2014 – Շիրակացու ճեմարան

Տարեգրություն

Մեր Պատմությունը 2014 թ

Հունվար
- Ճեմարանի 12 սաներ պատմության ուսուցիչ Լուսինե Անտոնյանի ղեկավարությամբ մասնակցում են Հարվարդի համալսարանի «National Geographic» կազմակերպության հեղինակած համացանցային «Out of Eden Walk» ծրագրին:
- Հայաստանում Ամերիկյան համալսարանի և ճեմարանի համագործակցության շրջանակներում Արփի Բալյանը 9-ժամյա սեմինար է անցկացնում՝ անգլերենի դասավանդումը որակական նոր մակարդակի հասցնելու նպատակով:
- Ավագ դպրոցի Միջազգային բակալավրիատի դիպլոմային ծրագրի համակարգող Դիանա Գրիգորյանը Ամստերդամում մասնակցում է համակարգողների վերապատրաստման դասընթացին:
- 12-րդ դասարանի սան Գևորգ Պետրոսյանը (ուսուցիչ՝ Պետրոսյան Արմինե) մասնակցում է Պերմի պետական ազգային հետազոտական համալսարանի «Երիտասարդ տաղանդներ» համացանցով իրականացվող հեռավար օլիմպիադայի նախնական փուլին:
Փետրվար
- Ճեմարանի պատվիրակությունը` ի դեմս տնօրեն Աշոտ Ալիխանյանի և ՌՍ ներկայացուցիչ Սաթինե Ղարաքեշիշյանի Հնդկաստանի Չանդիգահ քաղաքի Վիվիկ ավագ դպրոցում (Vivek High School, Chandigarh) մասնակցում է «Ռաունդ Սքվեր» միջազգային դպրոցների համաշխարհային ասոցիացիայի Հարավային Ասիա և Գալֆ տարածաշրջանային համաժողովին (AGM of South Asia & Gulf Region - 2014):
- «Տեառնընդառաջ» տոնի կապակցությամբ մանկավարժ Սուսաննա Ստեփանյանի ղեկավարած ստուդիայի սաները ներկայացնում են իրենց մանրանկարները ճեմարանի միջին դպրոցի ճեմասրահում: Ճեմարանի միջին դպրոցի աշակերտական ինքնակառավարման խորհրդի համանախագահներ են ընտրվում 9-րդ դասարանի սաներ Էրիկ Անանյանը և Ալինա Վարդանյանը:
- Հայոց լեզվի և գրականության հանձնախումբը մասնակցում է ՅՈՒՆԵՍԿՕ-ի «Կրթություն ապագայի համար» նախագծի շրջանակում հայտարարված բաշկիրական «Ուրալ Բատիր» էպոսի՝ տարբեր լեզուներով ընթերցանությանը: Բաշկիրական էպոսի 3-րդ գլուխը հայերեն է թարգմանում հայոց լեզվի և գրականության ուսուցիչ Սամվել Յոլչյանը, էպոսից մեկ հատվածի ընթերցումով հանդես է գալիս 12-րդ դասարանի աշակերտուհի Լիա Շահնազարյանը: Ճեմարանը մեծ շուքով նշում է մայրենի լեզվի օրը. Մայրենի լեզվին և գրականությանը նվիրված դասեր են անցկացվում, իսկ հանդիսությունների սրահում՝ մրցույթ՝ «Լեզվական մարաթոն»:
- ճեմարանը մեծ շուքով նշում է մայրենի լեզվի օրը. Մայրենի լեզվին և գրականությանը նվիրված դասեր են անցկացվում, իսկ հանդիսությունների սրահում՝ մրցույթ՝ «Լեզվական մարաթոն»:
Մարտ
- Ճեմարանի մաթեմատիկայի հանձնախմբի ղեկավար Լիդա Բակլաչյանը մասնակցում է ՄԲ (IB) գրասենյակի կազմակերպած «Մաթեմատիկա: ՄԴ-ի (MYP) ծրագրի ներդրումը» թեմայով հեռավար վերապատրաստմանը:
- Ճեմարանի փոխտնօրեն, հայոց լեզվի և գրականության հանձնախմբի ղեկավար Թամար Ալեքսանյանը մասնակցում է ՄԲ-ի (IB) գրասենյակի կազմակերպած «Լեզու և գրականություն. ՄԴ-ի (MYP) ծրագրի ներդրումը» թեմայով հեռավար 6-շաբաթյա վերապատրաստմանը:
- Պատմության ուսուցչուհի Արմինե Նարիմանյանը մասնակցում է Միջազգային բակալավրիատի Դիպլոմային ծրագրի 16 –ժամյա հեռավար սեմինարներին (Համաշխարհային պատմություն):
- Տնօրեն Աշոտ Ալիխանյանը և Հայաստանում ֆրանսիական համալսարանի ռեկտոր Ժան-Ժակ Մոնտուան երկու կրթօջախների համագործակցության հուշագիր են ստորագրում վերջինիս` ճեմարան այցի ժամանակ:
- Սկսում է գործել ճաշարանին կից լվացարանային հիմնանորոգված հանգույցը:
- Սկսում է գործել տեղեկատվական տեխնոլոգիաների ուսումնական կենտրոնը:
- «Ռոսսոտրուդնիչեստվո»-ի նախաձեռնությամբ Երևանի Համբարձում Գալստյանի անվան ավագ դպրոցի 11-րդ դասարանում ճեմարանի ռուսաց լեզվի և գրականության ամբիոնի ղեկավար Էլինա Շաքարյանը վարպետության դաս է վարում, որին մասնակցում են մայրաքաղաքի մի շարք դպրոցների ռուսաց լեզվի մեկուկես տասնյակ ուսուցիչներ:
- Հայաստանի ազգային գրադարանի հետ կնքվում է միջգրադարանային բաժնույթից օգտվելու ծառայությունների մատուցման պայմանագիր (բաժանորդագրության սկզբունքով):
- ՀՀ ԳԱԱ հիմնարար գիտական գրադարանի հետ կնքվում է միջգրադարանային բաժնույթից օգտվելու ծառայությունների մատուցման անժամկետ պայմանագիր:
- Շիրակացու ճեմարանի սաները մասնակցում են ԵՊՀ օլիմպիադային՝ ձեռք բերելով առաջին կարգի երկու, երկրորդ կարգի երեք, երրորդ կարգի ութ դիպլոմ և չորս գովասանագիր:
Ապրիլ
- Սպորտի համաշխարհային օրը «Ռաունդ Սքվեր»-ի շրջանակներում Անանիա Շիրակացու անվան ճեմարանի 774 խմբի և Ավստրալիայի Արմիդալ քաղաքի «Նոր Անգլիա» իգական դպրոցի սաների միջև կայանում է հեռուստակամուրջ, որի ընթացքում սաները խոսում են ոչ միայն ֆուտբոլի, այլև հայկական մշակույթի ու ազգային խոհանոցի մասին:
- Միջազգային բակալավրիատի կրտսեր դպրոցի ծրագրի երկրորդ ստուգատեսն է տեղի ունենում՝ «Մոլորակը մեր ընդհանուր տունն է» միջառարկայական թեմայով:
- Ճեմարանի պատվիրակությունը (տնօրեն Աշոտ Ալիխանյան, ՄԲ-ի համակարգողներ Դիանա Գրիգորյան, Աստղիկ Բալայան, ուսուցչուհի Զոյա Շահնազարյան) մասնակցում են ԱՊՀ երկրների Միջազգային բակալավրիատի դպրոցների ասոցիացիայի VIII ամենամյա գիտաժողովին:
Մայիս
- Զինադադարի 20-ամյակի առթիվ «Ուզում ես խաղաղություն՝ պատրաստվի՛ր պատերազմի» շարադրությունների հանրապետական մրցույթում 11-րդ դասարանի աշակերտուհի Աննա Նազարյանը զբաղեցնում է երկրորդ տեղը:
- Ամերիկյան http: //www.girlswritehere.com կայքում տեղադրվում է 11-րդ դասարանի աշակերտուհի Աննա Նազարյանի“Everybody saw the rain” վերնագրով մրցույթում հաղթած շարադրությունը:
- 12-րդ դասարանի սանուհի Աննա Նազարյանը հաղթող է ճանաչվում Նյու-Յորքի «Էմմա Վիլլարդ» իգական դպրոցի կազմակերպած «Պահ, երբ ամենից կենսունակ ես քեզ համարել» թեմայով շարադրությունների միջազգային մրցույթում:
- Երևանի Հովհաննես Թումանյանի տուն-թանգարանում տեղի է ունենում կրտսեր դպրոցի սաների գեղարվեստական աշխատանքների ցուցահանդես-վաճառք. ստացված գումարը ծառայում է բարեգործությանը:
- ՀՀ-ում ԱՄՆ-ի արտակարգ և լիազոր դեսպան Ջոն Հեֆերնը այցելում է ճեմարան:
- Կրտսեր դպրոց այցելության ժամանակ դեսպանը մասնակցում է բարեգործական ցուցահանդես-վաճառքին, գնում է 2 նկար:
- Անցկացվում է արդեն ավանդույթ դարձած «Պարի տոնը»` ճեմարանի պարուսույց Քրիստինե Հովհաննիսյանի յուրօրինակ հաշվետվությունը:
- Ճեմարանի քսանմեկերորդ շրջանավարտների «Վերջին զանգի» արարողությունն անցկացվում է Ստանիսլավսկու անվան ռուսական դրամատիկական թատրոնում:
- «Հեղինակային իրավունքը և ուսումնական գործընթացը» վերնագրով սեմինար է կազմակերպվում. բանախոս՝ Քրիստինե Համբարյան. ՀՀ մտավոր սեփականության գործակալության հեղինակային և հարակից իրավունքների բաժնի պետ:
Հունիս
- Հայոց լեզվի և գրականության ուսուցիչ Անի Պապոյանը մասնակցում է Միջազգային բակալավրիատի Դիպլոմային ծրագրի հեռավար սեմինարներին (լեզու և գրականություն, գրականություն):
- «Դպրոցական» բլոգի հայտարարած «Ուլիսես-3» պատմվածքի մրցույթում հաղթում են 12-րդ դասարանի աշակերտներ Լիլիթ Խալափյանը («Երբ բոլոր դռները փակ են») և Գոհար Ալեքսանյանը («Բերմուդներ»): Լիլիթ Խալափյանը ստանում է գլխավոր պարգևը՝ Ջեյմս Ջոյսի «Ուլիսես» վեպը՝ հայերեն թարգմանությամբ:
- Իջեցվում է Շիրակացու օրեր «Մտածի՛ր, ձգտի՛ր, նվաճի՛ր» նշանաբանով 21-րդ փառատոնի դրոշը: Փակման արարողության ժամանակ ճեմարանի թատերական ստուդիան ներկայացնում է Դենիս Ֆոնվիզինի «Տհասը» կատակերգությունը:
- Ճեմարանի հանձնախումբը ուղևորվում է Արցախ:
- Միջազգային բակալավրիատի կազմակերպության կողմից ավագ դպրոցը հավաստագրվում է՝ իրականացնելու Միջազգային բակալավրիատի Դիպլոմային ծրագիրը (IB DP):
Հուլիս
- Ավանդական «Շրջանավարտի օր»-ն է նշվում:
- Պատմության ամբիոնի ուսուցչուհի Աշխեն Գրիգորյանը գիտական թեզ է պաշտպանում «Եվագր Պոնտացին հայ մատենագրության մեջ» թեմայով և դառնում պատմական գիտությունների թեկնածու:
Սեպտեմբեր
- Պատմության նոր դասագիրք է հրատարակվում, որի հեղինակներից մեկը ճեմարանի պատմության ուսուցչուհի Արմինե Նարիմանյանն է:
- Հայաստանի Երրորդ Հանրապետության 23-րդ տարվան նվիրված տոնակատարությունների շրջանակում ճեմարանը հյուրընկալում է ճանաչված ռազմական դիվանագետ, գեներալ-մայոր Հայկ Քոթանջյանին:
- Ճեմարանի տնօրեն Աշոտ Ալիխանյանը և «Յուքոմ» ընկերության տնօրենը պաշտոնապես բաց են անում «Յուքոմ» ընկերության նվերը՝ ժամանակակից տեխնիկայով կահավորված կոնֆերանս-դահլիճը`«Յուքոմի լսարանը»:
- Ճեմարանը հյուրընկալում է Մոսկվայի թիվ 1557 վարժարանի սաներին և այդ կրթօջախի թանգարանի հիմնադիր տնօրեն Կարինա Ակվազեմին:
- Անցկացվում է Հայաստանի Երրորդ Հանրապետության հիմնադրման 23-րդ տարեդարձին նվիրված «Մեր աշխարհը` երեկ, այսօր և վաղը» ցուցահանդեսը, որտեղ ներկայացվում են Մոսկվայի № 1557 վարժարանի թանգարանի հավաքածուի ավելի քան 60 գեղանկարչական, ինչպես նաև Շիրակացու ճեմարանի սաների 20-ից ավելի գործեր:
- Տեղի է ունենում «Մեր աշխարհը` երեկ, այսօր և վաղը» ցուցահանդեսի պաշտոնական բացումը, որին ներկա են լինում նաև Անանիա Շիրակացու անվան ճեմարանի տնօրեն Աշոտ Ալիխանյանը և Մոսկվայի № 1557 վարժարանի պատվիրակության ղեկավար Կարինա Ակվազեմը:
- Պայմանագիր է կնքվում Հայաստանի էլեկտրոնային գրադարանների Կոնսորցիումի (ՀԷԳԿ-ի) անդամակցության և ռեսուրսների օգտագործման կարգի մասին:
- Ճեմարանական պատվիրակությունը՝ ի դեմս տնօրեն Աշոտ Ալիխանյանի, ՌՍ ներկայացուցիչ Իլոնա Ղասաբօղլյանի և 2 սաների՝ Կարեն Քրմոյան, Նարե Սարգսյան, մեկնում է Հնդկաստանի Բհոպալ Քաղաքի Սանսքաար Վալեյ դպրոց (The Sanskaar Valley School) մասնակցելու «Ռաունդ Սքվեր- 2014» միջազգային համաժողովին (RSIC-2014):
Հոկտեմբեր
- Ճեմարանում կազմակերպվում է ճանաչված նկարիչ Սամվել Սևադայի աշակերտ, ճեմարանի 10-րդ դասարանի սան Նոյ Ստեփանյանի գեղանկարների առաջին ցուցադրությունը:
- Ճեմարանը հյուրընկալում է Միջազգային բակալավրիատի միջին դպրոցի (MYP) հավաստագրման հանձնախմբին. իրականացվում է միջին դպրոցի կրթական գործունեության գնահատում:
- Ճեմարանի ավագ դպրոցի աշակերտական խորհրդի համանախագահներ են ընտրվում Գրիգոր Սևումյանը (12-րդ դասարան) և Դիանա Ավետովան (11-րդ դասարան):
- Ճեմարանում կազմակերպվում է Ռաֆիկ Արայանի (12-րդ դասարան) լուսանկարների ցուցահանդեսը:
- Մայրաքաղաք Երևանի 2796-րդ տարեդարձի կապակցությամբ իրականացվող միջոցառումների շրջանակում Նոր Նորքի Ֆրիտյոֆ Նանսենի անվան պուրակում Անանիա Շիրակացու անվան ճեմարանը ներկայանում է կերպարվեստի ուսուցչուհի Սուսաննա Ստեփանյանի և նրա սաների, ինչպես նաև գրադարանի վարիչ Ռուզաննա Եղիկյանի աշխատանքներով:
- Մոսկվայում կայացած ՅՈՒՆԵՍԿՕ-ի IITE-2014 (Institute for Information Technologies in Education) համաժողովին մասնակցում է ճեմարանը՝ որպես ՅՈՒՆԵՍԿՕ-ի ասոցացված դպրոցներից մեկը: Հայոց լեզվի և գրականության ուսուցիչ Արսեն Վարդանյանը ներկայացնում է ճեմարանի փորձը կրթության մեջ տեղեկատվական տեխնոլոգիաների կիրառության արդյունավետության մասին: Այս համաժողովի ժամանակ ճեմարանը ստանում է մասնակցության հավաստագիր:
- Աշակերտներ Գայանե Վարդանյանը և Հայկ Նավասարդյանը ճանաչվում են ՏՏ (տեղեկատվական տեխնոլոգիաների) բնագավառում ՀՀ նախագահի ամենամյա պարգևների շնորհման մրցույթի հաղթողներ «Տարվա լավագուն աշակերտ» անվանակարգում:
- Ճեմարանի քիմիայի ուսուցիչ, քիմիական գիտությունների թեկնածու, դոցենտ Ժան Գյուլբենկյանը ՀՀ ավագ դպրոցների քիմիայի ուսուցիչների հանրապետական 1-ին գիտաժողովում հանդես է գալիս զեկուցումով՝ «Սովորողների տրամաբանական մտածելակերպի զարգացումը բարդ խնդիրներ լուծելիս» թեմայով:
- Երևանի Խ. Աբովյանի անվան ՀՊՄՀ-ի հետ համատեղ Ճեմարանում անցկացվում է «Տարրական դպրոցի զարգացման հեռանկարները 21-րդ դարում» հանրապետական աշխատաժողովը: Աշխատաժողովի արդյունքները թեզիսների տեսքով տպագրվում են առանձին ժողովածուով («ՏԱՐՐԱԿԱՆ ԴՊՐՈՑԻ ԶԱՐԳԱՑՄԱՆ ՀԵՌԱՆԿԱՐՆԵՐԸ 21–ՐԴ ԴԱՐՈՒՄ» աշխատաժողովի (2014թ., հոկտեմբերի 24, Երևան) թեզիսների ժողովա-ծու, Եր., Մանկավարժ, 2014, 120 էջ):
- Շիրակացու ճեմարանում անցկացվում է «Թատրոնը մեր տունն է» նշանաբանով «Նռան հատիկ» հանրապետական մանկապատանեկան թատերական 14-րդ փառատոնը, որին մասնակցում են հանրապետության տարբեր մարզերի 20 դպրոցական թատերախմբեր: Ճեմարանի թատերական ստուդիան բեմադրում է Դ. Ֆոնվիզինի «Տհասը» ստեղծագործությունը (ղեկավար՝ Գարիկ Ղազարյան):
- ԱՊՀ երկրների՝ Միջազգային բակալավրիատի դպրոցների առաջին CAS ծրագիրն է իրականացվում:
Նոյեմբեր
- Անանիա Շիրակացու անվան ճեմարանի միջին դպրոցը հավաստագրվում է՝ իրականացնելու Միջազգային բակալավրիատի միջին դպրոցի ծրագիր (IB MYP):
- Միջին դպրոցի աշակերտները հանդիպում են կոմպոզիտոր Ստեփան Շաքարյանի հետ:
- Հայոց լեզվի և գրականության ամբիոնի նախաձեռնությամբ ճեմարանը հյուրընկալում է գրող-ազատամարտիկ Հովիկ Վարդումյանին:
Դեկտեմբեր
- Ռուսաց լեզվի ամբիոնի վարիչ Էլինա Շաքարյանը պաշտպանում է թեկնածուական թեզ «Համեմատությունների կարգը ռուսերենում» թեմայով և ստանում բանասիրական գիտությունների թեկնածուի գիտական աստիճան:
- ԱՊՀ երկրների դպրոցների համար հայտարարված քիմիայի միջազգային հեռավար, անգլերենով անցկացվող մրցույթում ճեմարանի թիմը գրավում է առաջին տեղը (ղեկավար՝ քիմիայի ուսուցիչ, քիմիական գիտությունների թեկնածու, դոցենտ Ժան Գյուլբենկյան, մրցույթը վարում է քիմիական գիտությունների դոկտոր, պրոֆեսոր Համբարձում Խաչատրյանը):