Գիտություն ամբողջ կյանքի համար

Ամեն մի գիտափորձ՝ նոր բացահայտումների ուղի է, ամեն մի հարց՝ գիտության գեղեցկության բանալի։
Հոկտեմբերի 5-ին և 6-ին Շիրակացու ճեմարանը մասնակցեց Գիտության փառատոնին «Գիտական ֆանտաստիկա. Երևակայի՜ր» թեմատիկ տաղավարով, որը տեղի ունեցավ Ազատության հրապարակում։ 
Գիտության շաբաթվա շրջանակում ներկայացվեցին նախագծեր երեք հիմնական ուղղություններով՝ տեխնոլոգիա, բնագիտություն և ԲՏՃԱՄ։ Բոլոր մոդելները, գաղափարների նախագծումից մինչև ծրագրի իրականացում, ստեղծվել են սաների կողմից։
Ներկայացվել են տարատեսակ խմբային հետազոտություններ STEAM և GROUP 4 նախագծերի շուրջ՝ նվիրված գիտությանը՝ «Արդյոք գիտե՞ք», «Կույրերի համար նախատեսված ակնոց», «Խելացի ակվարիում», «Հետազոտություն Քարահունջում», «Ուսումնասիրություններ Արագած լեռան տարբեր բարձրության կետերում», «Ինտելեկտուալ խաղ գիտությունից», «էկովառելիք», «Մոմերի, օճառների, պայթուցիկների արտադրություն», «Անօդաչու թռչող սարք», «Անվտանգության համակարգ» և այլն: