Հանրապետական առարկայական բաց օլիմպիադա

«Շիրակացու ճեմարան» միջազգային գիտակրթական համալիրն արդեն 19-րդ անգամ հայտարարում է հանրապետական հանրակրթական առարկայական բաց օլիմպիադայի մեկնարկը: 

Կրթահամալիրի «Շնորհալի երեխաների բացահայտման, նրանց կրթության կազմակերպման և օժտվածության խնդիրների հետազոտման» հեղինակային կրթական ծրագրի շրջանակում ապրիլի 19-ից մայիսի 3-ը կանցկացվեն օլիմպիադաներ 4-րդ, 5-րդ, 6-րդ, 7-րդ և 8-րդ դասարանների աշակերտների համար:

Օլիմպիադաները կանցկացվեն հետևյալ առարկաներից՝ հայոց լեզու, ռուսաց լեզու, օտար լեզու և մաթեմատիկա (4,5,6,7,8-րդ դասարաններ), բնագիտություն և պատմություն (7-րդ, 8-րդ դասարաններ): 

Օլիմպիադայի արդյունքները կամփոփվեն 2 եղանակով՝ ըստ առարկայական արդյունքների և ըստ բոլոր առարկաներից ունեցած գումարային միավորների: Օլիմպիադայի հաղթողների համար նախատեսվում են պատվոգրեր, հատուկ կրթաթոշակներ և այլ պարգևատրումներ:

Առանց քննությունների Ճեմարան ընդունվելու արտոնություն կտրվի տարիքային խմբի համար նախատեսված բոլոր առարկաներից մասնակցության և դրանց արդյունքների հանրագումարի հիման վրա:

Օլիմպիադայի մասնակցության վճարը՝ մեկ առարկայի համար կազմում է 1200 դրամ /ներառյալ ԱԱՀ/: Վճարումներ կարող եք կատարել հետևյալ հաշվեհամարով՝ ԱՄԻՕ ԲԱՆԿ ՓԲԸ, ՀՎՀՀ 00804754, հ/հ 1150003768028007: (Շահառու - Շիրակացի ճեմարան ՓԲԸ, Նպատակ - Բաց օլիմիադա, մասնակցի անուն ազգանուն և ընտրված առարկաներ): Սյունիքի, Գեղարքունիքի, Տավուշի և Լոռու մարզերի մասնակիցների համար մասնակցության վճարում չի նախատեսվում։

Մասնակցելու համար անհրաժեշտ է գրանցվել մինչև ապրիլի 10-ը հետևյալ հղումով:

Կից կարող եք տեսնել օլիմպիադաների անցկացման ժամանակացույցը:

Նախորդ տարիների տարբերակներին կարող եք ծանոթանալ այստեղ։ 

Մարզերի դպրոցականների համար Բաց օլիմպիադան կանցկացվի Կապան, Գորիս, Մեղրի, Սիսիան, Իջևան, Նոյեմբերյան, Բերդ, Գավառ, Մարտունի, Վարդենիս, Վանաձոր  քաղաքներում/ կոնկրետ անցկացման վայրի մասին տեղեկատվությունը կտրամադրվի գրանցված սաներին/:

Օլիմպիադայի վերաբերյալ ողջ տեղեկատվությունը՝ արդյունքներ, ժամանակացույց և այլն, կտրամադրվի shirakatsy.am կայքի, ճեմարանական ֆեյսբուքյան և ինստագրամյան էջերի, ինչպես նաև olympiads@shirakatsy.am էլեկտրոնային հասցեի միջոցով :

Երևանում փակման արարողությունը կկայանա ս/թ մայիսի 30-ին, ժամը 11:00, ճեմարանի հանդիսությունների դահլիճում: Մարզային ամփոփումները կանցկացվեն հունիսի առաջին շաբաթվա ընթացքում (ժամանակացույցը կտրամադրվի լրացուցիչ):