Ընդունելություն Միջին դպրոցում

Հարգելի ծնողներ

Եթե ձգտում եք, որ Ձեր երեխան

ստանա համապարփակ կրթություն, որը կհամապատասխանի Հայաստանի Հանրապետության պետական չափորոշչին և միջազգային ամենաբարձր չափանիշներին,
ակադեմիական գիտելիքներից բացի ձեռք բերի անհրաժեշտ կարողություններ և հմտություններ,
ձևավորվի որպես իսկական մտավորական և պատասխանատու քաղաքացի,

ապա հրավիրում ենք դիմելու Հայաստանի Հանրապետությունում Միջազգային բակալավրիատի (International Baccalaurate) բոլոր երեք՝ նախադպրոցական-տարրական, միջին և ավագ տարիքային խմբերի հանրակրթական ծրագրերով հավատարմագրված միակ կրթօջախ՝ «Շիրակացու ճեմարան» միջազգային գիտակրթական համալիր» պետական մասնակցությամբ փակ բաժնետիրական ընկերություն (այսուհետ՝ Ճեմարան):

Ճեմարանի բոլոր կառույցներում ուսուցումը կատարվում է վճարովի հիմունքներով, բացառությամբ 5-12-րդ դասարանների համար սահմանված քանակությամբ մասնակի պետական սուբսիդավորմամբ (այսուհետ՝ պետական համաֆինանսավորում) տեղերի: Պետական համաֆինանսավորմամբ տեղերի մրցույթին մասնակցելու իրավունք ունեն միայն ՀՀ քաղաքացիները և երկքաղաքացիները:
Ուսումնադաստիարակչական գործընթացը կազմակերպվում է շուրջօրյա կամ երկարացված օրվա աշխատակարգով: Սովորողներն ապահովվում են սննդով՝ ըստ հաստատված սննդակարգի: Բոլոր սովորողների տեղափոխումը կատարվում է Ճեմարանի կողմից` հատուկ տրանսպորտային միջոցներով:

Ճեմարանի ընդունելությունը 2026-2027 ուստարվա համար իրականացվում է միջին դպրոցի`

8-րդ և 10-րդ դասարանների պետական համաֆինանսավորմամբ տեղերում,
5-րդ, 8-րդ և 10-րդ դասարանների վճարովի տեղերում:

Ուշադրություն. 2026թ. մայիսի 5-ի դրությամբ առկա թափուր տեղերն ըստ դասարանների հետևյալն են` 5-րդ դասարան` 33 վճարովի տեղ, 8-րդ դասարան` 30 պետական համաֆինանսավորմամբ տեղ, 10-րդ դասարան` 5 պետական համաֆինանսավորմամբ տեղ և 5 վճարովի տեղ՝ ֆիզմաթ (4 թափուր տեղ) և տնտեսագիտական (6 թափուր տեղ) հոսքերում:

Ճեմարանի ընդունելության վերաբերյալ բոլոր մանրամասներին կարող եք ծանոթանալ Ճեմարանի ընդունելության քաղաքականության փաստաթղթում հետևյալ հղումով:

Ընդունելության դիմում-հայտերի և փաստաթղթերի ընդունումը իրականացվում է մայիսի 5-ից մայիսի 29-ը ներառյալ՝ դիմումների առցանց գրանցման համակարգում*: Ընդունելության քննությունները կազմակերպվում են հունիսի 10-ից 30-ը:

*Ուշադրություն. Դիմում-հայտը լրացնելուց հետո համակարգը ինքնաշխատ հաղորդագրություն է ուղարկում հայտում նշված էլ. հասցեին՝ նշելով, որ հայտը հաջողությամբ ընդունվել է (խնդրում ենք ստուգել նաև էլ.հասցեի spam հատվածը): Պատասխան նամակ չստանալու դեպքում խնդրում ենք զանգահարել նշված հեռախոսահամարներով:

1990թ.-ից Ճեմարանում իրականացվում է «Շնորհալի երեխաների բացահայտման, նրանց կրթության կազմակերպման և օժտվածության խնդիրների հետազոտման» հեղինակային կրթական ծրագիրը (հաստատված է ՀՀ կառավարության կողմից): 2014թ. նշված ծրագիրը ընդլայնվել և վերահաստատվել է ՀՀ ԿԳ նախարարության կողմից, շարունակաբար արդիականացվում է և ներկայումս լիարժեք ինտեգրում է ՀՀ պետական չափորոշչի և ՄԲ համապասխան տարիքային ծրագրերի պահանջները:

2010թ.-ից Ճեմարանը «Ռաունդ Սքվեր» (Round Square) միջազգային դպրոցների համաշխարհային ասոցիացիայի լիիրավ անդամ է: 2008թ.-ից Ճեմարանը ԱՊՀ երկրների ՄԲ դպրոցների ասոցիացիաի լիիրավ անդամ է:

2010թ. «Մայքրոսոֆթ» ընկերության համաշխարհային գրասենյակի կողմից Ճեմարանը ճանաչվել է աշխարհի 56 առաջատար նորարարական դպրոցներից մեկը:

2013թ. Ճեմարանի կրտսեր դպրոցը, 2014թ.` միջին և ավագ դպրոցները հավատարմագրվել են Միջազգային բակալավրիատի համաշխարհային գրասենյակի կողմից:

2014թ.-ից ՀՀ կառավարության որոշմամբ արտոնվել է 11-12-րդ դասարաններում իրականացնել ՄԲ դիպլոմային ծրագիրը (IB DP)՝ անգլերենով:

2022թ.-ից Ճեմարանը «Միջազգային դպրոցների խորհրդի» (CIS, Council of International Schools) անդամ է:

Տեղեկացում. Հիվանդության պատճառով որևէ քննությունից բացակայելու դեպքում մինչև տվյալ քննության ավարտը պարտադիր պետք է ներկայացնել բժշկական տեղեկանք: Տեղեկանքի առկայության դեպքում վերահանձնման թույլտվության մասին որոշումը կայացնում է ընդունող հանձնաժողովը, իսկ տեղեկանքի բացակայության դեպքում` վերահանձնում չի նախատեսվում:

Կոնտակտային տվյալներ.
Միջին դպրոց` Նոր Նորքի 5-րդ զանգված, Արտեմ Միկոյան փ. 35
Հեռ.` +374 10 680102, +374 44 640126
Էլ. հասցե` info@shirakatsy.am
Կայք` www.shirakatsy.am

Տրամադրե՛ք Ձեր երեխային որակյալ կրթություն ստանալու և ավելի պայծառ ապագա կերտելու հնարավորություն: