Հանդիպում Բելառուսի գործընկերների հետ

Օրեր առաջ կրթահամալիրն ընդունեց Բելառուսից ժամանած մեր գործընկերներին, որոնց հետ ձևավորված համագործակցությունը սկիզբ է առել տարբեր միջազգային մրցույթների և ծրագրերի շրջանակում։ 

Հայաստան այցի ընթացքում մեր գործընկերները ցանկություն էին հայտնել այցելել Ճեմարան, ծանոթանալ կրթահամալիրին և հանդիպել ճեմարանականների հետ։ Այցի շրջանակում նրանք շրջեցին կրթահամալիրում, ծանոթացան ուսումնական միջավայրին, կրթական ծրագրերին և սաների առօրյային:

Այնուհետև տեղի ունեցավ հանդիպում կրթահամալիրի տնօրինության կազմի հետ, որի ընթացքում քննարկվեցին համագործակցության զարգացման և հետագա համատեղ ծրագրերի իրականացման հնարավորությունները։

Այսպիսի հանդիպումները ոչ միայն ամրապնդում են արդեն ձևավորված կապերը, այլև ստեղծում նոր հնարավորություններ կրթական ու մշակութային համագործակցության համար։