2010 – Շիրակացու ճեմարան

Տարեգրություն

Մեր Պատմությունը 2010 թ

Հունվար
- Ճեմարանի պատվիրակությունը այցելում է Դուբայի «Միլենիում» դպրոց՝ «Ռաունդ Սքվեր» միջազգային դպրոցների համաշխարհային ասոցիացիայի շրջանակում փորձի փոխանակման նպատակով:
- Հունվարի 16-17 - Ճեմարանի պատվիրակությունը` ի դեմս տնօրեն Աշոտ Ալիխանյանի և ՌՍ ներկայացուցիչ Սաթինե Ղարաքեշիշյանի Հնդկաստանի Դեհրադուն քաղաքի Դուն դպրոցում (The Doon School) մասնակցում է «Ռաունդ Սքվեր» միջազգային դպրոցների համաշխարհային ասոցիացիայի Հարավային Ասիա և Գալֆ տարածաշրջանային համաժողովին (AGM of South Asia & Gulf Region - 2010):
Փետրվար
- «Հեռուստատեսության հիմնախնդիրներ» թեմայով հանդիպում է տեղի ունենում «Սինոփսիս»-ի ղեկավար Հ. Մուսայելյանի հետ:
- Եվրոպայի Բիզնես խորհրդի անվանակարգեր շնորհող հանձնաժողովը (Մեծ Բրիտանիա, Օքսֆորդ) կրթական ոլորտում ունեցած ներդրման համար Անանիա Շիրակացու անվան ճեմարանի տնօրեն Աշոտ Ալիխանյանին շնորհում է «Միացյալ Եվրոպա մրցանակ» անվանակարգը:
- Հայաստանի Երիտասարդ կանանց ասոցիացիայի և ՄԱԿ-ի մանկական հիմնադրամի հետ կազմակերպած «Կանայք աշխատանքի միջավայրում» թեմայով մրցույթի հաղթողներ են ճանաչվում ճեմարանի կերպարվեստի ստուդիայի 2 սան (ղեկավար` Սուսաննա Սեփանյան):
- «Ռաունդ Սքվեր»-ի շրջանակներում իրականացվող ուսումնական փոխանակմանծրագրով ճեմարանի սան Կորյուն Աչոյանը մեկ ամսով մասնակցում է Սինգապուրի Հարավարևելյան Ասիայի համաշխարհային միացյալ քոլեջի(UWCSEA – United World College of South East Asia in Singapore) Միջազգային բակալավրիատի (IB) ծրագրով իրականացվող ուսումնական գործընթացին:
Մարտ
- Ճեմարանի 2005 թվականի շրջանավարտ և կրթօջախի մաթեմատիկայի ուսուցչուհիՀասմիկ Ալվրցյանը ընդունվում է ԱՄՆ-ի Հարվարդի համալսարանի մագիստրատուրայի բիոստատիստիկայի ֆակուլտետ:
- ՌԴ-ի Չեբոկսարիի գիտահետազոտական ինստիտուտի կազմակերպած դպրոցականների միջազգային ինտելեկտուալ ասամբլեային մասնակցում են նաև ճեմարանի սաները. ներկայացված 26 աշխատանքներից 24-ը հաղթող են ճանաչվում և տպագրվում են հոդվածների միջազգային ժողովածուում:
- «Մայքրոսոֆթ ԱրԷյ» ընկերության և ՀՀ ԿԳՆ-ի աջակցությամբ անցկացված «Նորարարուսուցիչներ» հայաստանյան առաջին համաժողով-մրցույթի հաղթող, ճեմարանի ինֆորմատիկայի ամբիոնի վարիչ և ՏՀՏ կենտրոնի ղեկավար Սուսաննա Գալստյանը Բեռլինում մասնակցում է Microsoft-ի «Եվրոպական նորարար կրթություն» համաժողովին:
Ապրիլ
- «Ռաունդ Սքվեր»-ի շրջանակներում իրականացվող փոխանակման ուսումնականծրագրով Հնդկաստանի Աջմեր քաղաքի Մայո քոլեջի (Mayo College, Ajmer) 12-րդ դասարանի սաներ Ջայվարդհան Սինգհի (Jaivardham Singh) և Պուլկիտ Լոդհանի (Pulkit Lodha) մեկամսյա ուսումնամշակութային ծրագիր են իրականացնում ճեմարանում:
- Միջազգային բակալավրիատի ծրագրով վերապատրաստվելու նպատակով ճեմարանի պատվիրակությունը այցելում է Մոսկվայի թիվ 45 գիմնազիա, անգլո-ամերիկյան դպրոց, եվրոպական գիմնազիա և տնտեսագիտական դպրոց:
- Տնօրեն Աշոտ Ալիխանյանի գլխավորած պատվիրակությունը (տնօրենի խորհրդական Նիկողոս Հաջյան, միջազգային կապերի գծով տնօրենի օգնական Սաթինե Ղարաքեշիշյան) Սամարայում մասնակցում է ԱՊՀ երկրների՝ Միջազգային բակալավրիատի դպրոցների ասոցիացիայի 4-րդ համաժողովին:
Մայիս
- «Ռաունդ Սքվեր»-ի գերագույն խորհրդի տարեկան ժողովում (Մեծ Բրիտանիա, Վելինգտոն քոլեջ (Wellington College)) ճեմարանն առանց 5 տարվա փորձաշրջան անցնելու ճանաչվում է «Ռաունդ Սքվեր» կազմակերպության լիիրավ անդամ:
- ՀՀ Սահմանադրության 15-ամյակին նվիրված «Սահմանադրություն և իրավունք» հանրապետական յոթերորդ օլիմպիադան կազմակերպվում և անցկացվում է ճեմարանում:
- 2009 թվականի շրջանավարտ Վահագն Փափազյանն ընդունվում է ԱՄՆ-ի Հարվարդի համալսարան:
- Հանրապետական 5-րդ բաց օլիմպիադաներն են կազմակերպվում և անցկացվում ճեմարանում՝ միջին դպրոցում սովորողների համար:
- Բոստոնահայ դպրոցականները չորրորդ անգամ են հյուրընկալվում ճեմարանում:
Հունիս
- ՀՀ ժողովրդական արտիստ Վանուշ Խանամիրյանը այցելում է ճեմարան:
- Հայ անվանի կոմպոզիտոր Արեգ Լուսինյանի ծննդյան 75-ամյակին նվիրված «Փոքրիկ ճեմարանական» կրթահամալիրի տարեվերջյան միջոցառումն է տեղի ունենում, և Արեգ Լուսինյանը պարգևատրվում է ճեմարանի «Անբասիր ծառայությունների համար» մեդալով:
- 6-րդ միջազգային երիտասարդական Դելփյան խաղերում ճեմարանի սանուհի Զարուհի Մարգարյանը հաղթող է ճանաչվում «Մնջախաղ» անվանակարգում և պարգևատրվում է ոսկե մեդալով:
- 2009-2010 ուստարվա ոսկե մեդալակիրներ են դառնում 5 աշակերտ՝ Աչոյան Կորյուն, Մադոյան Անի, Կարապետյան Անուշ, Մուրադյան Անդրանիկ, Մարգարյան Նարեկ:
- «Ռաունդ Սքվեր»-ի շրջանակներում ճեմարանի և Ադրիատիկի ու Ատլանտիկի համաշխարհային միացյալ քոլեջների (UWC of the Adriatic and Atlantic) համատեղ մշակութային կամավորական ծառայության ծրագիրն է իրականացվում Հայաստանում:
Հուլիս
- Թաիլանդի Ռեջենտների դպրոցի նախագահ դոկտոր Վիրաչայ Տեչավիճիտն այցելում է ճեմարան. նա պարգևատրվում է ճեմարանի «Անբասիր ծառայությունների համար» մեդալով:
- Կրտսեր դպրոցի տնօրեն Տաթևիկ Նալբանդյանը և ՄԲ-ի (PYP) ծրագրի համակարգող Աստղիկ Բալայանը մեկնում են Կոպենհագեն (Դանիա)` IBO-ի կազմակերպած սեմինարներին մասնակցելու նպատակով:
- Ճեմարանի մնջախաղի ստուդիայի սան Զարուհի Մարգարյանը (գեղարվեստական ղեկավար՝ Գևորգ Խոջոյան) Հայաստանի Դելփյան խաղերին (Youth Delphic Games in Armenia) է մասնակցում և արժանանում է ոսկե մեդալի:
- Թաիլանդի Պատտայա քաղաքի Ռեջենտների դպրոցի տնօրեն (The Regent’s School) դոկտոր Վիրաչայ Թեչավիջիթը (Dr. Virachai Techavijit) այցելում է ճեմարան:
Օգոստոս
- Ճեմարանի մնջախաղի ստուդիան արժանանում է Լեոնիդ Ենգիբարյանի անվան մնջախաղի թատրոնների միջազգային 2-րդ փառատոնի դափնեկրի կոչման (ղեկավար` Գեորգի Խոջոյան):
- Ճեմարանական համայնքը հանդիպում է դերասան, բեմադրիչ Երվանդ Մանարյանի (միջին դպրոց) և բանաստեղծ, նկարիչ Արևշատ Ավագյանի հետ (ավագ դպրոց):
Սեպտեմբեր
- Ֆիզիկայի ամբիոնի աշխատակիցներ Վ. Մելքոնյանը, Գ. Սիմոնյանը և Է. Մարտիրոսյանը հրատարակում են «Ֆիզիկայի խնդիրների և թեստային առաջադրանքների ժողովածու» ուսումնաօժանդակ ձեռնարկը 8-րդ դասարանի համար:
- Ճեմարանի կրտսեր դպրոցի առաջին դասարանի կրթական գործընթացը կազմակերպվում է Միջազգային բակալավրիատի միասնացած ծրագրով:
- «Կանաչ մոլորակ-2010» միջազգային բնապահպանական ֆորումում (Մոսկվա) դափնեկիրներ են դառնում 15 սան, ինչպես նաև թատերական (ղեկավար` Գարիկ Ղազարյան) և պարի (ղեկավար` Լիանա Հակոբյան) ստուդիաները:
- Ճեմարանը ճանաչվում է «Մայքրոսոֆթ» ընկերության «Գործընկերներ ուսման ոլորտում» ծրագրի շրջանակում իրականացվող «Նորարար դպրոցներ» միջազգային ծրագրի աշխարհի ամենաառաջավոր 56 դպրոցներից մեկը:
- Խորհրդային Միության հերոս, լեգենդար հետախույզ Գևորգ Վարդանյանը և նրա կինը` Մարտական Կարմիր դրոշի շքանշանակիր, հետախույզ Գոհար Վարդանյանը հանդիպում են ճեմարանականների հետ. նրանք պարգևատրվում են ճեմարանի «Անբասիր ծառայությունների համար» մեդալով:
- ՏՏ բնագավառում նախագահի ամենամյա մրցույթի «Տարվա լավագույն աշակերտ» անվանակարգում Վահան Կոստանյանը և Իլոնա Մուրադովան ճանաչվում են հաղթողներ:
- «Հեքիաթների աշխարհում» համահայկական մրցույթ-փառատոնում ճեմարանի միջին դպրոցի սանուհի Շուշանիկ Անանյանի աշխատանքը արժանանում է մրցանակի:
- «Հեքիաթների աշխարհում» համահայկական մրցույթ-փառատոնին մասնակցում են կրտսեր դպրոցի սաները՝ Չակելյան Երվանդ, Գևորգյան Մարիա, Արմաղանյան Սոնա, Մարգարյան Նարե, Վարդանյան Եվա, Վարդանյան Դավիթ, և արժանանում են խրախուսական մրցանակների, իսկ նրանց աշխատանքները ներգավվում են «Հայկական հեքիաթներ» գրքում:
Հոկտեմբեր
- ՏՏ բնագավառում ՀՀ նախագահի ամենամյա մրցույթի «Տարվա լավագույն մագիստրոս» անվանակարգում հաղթողներ ճանաչվում են Նարինե Ոսկանյանը (2002թ. շրջանավարտ, Հայաստանի ամերիկյան համալսարան), Արմեն Դուրգարյանը (2004թ. շրջանավարտ, ԵՊՀ) և Էդուարդ Փիլիպոսյանը (2004թ. շրջանավարտ, Ռուս-հայկական (Սլավոնական) համալսարան):
- ՄԲ-ի գրասենյակից մասնագետ Կորին Վան Դեն Վիլդենբերգը ճեմարանի ԿԴ է այցելում՝ նախնական ուսումնասիրության և աջակցության նպատակով:
- Հանրապետական մանկապատանեկան «Նռան հատիկ» թատերական փառատոնը մեկնարկում է ճեմարանում, թատերական ստուդիան հանդես է գալիս Օ. Հենրիի «Մոգերի ընծաները» նորավեպի բեմադրությամբ:
- Ճեմարանական պատվիրակությունը՝ ի դեմս տնօրեն Աշոտ Ալիխանյանի, ՌՍ ներկայացուցիչ Սաթինե Ղարաքեշիշյանի, հոգեբան՝ Ռաջնի Վարդանյանի և 5 սաների՝ Սոնա Փափազյան, Շահեն Մեհրաբյան, Անուշ Թոսունյան, Մարիամ Ստեփանյան, Պարույր Դանիլյանտե, մեկնում է Թաիլանդի Պատտայա քաղաքի Ռեջենտների դպրոց (The Regent’s School)՝ մասնակցելու «Ռաունդ Սքվեր- 2010» միջազգային համաժողովին (RSIC-2010), որտեղ «Ռաունդ Սքվեր» միջազգային ասոցիացիայի նախագահ Հունաստանի Կոնստանտին 2-րդ թագավորը ճեմարանի տնօրեն Աշոտ Ալիխանյանին հանձնում է կազմակերպության լիիրավ անդամի վկայական և դրոշ:
- «Մայքրոսոֆթ» ընկերության հրավերով պատվիրակությունը (տնօրեն Աշոտ Ալիխանյան և ճեմարանի ՏՀՏ կենտրոնի ղեկավար Սուսաննա Գալստյան) մասնակցում է Քեյփթաունում կազմակերպված Մայքրոսոֆթի «Նորարար կրթություն» համաժողովին:
Նոյեմբեր
- Ճեմարանական պատվիրակությունը՝ ի դեմս ճեմարանի ֆիզիկայի ուսուցիչ Արարատ Եղիկյանի և 5 սաների՝ Սերժ Կարապետյան, Արա Մամբրեյան, Նարեկ Արզումանյան, Վլադ Հակոբյան, Ալեքսանդրա Բեջանյան, մեկնում է Հնդկաստանի Հիսար քաղաքի Vidya Devi Jindal School դպրոց՝ մասնակցելու «Ռաունդ Սքվեր» տարածաշրջանային համաժողովին (միջին դպրոցի սաների համար) (Young Regional RS Conference-2010):
- Ճեմարանի հիմնադրման 20-ամյակի առթիվ կազմակերպվում են տոնական միջոցառումներ և մարզական փառատոն ավագ, միջին և կրտսեր դպրոցների սաների մասնակցությամբ:
- Ճեմարանի հիմնադրման 20-ամյակին նվիրված հանդիսություն է տեղի ունենում Երևանի պետական համալսարանում` ԵՊՀ-ի ճեմարանական ուսանողների նախաձեռնությամբ:
- Ճեմարանի հիմնադրման 20-ամյակի հանդիսություններին մասնակցում են «Ռաունդ Սքվեր» միջազգային դպրոցների համաշխարհային ասոցիացիայի գործադիր տնօրեն Բրայան Դոուսոնը, ԱՊՀ երկրների՝ Միջազգային Բակալավրիատի (IB) դպրոցների ասոցիացիայի նախագահ Միխայիլ Շնեյդերը և ասոցիացիայի գործադիր տնօրեն Նատալյա Բարինովան:
- Ճեմարանի հիմնադրման 20-ամյակի կապակցությամբ ճեմարանի տնօրեն Աշոտ Ալիխանյանը փոխտնօրեն Խաչիկ Հակոբյանը պարգևատրվում են ՀՀ ԱԺ նախագահի պատվո մեդալով:
- Ճեմարանի հիմնադրման 20-ամյակի կապակցությամբ ճեմարանի փոխտնօրեններ Արփինե Փափազյանը և Գագիկ Թոռչյանը պարգևատրվում են ՀՀ վարչապետի հուշամեդալով:
- Ճեմարանի հիմնադրման 20-ամյակի կապակցությամբ ճեմարանի փոխտնօրեն Իրա Սահակյանը և ՏՀՏ կենտրոնի ղեկավար, ինֆորմատիկայի ամբիոնի վարիչ Սուսաննա Գալստյանը պարգևատրվում են ՀՀ ԿԳ նախարարության ոսկե հուշամեդալով:
- Ճեմարանի հիմնադրման 20-ամյակի կապակցությամբ ճեմարանի Գարիկ Ղազարյանը պարգևատրվում է ՀՀ մշակույթի նախարարության ոսկե մեդալով:
- Ճեմարանի հիմնադրման 20-ամյա հոբելյանի եզրափակիչ հանդիսությունը տեղի է ունենում Ալեքսանդր Սպենդիարյանի անվան օպերայի և բալետի ազգային ակադեմիական թատրոնում, որին ներկա էին ՀՀ վարչապետ Տիգրան Սարգսյանը, ՀՀ մշակույթի նախարար Հասմիկ Պողոսյանը, Ազգային ժողովի, ԿԳ նախարարության, Երևանի քաղաքապետարանի պատասխանատու պաշտոնյաներ, Հայաստանում հավատարմագրված տարբեր երկրների դեսպաններ և հոբելյանական հանդիսություններին մասնակցելու նպատակով Հայաստան ժամանած Բրայան Դոուսոնը, Միխայիլ Շնեյդերը և Նատալյա Բարինովան: Հանդիսությանը հրավիրված էին ճեմարանի բոլոր տարիների աշխատակիցները, շրջանավարտները, սաներ և ծնողական համայնքի ներկայացուցիչներ:
Դեկտեմբեր
- Չեխիայի Լիդիցե քաղաքում կազմակերպված 38-րդ մանկական նկարների միջազգային մրցույթի հաղթողներ են դառնում ճեմարանի 3 սաներ (կերպարվեստի ուսուցիչ Վարդան Ղումաշյան):
- «Մայքրոսոֆթ ԱրԷյ» ընկերության և ՀՀ ԿԳՆ-ի աջակցությամբ անցկացված «Նորարար ուսուցիչներ» հայաստանյան երկրորդ համաժողով-մրցույթի հաղթող է ճանաչվում ճեմարանի ֆիզիկայի ուսուցիչ Գեղամ Սիմոնյանը:
- Ճեմարանի թիմը մասնակցում է «Սահմանադրություն և իրավունք» հանրապետական 7-րդ օլիմպիադային, որը նվիրված էր ՀՀ Սահմանադրության 15-ամյակին և զբաղեցնում է երրորդ տեղը (ղեկավար՝ բանասիրական գիտությունների թեկնածու, հասարակագիտության ուսուցչուհի Գայանե Վարդանյան):
- Ճեմարանի 20-ամյակին նվիրված՝ Հովհաննես Թումանյանի տուն-թանգարանում բացվում է ցուցահանդես, որտեղ ներառվում են ճեմարանի կրտսեր և միջին դպրոցների տարբեր սերունդների սաների թվով 180 լավագույն աշխատանքները։