2023 – Շիրակացու ճեմարան

Տարեգրություն

Մեր պատմությունը 2023 թ

Հունվար
- Ճեմարանական պատվիրակությունը՝ տնօրեն Աշոտ Ալիխանյանը, ընդունելության հարցերով պատասխանատու և անգլերենի ուսուցիչ Աննա Աղասյանը և առաջին փոխտնօրեն Աշխեն Թովմասյանը Լոնդոնում մասնակցում են Ռաունդ Սքվեր դպրոցների տնօրենների խորհրդաժողովին (RS Head’s Symposium, London):
- Ճապոնիայի դեսպանության երկրորդ քարտուղար Ռիկա Օնոդերան այցելում է Ճեմարան՝ ծանոթանում ճեմարանական առօրյային, հանդիպում սաների հետ, զրուցում ճապոնական մշակույթի, պատմության մասին:
- Ռուսաց լեզվի ուսուցիչ Մարինա Քոչարյանը Վալերի Բրյուսովի անվան պետական համալսարանում ատենախոսություն է պաշտպանում ռուսաց լեզվի դասավանդման մեթոդիկայից՝ «Խաղային տեխնոլոգիայի կիրառությունը դասավանդման գործընթացում» թեմայով:
- Ճեմարանում հանդիսավորությամբ նշվում է Հայոց բանակի ստեղծման 31-րդ տարեդարձը:
Փետրվար
- «Զումը Երկրի շուրջ Ռաունդ Սքվերի հետ /Zoom around the World with Round Square»/ նախաձեռնության շրջանակում ճեմարանական պատվիրակությունը մասնակցում է Կանադայի Calgar French and International դպրոցի կազմակերպած ՌՍ առցանց հանդիպմանը:
- «Զումը Երկրի շուրջ Ռաունդ Սքվերի հետ /«Zoom Postcard around the World with Round Square»/ նախաձեռնության շրջանակում RS Postcard from Shirakatsy Lyceum, Armenia առցանց հանդիպումն է տեղի ունենում, որին 8 երկրների 23 ՌՍ դպրոցներից մասնակցում են 110 հոգի:
- «Զում փոդքասդը Երկրի շուրջ ՌՍ-ի հետ» նախաձեռնության շրջանակում տեղի է ունենում ՌՍ առցանց հանդիպումը, որին մասնակցում են ճեմարանի ՄԴ սաները:
- Հայոց լեզվի և գրականության ամբիոնի նախաձեռնությամբ (ղեկավար՝ Անի Մակինյան, բանաս. գիտ. թեկնածու) հանդիսության դահլիճում մեծ շուքով նշվում է Մայրենի լեզվի օրը՝ «Երգ ու տաղ» խորագրով: Սցենարի հեղինակ և կազմակերպիչ՝ հայոց լեզվի և գրականության ուսուցիչ Արփինե Խեչիկյան:
- «Գրանդ Սպորտ» համալիրում ֆուտբոլային հանդիպում է տեղի ունենում СIS միջազգային դպրոցի և ճեմարանական թիմի մասնակցությամբ։ Ճեմարանի սաները հաղթում են 4։6 հաշվով։
- Ղազախստանի Ալմա Աթա քաղաքի ՄԻՌԱՍ միջազգային դպրոցում ճեմարանի Դիպլոմային ծրագրի սաներ Անահիտ Սինանյանը, Արտաշես Չալաբյանը, Մհեր Բաղումյանը ուսուցիչ Քրիստինե Սահակյանի ուղեկցությամբ մասնակցում են ՄԱԿ-ի մոդելով (MUN) ուսանողական համաժողովին:
Մարտ
- «Զում փոդքասդը Երկրի շուրջ ՌՍ-ի հետ» նախաձեռնության շրջանակում տեղի է ունենում RS Postcard from Aiglon College, Switzerland առցանց հանդիպումը, որին մասնակցում են ԱԴ սաները և ՌՍ ներկայացուցիչ Իլոնա Հովասափյանը:
- Ճեմարանը հյուրընկալում է #JICA-ի ներկայացուցիչներ Հիտոմի Կոտակային և Ֆուրակավա Մասայուկիին, ինչպես նաև Կոստանտինոս Ծերեթելիին և Ռուզան Խոջոյանին:
- Առցանց աշխատաժողով է տեղի ունենում Հարավային Ասիայի և Գալֆ տարածաշրջանի ՌՍ անդամ դպրոցների համար:
- Շիրակացու Ճեմարանը դարձյալ միանում է CNN-ի #MYFREEDOMDAY նախագծին, որ ևս մեկ անգամ խոսի Արցախի շրջափակման և բարձրաձայնի համատարած անտարբերության ու դրա հետևանքների մասին:
- Մաթեմատիկայի ամբիոնի նախաձեռնությամբ (ամբիոնի ղեկավար Լիդա Բակլաչյան) Ճեմարանում նշվում է ՊԻ թվի օրը:
- Ճգնաժամային իրավիճակներում կրթության իրավունքին նվիրված պանելային քննարկում է տեղի ունենում միջազգային և տեղական շահագրգիռ կազմակերպությունների մասնակցությամբ: Ճեմարանի կողմից ֆորմալ կրթության համատեքստում խնդիրների և մարտահրավերների մասին խոսում է առաջին փոխտնօրեն Թագուհի Սինանյանը:
- Ճեմարանում հյուրընկալվում են ՀՀ Հանդբոլի ֆեդերացիայի փոխնախագահ Էդուարդ Օհանյանը, ՀՖԿՍՊԻ Մարզախաղերի ամբիոնի ղեկավար Հարություն Մելքոնյանը, Դավթաշենի մանկապատանեկան մարզադպրոցի մարզիկները՝ մարզիչ Ռեգինա Մարդանյանի ղեկավարությամբ:
- Շախմատի ճեմարանական թիմը (Ավետիսյան Անի 855 խումբ, Գարիկ Ավանեսյան 761 խումբ, Վռամ Սարգիսյան 674 խումբ, Նանե Առաքելյան 586 խումբ) մասնակցում է ՀՀ դպրոցականների 17-րդ օլիմպիադային և զբաղեցնում է 4-րդ հորիզոնականը:
Ապրիլ
- Մեծ Բրիտանիայի Օքսֆորդի համալսարանում տեղի է ունենում «ՌՍ բացահայտումների հերոսներ» նոր ծրագրի առաջին ներածական հանդիպումը, որը նախատեսված է ՌՍ ներկայացուցիչների, նախադպրոցական և կրտսեր դպրոցի մասնագետների համար: Հանդիպմանը մասնակցում է կրտսեր դպրոցի անգլերենի ուսուցչուհի Արփինե Կետիկյանը:
- Ճեմարան է այցելում ճեմարանում ուսանած, այժմ ՅԱՆԴԵՔՍ կազմակերպության տնօրեն, ճեմարանի նորարական կենտրոնի հոգաբարձու Տիգրան Խուդավերդյանը:
- «Աքսիոմիա սմարտ քոմյունիթին (Axiomia Smart Community)» Ճեմարանում կազմակերպում է ինտելեկտուալ խաղ-մրցույթ աշխատակիցների համար:
- Կայանում RS Postcard from The Hyderabad Public School, India առցանց հանդիպումը, որին մասնակցում են ԱԴ-ի սաներ Արտաշես Չալաբյանը /ԴԾ1/, Վառվարա Բարսեղյանը /1121 խումբ/ և ճեմարանի հոգեբան Մարիամ Վարդանյանը:
- Ճեմարանի հյուրն է աշխարհահռչակ երգչուհի, սոպրանո, ՀՀ ժողովրդական արտիստուհի Հասմիկ Պապյանը: Կրթահամալիրի հիմնադիր տնօրեն Աշոտ Ալիխանյանը կարդում է տնօրենության խորհրդի որոշումը և նշանավոր երգչուհուն, հայրենասեր հայուհուն հանձնում ճեմարանի «Անբասիր ծառայությունների համար» մեդալը:
- Շիրակացու ճեմարանը Իզմիրլյան բարեգործական հիմնադրամի հետ ստորագրում է համաձայնագիր առ այն, որ Սյունիքի և Գեղարքունիքի մարզերի սահմանամերձ համայնքներից 2 սան Իզմիրլյան բարեգործական հիմնադրամի կողմից կստանան կրթաթոշակ՝ ուսումը Շիրակացու ճեմարանի ավագ դպրոցում շարունակելու համար: Ընտրված սաները կբնակվեն ճեմարանի հանրակացարանում:
- Կայանում է RS Postcard from Cate School, USA առցանց հանդիպումը:
- Հայոց ցեղասպանության հիշատակի օրվան ընդառաջ՝ ճեմարանում հյուրընկալվում է պատմական գիտությունների թեկնածու, «Հայոց ցեղասպանության թանգարան-ինստիտուտի» ավագ գիտաշխատող Թեհմինե Մարտոյանը։ Դասախոսության թեման՝ 1922 թվականին Զմյուռնիայի հայ և հույն բնակչության կանխամտածված բնաջնջումը։
- Ճեմարանի նախաձեռնությամբ և ԿԳՄՍ նախարարության հետ համատեղ մեկնարկում է ամենամյա առարկայական բաց օլիմպիադան Երևան քաղաքի, Տավուշի, Գեղարքունիքի, Սյունիքի և Արցախի՝ 4-8-րդ դասարանների ավելի քան 3000 մասնակիցների (մոտ 5500 աշակերտ) համար՝ ըստ հետևյալ առարկաների ընտրության՝ հայոց լեզու (մայրենի), օտար լեզուներ՝ ռուսերեն, անգլերեն, հայոց պատմություն, բնագիտություն:
- Ամերիկահայ ճարտարագետների և գիտնականների ընկերակցության «AESA»-ի 22-րդ ամենամյա գիտական օլիմպիադայում ճեմարանի սաները (Նարեկ Գալստյան, Արփի Բադալյան-ֆիզիկա, Պոլինա Տոնոյան, Արեգ Մանուկյան-կենսաբանություն, Կարեն Քոչարյան, Սամվել Մխիթարյան, Նեհա Մեթյու Աբել-քիմիա) փայլուն արդյունքներ են գրանցում։ Իսկ «Շիրակացու ճեմարան» միջազգային գիտակրթական համալիրը ճանաչվում է տարվա լավագույն դպրոց:
- Ճեմարանի պատվիրակությունը՝ տնօրեն Աշոտ Ալիխանյանը, փոխտնօրեններ Թագուհի Սինանյաը, Աշոտ Դավթյանը և Տաթևիկ Նալբանդյանը, աշխատանքային այցով մեկնում է Ուզբեկստան՝ Տաշքենդի միջազգային դպրոց՝ մասնակցելու ԱՊՀ երկրների ՄԲ դպրոցների ասոցիացիայի տարեկան համաժողովին:
- Ճեմարանականներ Լիլիթ Հովհաննեսը (11-րդ դաս.), Հռիփսիմե Շամիրզայանը (8-րդ դաս.), Մերի Անտոնյանը (6-րդ դաս.) «Ֆրանսիական աքաղաղ» մրցույթի եզրափակիչ փուլում արժանանում են պատվոգրի (ֆրանսերենի ուսուցիչներ՝ Նելլի Խուդոյան և Բելլա Դարբինյան):
- «Zoom Postcard around the World with Round Square» նախաձեռնության շրջանակում RS Postcard from The British Overseas School, Pakistan առցանց հանդիպումն է տեղի ունենում:
- Հանդիսավոր պայմաններում ճեմարանի 10-րդ դասարանցիները ներկայացնում են անհատական, իսկ 9-րդ դասարանցիները՝ համայնքային նախագծերը:
Մայիս
- Տարբեր առարկաների օլիմպիադաների հանրապետական փուլում ճեմարանական սաները փոքր ու մեծ հաղթանակներ են գրանցում: Հալեբյան Դանիելա (10-րդ դաս.)-1-ին կարգ, ռուսաց լեզու, Հայրապետյան Հովհաննես (10-րդ դաս.)- 2-րդ կարգ, պատմություն, Հալեբյան Դանիելա (10-րդ դաս.)-3-րդ կարգ, անգլերեն, Պետրոսյան Անի (11-րդ դաս.), 3-րդ կարգ, անգլերեն, Չալաբյան Արտաշես (11-րդ դաս.), գովասանագիր, անգլերեն, Մխիթարյան Սամվել (11-րդ դաս.), գովասանագիր, անգլերեն, Գրիգորյան Սյուզաննա (12-րդ դաս.), ինֆորմատիկա, գովասանագիր, Հակոբյան Մանյա (9-րդ դաս.), հայ գրականություն, գովասանագիր,Գրիգորյան Լուսե (9-րդ դաս.), ռուսաց լեզու, գովասանագիր, Գաբրիելյան Գոռ (7-րդ դաս.), մաթեմատիկա, գովասանագիր:
- Ճեմարանի տնօրեն Աշոտ Ալիխանյանը և Երևանի կենդանաբանական այգու տնօրենի պաշտոնակատար Աշոտ Ասլանյանը կնքում են համագործակցության հուշագիր:
- Հանդիսավոր պայմաններում կրտսեր դպրոցի 4-րդ դասարանցիները ներկայացնում են իրենց հետազոտական աշխատանքները «Մոլորակը մեր ընդհանուր տունն է» թեմայով:
- ԱԴ սաներ Գևորգ Վահրամյանը /ԴԾ1/ և Արտյոմ Թովմասյանը /ԴԾ1/ երրորդ անգամ մասնակցում են ՌՍ-ի աշխատաժողովին (RS Spanish Lab-ին):
- Ճեմարանում անցկացվում է ավանդական ամենամյա Պարի տոնը 5-6-րդ դասարանների աշակերտների մասնակցությամբ:
- Ավանդական «Շիրակացու փառատոն»-ն է անցկացվում ճեմարանում նոր ձևաչափով և նոր լուծումներով: Կրտսեր, միջին և ավագ դպրոցների ՀՀ և ԴԾ կառույցները, ամբիոնները, սովորողները ներկայացնում են ուսումնական տարվա ընթացքում իրականացրած հետազոտական և նախագծային աշխատանքների արդյունքները «Մենք» խորագրի ներքո:
- ՄԲ ՄԴԾ վերապատրաստող և խորհրդատու Եկատերինա Նիկոնորովան հյուրընկալվում է Ճեմարանում և վարում է «Հուզական ինտելեկտ» թեմայով սեմինար մանկավարժական առաջնորդության ներկայացուցիչների համար:
- Կարեն Դեմիրճյանի անվան համալիրի դահլիճում տեղի է ունենում ճեմարանի 30-րդ շրջանավարտների «Վերջին զանգ»-ի հանդիսությունը:
Հունիս
- Ավագ դպրոցի սան Անուշ Հարությունյանը /Ա-25 խումբ/ «Ռաունդ Սքվեր» կազմակերպության շրջանակում ուսումնամշակութային փոխանակման ծրագրով մեկնում է Գերմանիայի STIFTUNG KLOSTERSCHULE ROßLEBEN դպրոց:
- Universe Art միջազգային մրցույթ փառատոնին նկարչության անվանակարգում մասնակցում են Շիրակացու ճեմարանի սաները, որոնց աշխատանքները ցուցադրվում են ՀՀ Նկարիչների միությունում:
Հուլիս
- Ճեմարանի հիմնադիր տնօրեն Աշոտ Ալիխանյանը և միջազգային հարցերով տնօրենի տեղակալ Տաթևիկ Նալբանդյանը մասնակցում են ՀՀ-ում Ճապոնիայի դեպանության կազմակերպած The Japan Foundation-ի «NINGYO ճապոնական տիկինկների արվեստն ու գեղեցկությունը» ցուցահանդեսի բացմանը:
- Եվրոպայի աղջիկների՝ ինֆորմատիկայից 3-րդ օլիմպիադայում ճեմարանական Սյուզաննա Գրիգորյանն արժանանում է բրոնզե մեդալի։
- «Արմենպրես»-ի մամուլի սրահում հրավիրված ասուլիսին մասնակցում է նաև «Շիրակացու ճեմարան» գիտակրթական համալիրի հիմնադիր տնօրեն, ԱՏՁՄ վարչության անդամ Աշոտ Ալիխանյանը. նա նշում է, որ «Արմաթ» ինժեներական լաբորատորիայի ծրագիրը հաջողվածներից է և անպայման պետք է ընդլայնել ու զարգացնել։
Օգոստոս
- Ճեմարանի տնօրենությունը հանդիպում է Քուվեյթի ազգային վարժարանի ղեկավար կազմի և Քուվեյթում ՀՀ դեսպանի հետ, որի ընթացքում ստորագրվում է փաստաթուղթ 2017 թ կնքված Համագործակցության և բարեկամության հուշագրի անժամկետ երկարաձգման մասին, քննարկվում են հետագա համագործակցությունը և կատարելիք քայլերը:
- Ճեմարանը հյուրընկալում է ՀՀ-ում Ճապոնիայի դեսպանին: Կազմակերպվում է շրջայց ճեմարանի մասնաշենքերում և կարճ քննարկում հետագա համագործակցության շուրջ:
- EBSCO տարածաշրջանային ներկայացուցիչ Ալեքսանդր Ռիտովը ճեմարանի մանկավարժական առաջնորդության անդամների համար սեմինար է վարում թվային պաշարների թեմայով:
Սեպտեմբեր
- Միջազգային բակալավրիատի փորձագետ և վերապատրաստող Էդիթ վան դեր Լինդենը ճեմարանի մանկավարժական առաջնորդության անդամների համար դասընթաց է վարում «Ռազմավարական պլանավորում և առաջնորդում արժեքների վրա հիմնված հետազոտության միջոցով» թեմայով:
- Ճեմարանը հյուրընկալում է Ուրուգվայի կրթության նախարարության պաշտոնական պատվիրակությանը:
- Ադրբեջանի բռնաճնշման հետևանքով Արցախի հայությունը թողնում է իր հայրենիքը: Արցախի Շիրակացու ճեմարանի աշակերտներին և ուսուցիչներին Ճեմարանը գրկաբաց է ընդունում:
Հոկտեմբեր
- Կրթահամալիրի գրադարանի ղեկավար Ռուզաննա Եղիկյանը Խնկո Ապոր անվան ազգային մանկական գրադարանում մասնակցում է «Երեխայի ընթերցող դառնալու իրավունքի պաշտպանները» խորագրով միջազգային վերապատրաստման եռօրյա դասընթացին, որը վարում է Իրանի Մանկապատանեկան գրականության հետազոտական ինստիտուտի տնօրեն, հետազոտող-դասախոս Զոհրե Ղայենին:
- Ճեմարանի պատվիրակությունը՝ ճեմարանի փոխտնօրեններ Աշխեն Թովմասյանը, Անի Հարությունյանը և գիտամեթոդական կենտրոնի ղեկավար Թամար Ալեքսանյանը Թիֆլիսում մասնակցում են ԱՊՀ երկրների Միջազգային բակալվրիատի դպրոցների «Կադրային քաղաքականությունը և դրա ազդեցությունը դպրոցի զարգացման վրա» խորագրով աշխատաժողովին:
- Ճեմարանի տնօրեն Աշոտ Ալիխանյանը և փոխտնօրեն Թագուհի Սինանյանը Դուբլինում մասնակցում են Միջազգային բակալավրիատի դպրոցների ամենամյա աշխատաժողովին՝ «Կրթություն ներառական ապագայի համար» թեմայով:
- Ճեմարանի տեխնոլոգիայի ամբիոնը մասնակցում է «ԴիջիԹեք» տեղեկատվական տեխնոլոգիաների ցուցահանդեսին (ամբիոնի ղեկավար՝ Նարեկ Տիգրանյան):
- «Ազատ թռչող մոդելներ» վերտառությամբ ավիամոդելեվորման հանրապետական մրցույթում մասնակցում են ճեմարանականներ Անահիտ Գյուրջյանը և Հայկ Մադոյանը: Անահիտ Գյուրջյանը զբաղեցնում է 1-ին, իսկ Հայկ Մադոյանը՝ 2-րդ տեղը (ակումբի ղեկավար՝ Էդուարդ Կարամյան):
- Ճեմարանում «Աշխարհագրական տեղեկատվական համակարգը դպրոցներում» թեմայով սեմինար-քննարկում է անցկացնում Geovibe ընկերության բիզնեսի զարգացման մենեջեր Տիգրան Բաղիյանը:
- ԵՊՀ ում՝ սենյակային ավիամոդելների հանրապետական մրցույթում ճեմարանի միջին դպրոցի սաները ցուցադրում են իրենց սարքերը, արժանանում մեդալների և պատվոգրի. (ակումբի ղեկավար՝ Էդուարդ Կարամյան):
Նոյեմբեր
- Ճարտարապետների միության շենքի դահլիճում Հայաստանի պետական ջազ նվագախմբի և «Շիրակացու ճեմարան» միջազգային գիտակրթական համալիրի հետ համատեղ տեղի է ունենում Արմեն Հյուսնունց քառյակի «Երգեր առանց բառերի» խորագրով բարեգործական համերգը՝ ուղղված Արցախի «Շիրակացու ճեմարանի» 160 սաների կրթական կարիքներին։
- Ճեմարանում կազմակերպվում է կոմպոզիտոր, դիրիժոր Արամ Խաչատրյանի 120-ամյակին նվիրված մշակութային միջոցառում՝ Ավագ դպրոցի սաների մասնակցությամբ: Ճեմարանում էր հյուրընկալվել նաև Արամ Խաչատրյանի բարեկամուհին՝ Նինա Իլինիչնան, որը հետաքրքիր հուշեր պատմեց աշխարհահռչակ երգահանի մասին:
- ՄԱԿ-ի Երեխաների համաշխարհային օրվան նվիրված «Համագործակցություն հանուն երջանիկ մանկության» խորագրով միջոցառումն է տեղի ունենում ճեմարանում:
Դեկտեմբեր
- Միջազգային դպրոցների խորհրդի (CIS) գնահատման նախապատրաստման համար ճեմարանը հյուրընկալում է Միջազգային դպրոցների խորհրդի դպրոցների աջակցության գնահատման ղեկավար Քրիստոֆեր Մաջիոյին (Իտալիա) և Սոտոգրանդե միջազգային դպրոցի ՄԲ կրտսեր դպրոցի համակարգող Անդրեա Բեննեթ Կասերեսին (Իսպանիա):
- Չինաստանի Թյենծին Յինհուա միջազգային դպրոցի պատվիրակությունը վերջերս համագործակցային առաջարկով այցելում է Ճեմարան:
- Ինչպես ամեն տարեմուտի, այս տարի ևս կրտսեր դպրոցի սաների ծնողները հանդես են գալիս տոնական ներկայացումով:
- «Շիրակացու ճեմարան» միջազգային գիտակրթական համալիրի և Աստրալիայի Սիդնեյ քաղաքի հայկական ՀԲԸՄ Ալեքսանտր Վարժարանի համատեղ նախաձեռնությամբ հրատարակվում է «Հույսի գույներ» խորագիրը կրող 2024թ. օրացույցը: