փակ բաժնետիրական ընկերություն (այսուհետ՝ Ճեմարան):

Ճեմարանի ընթացիկ ընդունելությունը 2025-2026 ուստարվա երկրորդ կիսամյակի համար իրականացվում է միջին դպրոցի 9-րդ և 10-րդ դասարանների վճարովի տեղերում:

Ուշադրություն. 2025թ. դեկտեմբերի 22-ի դրությամբ առկա թափուր տեղերը ըստ դասարանների հետևյալն են` 9-րդ դասարան` 5 տեղ, 10-րդ դասարան` 2 տեղ՝ միայն բնագիտական հոսքում:

Ճեմարանի ընդունելության վերաբերյալ բոլոր մանրամասներին կարող եք ծանոթանալ Ճեմարանի ընդունելության քաղաքականության փաստաթղթում հետևյալ հղումով:

Ընդունելության դիմում-հայտերի և փաստաթղթերի ընդունումը իրականացվում է դեկտեմբերի 22-ից դեկտեմբերի 25-ը ներառյալ՝ դիմումների առցանց գրանցման համակարգում *: Ընդունելության քննությունները կազմակերպվում են հունվարի 7-ից հունվարի 19-ը **:

*Ուշադրություն. Դիմում-հայտը լրացնելուց հետո համակարգը ինքնաշխատ հաղորդագրություն է ուղարկում հայտում նշված էլ. հասցեին՝ նշելով, որ հայտը հաջողությամբ ընդունվել է (խնդրում ենք ստուգել նաև էլ.հասցեի spam հատվածը): Պատասխան նամակ չստանալու դեպքում խնդրում ենք զանգահարել նշված հեռախոսահամարներով:

**Ուշադրություն. Հիվանդ լինելու կամ այլ պատճառներով քննություններից բացակայելու դեպքում վերահանձնման այլ ժամկետներ չի նախատեսվում:

Կոնտակտային տվյալներ.
Միջին դպրոց` Նոր Նորքի 5-րդ զանգված, Արտեմ Միկոյան փ. 35
Հեռ.` +374 10 680102, +374 44 640126
Էլ. հասցե` info@shirakatsy.am