Աշխատանք

• Մանկակրթարանի լոգոպեդ
  Վերջնաժամկետ

  31.05.2026

  Միացե՛ք Շիրակացու ճեմարանին՝ որպես մանկակրթարանի լոգոպեդ  

   

  Եթե Դուք ցանկանում եք նպաստել 3-5 տարեկան սաների խոսքի խանգարումների բացահայտմանը, հաղթահարմանը և կանխարգելմանը, ինչպես նաև օգնել զարգացնել խոսքային հաղորդակցական հմտությունները՝ աջակցելով տարիքին համապատասխան ուսումնառության գործընթացում նրանց ներառմանը, ապա Շիրակացու ճեմարանը փնտրում է հենց Ձեզ։  
    
  Ինչո՞ւ աշխատել Շիրակացու ճեմարանում

   

  Մենք առաջարկում ենք ոչ թե պարզապես աշխատանք, այլ մասնագիտական միջավայր, որտեղ լոգոպեդը կարևոր դերակատարություն ունի սանի խոսքի խանգարումների հաղթահարման և նրա  ներդաշնակ զարգացման ու կրթական առաջընթացի հարցերում։ Դուք հնարավորություն եք ստանում աշխատել բազմամյա փորձ ունեցող աշխատանքային թիմում՝ համագործակցելով մանկավարժների, հոգեբանների, հատուկ մանկավարժների և ծնողների հետ։ Շիրակացու ճեմարանի լոգոպեդական և հատուկ մանկավարժության ծառայությունը` ունենալով շուրջ 26 տարվա փորձ, լավագույն միջավայրն է մասնագիտական կարողությունների զարգացման և աճի համար։       
              

  • Աշխատանք միջազգային կրթական համակարգում (IB, Round Square, CIS) 
  • Մասնակցություն լոգոպեդական աջակցություն ստացող սաների ուսումնառության և զարգացման վերաբերյալ ծրագրերի մշակմանն ու իրականացմանը  
  • Համագործակցային մշակույթ՝ հիմնված վստահության և փոխադարձ հարգանքի վրա 
  • Արժեքահեն միջավայր, որտեղ առաջնային է յուրաքանչյուր սանի համակողմանի զարգացումը        
  • Մասնագիտական նախաձեռնություններ իրականացնելու հնարավորություն 
  • Շարունակական զարգացման, փորձի ընդլայնման և մասնագիտական աճի հնարավորություն 

       
   

  Աշխատանքի նկարագրություն

   

  Մանկակրթարանի լոգոպեդը՝

   

  • Հետազոտում է սաներին՝ բացահայտելով լոգոպեդական աջակցության կարիք ունեցողներին։ Տրամադրում է լոգոպեդական միջամտություն՝ խոսքի խանգարումների շտկման, կանխարգելման և խոսքի զարգացման նպատակներով։ Մասնագիտական խորհրդատվություն է տրամադրում ծնողական համայնքին և համագործակցում երեխայի հետ առնչվող այլ մասնագետների հետ։ 
  • Պլանավորում է լոգոպեդական միջամտության գործընթացը և օգնում հաղթահարել ուսումնական դժվարությունները։ 
  • Կազմակերպում և անցկացնում է անհատական և խմբային լոգոպեդական պարապմունքներ          
  • Մշակում և կիրառում է խոսքի զարգացմանը նպաստող մեթոդներ և մասնագիտական գործիքակազմ               
  • Աջակցում է սաների հնչարտաբերման, հնչութային գործընթացների, բառապաշարի, քերականական կառույցի, կապակցված խոսքի, իմպրեսիվ խոսքի, լեզվամտածողության  և հաղորդակցական հմտությունների զարգացմանը  
  • Իրականացնում է խոսքի զարգացման ընթացքի մշտադիտարկում  
  • Համագործակցում է դաստիարակների, հոգեբանների, այլ մասնագետների և ծնողների հետ՝ սաների խոսքի և հաղորդակցական հմտությունների զարգացմանն ուղղված միասնական աջակցության ապահովման նպատակով
  • Վարում է անհրաժեշտ փաստաթղթավորում               

   

  Մասնագիտական կարողություններ

   

  • Տիրապետում է նախադպրոցական տարիքի երեխաների խոսքի, լեզվական և հաղորդակցական զարգացման օրինաչափություններին  
  • Տիրապետում է ժամանակակից լոգոպեդական մեթոդներին և համապատասխան մասնագիտական գործիքներին
  • Պահպանում է մասնագիտական էթիկայի, այդ թվում՝ գաղտնիության և ոչ խտրական վերաբերմունքի սկզբունքները         

   

  Փափուկ հմտություններ

   

  • Արդյունավետորեն հաղորդակցվում է՝ ակտիվորեն լսելով, մտքերը հստակ արտահայտելով և հաղորդակցման ոճը հարմարեցնելով տարբեր իրավիճակներին ու հասցեատերերին 
  • Համագործակցում է թիմում՝ արժևորելով գործընկերների փորձը և նպաստելով կառուցողական փոխգործակցությանը 
  • Դրսևորում է հուզական ինտելեկտ՝ գիտակցելով և կառավարելով սեփական հույզերը, ինչպես նաև կառուցողական ձևով արձագանքելով այլոց հուզական վիճակներին 
  • Ճկունորեն արձագանքում է փոփոխություններին՝ հարմարվելով նոր պայմաններին և պահպանելով աշխատանքի արդյունավետությունը                
  • Ցուցաբերում է նախաձեռնողականություն, պատասխանատվություն և մասնագիտական ճկունություն 

   

  Լեզուներ և ՏՏ հմտություններ

   

  • Տիրապետում է գրագետ հայերենին (գրավոր և բանավոր)             
  • Տիրապետում է անգլերենին, ռուսերեն կամ այլ օտար լեզուների (գրավոր և բանավոր) և/կամ դրսևորում է կատարելագործվելու պատրաստակամություն 
  • Տիրապետում է համակարգչային բազային հմտություններին 

   

  Պահանջվող որակավորում

   

  • Բարձրագույն կրթություն լոգոպեդիայի ոլորտում 
  • Համապատասխան մասնագիտական վերապատրաստումները դիտարկվելու են որպես առավելություն 

   

  «Շիրակացու ճեմարան» միջազգային գիտակրթական համալիրը գործունեության ավելի քան չորս տասնամյակի ընթացքում իրականացրել է «Շնորհալի երեխաների բացահայտման և նրանց կրթության կազմակերպման» հեղինակային ծրագիրը: 2014թ.-ից Միջազգային բակալավրիատի 3 ծրագրերով՝ կրտսեր (PYP), միջին (MYP), ավագ (DP), հավաստագրված միակ կրթահամալիրն է հանրապետությունում, իսկ 2022թ.-ից նաև Միջազգային դպրոցների խորհրդի (CIS) անդամ է: Ճեմարանը սաների, ուսուցիչների և ծնողների միասնական համայնք է, որտեղ բոլորն անընդմեջ սովորում և կատարելագործվում են՝ կարևորելով յուրաքանչյուրի լիարժեք ինքնադրսևորման համար բարենպաստ միջավայրի ստեղծումը և զարգացումը: 

   

  Դիմելու կարգը

   

  Ներկայացված պահանջներին համապատասխանող թեկնածուները կարող են ուղարկել իրենց ինքնակենսագրականը (CV) hr@shirakatsy.am հասցեին: Նամակի թեմայի (subject) դաշտում խնդրում ենք պարտադիր նշել այն աշխատանքի անվանումը, որի համար դիմում եք (Մանկակրթարանի լոգոպեդ):            

   

  Դիմելու վերջնաժամկետը՝ 31.05.2026

   

  Նախնական ընտրություն անցած թեկնածուները կհրավիրվեն հարցազրույցի: (Եթե մինչև 15.06.2026 Ձեզ հետ կապ չենք հաստատել, ուրեմն Ձեր թեկնածությունը չի դիտարկվել նշված աշխատանքի համար):          
    

  ՀՀ 0079, Երևան, Արտեմ Միկոյան փ. 35 Հեռ.: (+37410) 680102 Կայք: www.shirakatsy.am
      

  Դիմել այս հաստիքի համար