-webp(75)-o(jpg).webp?token=c22615db34ba139e318efce6904761bd "ՄԵՐ ՄԱՍԻՆ")
-webp(75)-o(png).webp?token=976d27aeddfaabad4e4ef6b2d4ebc346 "Մեր պատմությունը")
Հայ ժողովուրդն իր պատմության ընթացքում ստեղծել է մի քանի ճեմարաններ: Դեռևս 11–րդ դարում Գրիգոր Մագիստրոսը Անիում, Բջնիում և Սանահինում հիմնել է կրթարաններ, որոնք կոչել է ճեմարաններ: Հետագայում ճեմարան սկսեցին անվանել այն կրթօջախները, որոնք, իրենց հիմքում ունենալով հայեցի կրթության ավանդույթները, որակական մի նոր աստիճան էին ներկայացնում:
Մեր ժողովրդի պատմության բոլոր ժամանակահատվածներում այդպիսի կրթօջախները լավագույնս ծառայել են հայ մտավորականների ձևավորման ու կերտման գործին: Դրանցից էին Մոսկվայի Լազարյան, Էջմիածնի Գևորգյան ճեմարանները, Կիպրոսի Մելքոնյան և Վենետիկի Մուրադ-Ռաֆայելյան վարժարանները: Իր բնույթով ճեմարան էր նաև Թիֆլիսի Ներսիսյան դպրոցը:
Այս հարուստ պատմությամբ ոգեշնչված՝ ստեղծվեց Շիրակացու ճեմարանը շնորհալի սաների տաղանդները բացահայտելու և նրանց որակյալ կրթություն ապահովելու նպատակով:
Ստորև բերված են Շիրակացու ճեմարանի պատմությունից մի քանի կարևոր դրվագներ, որոնք արտացոլում են բարձրորակ կրթություն ապահովելու շարունակական հանձնառությունը:
-
-webp(75)-o(png).webp?token=42788a70a5b78bafadbc04d3076f0ea9 "1990 թվական")
1990 թվական- Ճեմարանի պատմությունը սկսվել է 1990 թվականին, երբ հիմնադրվեց «Շիրակացու ճեմարան» միջազգային կրթահամալիրը՝ հիմք դնելով նորարական կրթությանը։ Ճեմարանը ստեղծվել է շնորհալի երեխաներին բացահայտելու, նրանց կրթությունը կազմակերպելու և օժտվածության խնդիրները հետազոտելու նպատակով:
-
-webp(75)-o(png).webp?token=22a3409178f2d172a7605404cca6db97 "1998 թվական")
1998 թվական- 1998 թվականին հիմնադրվեց Միջին դպրոցը, որը հիմք դրեց կրթական ավելի լայն հնարավորությունների համար:
-
կազմավորվեց Կրտսեր դպրոցի առաջին դասարանը` որպես Կրտսեր դպրոցի հիմք` նրա առաջին դասվար (իսկ հետագայում` Կրտսեր դպրոցի առաջին տնօրեն) Տաթևիկ Վաթյանի ղեկավարությամբ:
-
-webp(75)-o(png).webp?token=349c0df23603936f7f65eddc526a1a50 "2000 թվական")
2000 թվական- 2000 թվականին Երևանի պետական և բժշկական բուհերում տեղի ունեցան ճեմարանի 10-ամյակին նվիրված տոնակատարություններ՝ համապատասխան բուհերի ճեմարանական ուսանողների նախաձեռնությամբ:
-
-webp(75)-o(png).webp?token=9b5682634640d67e63e6f858ec7c3cf7 "2010 թվական")
2010 թվական- Շիրակացու ճեմարանը տարածաշրջանում առաջինը դարձավ Ռաունդ սքվեր միջազգային դպրոցների համաշխարհային ասոցիացիայի լիիրավ անդամ:
- Ճեմարանի հիմնադրման 20-ամյակի առթիվ կազմակերպվեցին տոնական միջոցառումներ և մարզական փառատոն Ավագ, Միջին և Կրտսեր դպրոցների սաների մասնակցությամբ:
- Ճեմարանի հիմնադրման 20-ամյակին նվիրված հանդիսություն տեղի ունեցավ Երևանի պետական համալսարանում` ԵՊՀ-ի ճեմարանական ուսանողների նախաձեռնությամբ:
-
-webp(75)-o(png).webp?token=7e5b3adde75456395064df4bf3e062fe "2011 թվական")
2011 թվական- 2011 թվականին ՀՀ կառավարության որոշմամբ՝ Ճեմարանի Կրտսեր, Միջին և Ավագ դպրոցները միասին վերակազմավորվեցին՝ դառնալով ամբողջական կրթահամալիր, որը լայն հեռանկարներ բացեց ճեմարանի առաջընթացի, մասնավորապես Միջազգային բակալավրիատի ծրագիրը ոչ միայն Կրտսեր, այլև Միջին և Ավագ դպրոցներում կյանքի կոչելու համար:
-
-webp(75)-o(png).webp?token=00a0b8b99d887d13f26cb8815044b24c "2013 թվական")
2013 թվական- Միջազգային բակալավրիատի կազմակերպությունը Կրտսեր դպրոցը հավաստագրում է՝ իրականացնելու Միջազգային բակալավրիատի Կրտսեր դպրոցի ծրագիրը (IB PYP):
-
-webp(75)-o(png).webp?token=428568f8b7b34a468b92552fc5af0efc "2014 թվական")
2014 թվական- Միջազգային բակալավրիատի կազմակերպության կողմից Ավագ դպրոցը հավաստագրվում է՝ իրականացնելու Միջազգային բակալավրիատի Դիպլոմային ծրագիրը (IB DP):
-
-webp(75)-o(png).webp?token=9ac25d8c894e0f8a4251871d16e987b7 "2022 թվական")
2022 թվական- 2022 թվականին Starmus VI միջազգային փառատոնի և Շիրակացու ճեմարանի միջև ստորագրվեց փոխըմբռնման հուշագիր, ինչի արդյունքում Starmus VI Armenia փառատոնի շրջանակում Ճեմարանում հյուրընկալվեցին աշխարհահռչակ գիտնականներ և հանդես եկան բաց դասախոսություններով՝ ճեմարանականներին հնարավորություն ընձեռելով զգալու գիտության ուժն ու ոգեշնչվելու գիտության ստեղծարարությամբ։
- Շիրակացու ճեմարանը 2022 թվականի հուլիսից հանդիսանում է Միջազգային դպրոցների խորհրդի անդամ (CIS - Council of International Schools)։
Միջազգային դպրոցների խորհուրդը (ՄԴԽ) համաշխարհային կազմակերպություն է, որը բաղկացած է ավելի քան 1,500 դպրոցներից և համալսարաններից աշխարհի 120+ երկրներում: