Աշխատանք
-
Վերջնաժամկետ20.02.2026Դիմել այս հաստիքի համար
Մանկակրթարանի դաստիարակ
Մանկակրթարանի դաստիարակը պատասխանատու է երեխաների (3-5 տարեկան) կրթադաստիարակչական գործընթացի պատշաճ իրականացման համար: Լինելով մանկակրթարանի համապատասխան մասնախմբի անդամ՝ մասնակցում է մասնախմբի աշխատանքներին՝ Ճեմարանի և Միջազգային բակալավրիատի պահանջներին համապատասխան իրականացնում է ծրագրերի տեղայնացում և կրթական գործընթացի պլանավորում ու կազմակերպում:
Պարտականություններ- պատասխանատվություն ստանձնել սաների առողջության և կյանքի համար` ցուցաբերելով հոգատար և ուշադիր վերաբերմունք,
- պլանավորել և կազմակերպել երեխաների կրթադաստիարակչական գործընթացը,
- հետևել օրվա ռեժիմի և դասացուցակի հստակ իրականացմանը,
- կազմակերպել թեմատիկ և արտաուսումնական միջոցառումները,
- կազմակերպել երեխաների զբոսանքն ու ակտիվ հանգիստը (խաղեր, զրույցներ, մուլտֆիլմերի դիտում, էքսկուրսիաներ և այլն),
- կազմակերպել սաների նախաճաշը, ճաշը, ետճաշիկը (սպասքադրում, սննդի բաշխում),
- ապահովել երեխաների տեղափոխությունները շենքի ներսում (բուժկետ, պարասրահ, դահլիճ և այլն),
- կազմակերպել սաների թղթապանակների վարման, ծնողներին անհրաժեշտ էլեկտրոնային տեղեկատվության փոխանցման, անհրաժեշտ ճանաչողական նյութերի պատրաստման աշխատանքները,
- ուղեկցել երեխաներին լողավազան,
- վերահսկել խմբասենյակի, սրբիչների, սպիտակեղենի, սպասքի և խաղալիքների մաքրությունը,
- օգնել երեխաներին հանդերձափոխվել ընդունման և ճանապարհման ժամանակ, լողի, ֆիզկուլտուրայի, պարի պարապմունքներից և քնից առաջ և հետո, ինչպես նաև օրվա ընթացքում` ըստ անհրաժեշտության:
Պահանջվող գիտելիքներ և կարողություններ
Պետք է ունենա՝- մանկավարժական կրթություն (նախընտրելի է նախադպրոցական կրթության ոլորտում),
- մանկավարժական հմտությունների որոշակի մակարդակ,
- համագործակցելու և հաղորդակցվելու հմտություններ:
«Շիրակացու ճեմարան» միջազգային գիտակրթական համալիրը հիմնադրվել է 1990թ.՝ շնորհալի երեխաների բացահայտման և նրանց կրթության կազմակերպման հեղինակային ծրագրի հիման վրա: 2014թ.-ից Միջազգային բակալավրիատի 3 ծրագրերով՝ կրտսեր (PYP), միջին (MYP), ավագ (DP), հավաստագրված միակ կրթահամալիրն է հանրապետությունում: Ճեմարանը սաների, ուսուցիչների և ծնողների միասնական համայնք է, որտեղ բոլորն անընդմեջ սովորում և կատարելագործվում են՝ կարևորելով յուրաքանչյուրի լիարժեք ինքնադրսևորման համար բարենպաստ միջավայրի ստեղծումը և զարգացումը:
Դիմելու կարգը
Ներկայացված պահանջներին համապատասխանող թեկնածուները կարող են ուղարկել իրենց ինքնակենսագրականը (CV) hr@shirakatsy.am հասցեին: Նամակի թեմայի (subject) դաշտում խնդրում ենք պարտադիր նշել այն աշխատանքի անվանումը, որի համար դիմում եք (Մանկակրթարանի դաստիարակ):
Դիմելու վերջնաժամկետը՝ 20.02.2026
Նախնական ընտրություն անցած թեկնածուները կհրավիրվեն հարցազրույցի:(Եթե մինչև 07.03.2026 Ձեզ հետ կապ չենք հաստատել, ուրեմն Ձեր թեկնածությունը չի դիտարկվել նշված աշխատանքի համար):
