• Դիպլոմային ծրագրի ավարտական խմբի սան Հռիփսիմե Հակոբյանը ընդունվում է ԱՄՆ-ի Չիկագոյի  համալսարան 100% կրթաթոշակով: Հռիփսիմեն արդեն երրորդ ճեմարանականն է, որ կշարունակի ուսումը աշխարհի՝ վարկանիշով 9-րդ լավագույն համալսարանում:
• Հայաստանի ազգային  ագրարային համալսարանի ռեկտոր Վ. Ուռուտյանի հրավերով ճեմարանի գիտամեթոդական կենտրոնի ղեկավար Թամար Ալեքսանյանը և հոգեբանական կենտրոնի ղեկավար Անի Հարությունյանը Աղավնաձորի «Զարթոնք» հանգստյան տանը «Սովորողակենտրոն ուսումնառություն» թեմայով երկօրյա սեմինար են վարում հայոց  և օտար լեզուների ամբիոնի դասախոսների համար:
• Բանակի տոնին ընդառաջ միջին դպրոցի 50 սաներ մանկավարժների և ճեմարանի ռազմագիտության ուսուցչ Հրանտ Աղաբեկյանի ուղեկցությամբ այցելում են զորամաս՝ իրենց հետ  տանելով կրտսեր և միջին դպրոցների սաների գրած   նամակները, գրքեր, ինչպես նաև զինվորների  համար համերգ են տալիս:
• Ճեմարան են այցելում Մոսկվայի Տնտեսագիտության բարձրագույն դպրոցի ներկայացուցիչները: Ավագ դպրոցի սաների համար վարում են սեմինարներ, հանդիպում են ճեմարանի ուսուցչության հետ:
• Հայոց լեզվի և գրականության ակումբի (ղեկավար մ.գ.թ., դոցենտ Թամար Ալեքսանյան) նախաձեռնությամբ ճեմարանի գրադարանում 8-րդ դասարանի  երկու խմբեր քննարկում են Վիլյամ Սարոյանի «Հայրիկ, դու խենթ ես» վիպակը:

• Ճեմարանի պատվիրակությունը՝ ավագ դպրոցի տնօրեն, կրթահամալիրի միջազգային հարցերով տնօրենի տեղակալ Տաթևիկ Նալբանդյանը և ՌՍ համակարգող Իլոնա Հովասափյանը, մեկնում են Հնդկաստանի Նաինիտալ քաղաք՝ տեղի  All Saints’ College-ում մասնակցելու «Ռաունդ Սքվեր» միջազգային դպրոցների համաշխարհային ասոցիացիայի Հարավային Ասիա և Գալֆ տարածաշրջանային համաժողովին (AGM of  South Asia & Gulf Region - 2019):
• Հնդկաստանում ՀՀ դեսպանության աջակցությամբ և միջնորդությամբ Իլոնա Հովասափյանը և Տաթևիկ Նալբանդյանը  այցելում  են Նյու Դելիի  Springdales School՝  կրթահամալիրի և այս դպրոցի միջև  համագործակցության հնարավորությունները քննարկելու նպատակով: Հանդիպմանը  ներկա էր  Հնդկաստանում ՀՀ դեսպանության հյուպատոս պարոն Գևորգ Հախվերդյանը:  Հանդիպման ընթացքում քննարկվում են  փոխանակման ծրագրերի, համատեղ ամառային  ճամաբարի, նկարչական մրցույթների, STEM ուղղությամբ փորձի փոխանակման, առարկայական  ուսուցիչների համագործակցության և սաների նախագծերի իրականացման հնարավորությունները:
• Ճեմարանականներ Արթուր Արտաշեսյանը (11-րդ դասարան) և Ինգա Գրիգորյանը (Դիպլոմային  ծրագրի 2-րդ կուրս) համակարգչային գիտության ուսուցիչ Աշխեն Սարգսյանի ուղեկցությամբ Միլանում մասնակցում են ապահով համացանցի օրվան նվիրված “Have Your Say” միջազգային  համաժողովին: Միլանի Microsoft house-ում մեկնարկած միջոցառմանը ընդգրկված 16 թեմաներից մեր սաները ներկայացնում են  առցանց անվտանգություն (online safety) թեման և դառնում  են "European Council for Digital Good" թիմի անդամ, աջակցելու են իրենց տարեկիցներին ավելի արդյունավետ օգտագործել համացանցը, չդառնալ դրա գերին կամ  զոհը:
• Ճեմարանի  մայրենի և օտար լեզուների ուսուցիչների համար  դասախոսություն-զրույց է վարում Ռուսական պետական հումանիտար համալսարանի պրոֆեսոր, գրականագետ Սերգեյ Լավլինսկին:
• Շրջանավարտ Վլադ Հակոբյանի նախաձեռնությամբ Շանհայի Ջիաո Թոնգ Համալսարանի պատվիրակությունը այցելում է  ճեմարան՝ համալսարանում սովորելու և կրթաթոշակներ տրամադրելու հնարավորությունները ներկայացնելու համար:
• Ավագ դպրոցի սաների նախաձեռնությամբ և 10-րդ  դասարանի անհատական նախագծի շրջանակում ճեմարանը հյուրընկալում  է հայ ջազային երաժիշտ Մարտին Վարդազարյանին:
• Ճեմարանի շրջանավարտներ և այժմ ԵՊՀ ուսանողներ  Հովհաննես Ադոնցը և Ադանա Արմոնդ-Մասսինի Քեշիշյանը ճանաչվում են ՀՀ տարվա «Լավագույն ուսանող»(1- տեղ) Բնագիտության ոլորտում և արժանանում ԿԳՆ նախարարի հատուկ դրամական պարգևի և պատվոգրի:
• Ռուսաստանի Դաշնությունում Միջազգային բակալավրիատի  հիմնադրմա ն 50-Ամյակին նվիրված «Я гражданин  мира» թեմայով մանկապատանեկան նկարչական մրցույթում հաղթում են կրտսեր դպրոցի սաները՝ Գարիկ Ավետիսյան, Վիկտորյա Ադիլխանյան, Էյա Արզումանյան, Մանե Վանցյան, Վերա Եգանյան, Եվա Եսայան, Նատալի Զոհրաբյան, Գեորգի Մինասյան, Անի Մուրադյան, Հռիփսիմե Շամիրզանյան:
• Հայոց լեզվի և գրականության ամբիոնի (ղեկավար՝ բ.գ.թ. Անի Մակինյան) նախաձեռնությամբ Հովհաննես Թումանյանի 150-ամյակին նվիրված դասեր են անցկացվում կրթահամալիրում, սովորողները և ուսուցչամանկավարժական անձնակազմը միմյանց գրքեր են նվիրում:
• Կրթահամալիրի  ուսուցչության համար «Ինչպե՞ս են  երեխաները  սովորում» թեմայով դասախոսություն է կարդում ԵՊՀ-ի փիլիսոփայության դասախոս, կրթության՝  ՀՀ-ում ճանաչված  փորձագետ  Սերոբ  Խաչատրյանը:
• Հովհաննես Թումանյանի  150-ամյակին նվիրված՝ ճեմարանի թատերական ստուդիան բեմադրում է «Բարեկենդանը» հեքիաթը (ղեկավար՝ Գարիկ Ղազարյան):   

• «Շիրակացու ճեմարանի զարգացման հիմնադրամ»-ը կազմակերպում է Բարեկենդանի տոնական  ընթրիք Արմենիա-Մարիոթ հյուրանոցում:
• ՄԱԿ-ի Հայաստանյան գրասենյակի հրավերով և միջոցներով ԴԾ առաջին կուրսի  սանուհի  Յանա  Զախարյանցը  մասնակցում է ՄԱԿ-ի թմրանյութերի և հանցագործությունների դեմ պայքարի գրասենյակի կազմակերպած երիտասարդական ֆորումին, որն ընթանում է տարբեր երկրների  կառավարությունների նախարարների՝ թմրանյութերի և հանցագործությունների դեմ պայքարի հանձնաժողովի 62-րդ նստաշրջանի  աշխատանքներին զուգահեռ։ 
• Ճեմարան է այցելում ՀՀ-ում Կանադայի ժամանակավոր  հավատարմատար  Անիք Գյուլեն (նստավայրը՝ Մոսկվա): Տիկին Գյուլեին հատկապես հետաքրքրում էին Միջազգային բակալավրիատի կրթական պահանջների և սկզբունքների իրականացման առանձնահատկությունները կրթահամալիրում: 
• Ճեմարանի ուսուցչամանկավարժական անձնակազմի  մի մասը  Ծաղկաձորում  արտագնա սեմինարներ և քննարկումներ է կազմակերպում և անցկացնում: Արտագնա աշխատանքներին մասնակցում են նաև կրթության փորձագետ Սերոբ Խաչատրյանը և ՀՀ ԿԳ  նախարարի խորհրդական Գոհար Մամիկոնյանը:
• Ճեմարանի մնջախաղի թատերախումբը մեկնում է  Գորիս՝ մասնակցելու պատանի ֆրանկոֆոնների  թատերական ազգային փառատոնին՝ 10 SUR 10, pièces francophones à jouer et à lire:  Տեղի Վաղարշ Վաղարշյանի անվան դրամատիկական թատրոնում ճեմարանականները ներկայացնում  են Սիմոն Թերիի  «Rituel» մնջախաղը (գեղարվեստական ղեկավար՝ Իլոնա Հովասափյան, հնչյունային օպերատոր՝ Արփինե Առաքելյան), որի համար արժանանում են պատվոգրերի: Փառատոնի շրջանակում կազմակերպվում են վարպետաց դասեր, մշակութային այցելություններ, «Ընկերություն» թեմայով լուսանկարի մրցույթ, որտեղ հաղթող է ճանաչվում ճեմարանականների  լուսանկարը:
• Ճեմարանի  սովորողների, ուսուցիչների և մանկավարժների խումբն այցելում է Արմավիրի մարզի Վանանդ գյուղ՝ համագործակցության և փորձի փոխանակման նպատակով:
   

• Կրտսեր դպրոցի սան դաշնակահար Ալեքս Գևորգյանը մասնակցում է Միջազգային երաժշտական 10-րդ մրցույթ-փառատոնին և գրավում է առաջին տեղը:
• Ճեմարանը և «Երիտասարդությունն ուժ է» ՀԿ-ն 11-12-րդ  դասարանցիների համար կազմակերպում են մեկօրյա դասընթաց սոցիալական ձեռնարկատիրության (ՍՁ) շուրջ։
• Առաջատար տեխնոլոգիաների ձեռնարկությունների միության (UATE - Union of Advanced Technology Enterprise) տարեկան 19-րդ համագումարի բացման արարողության ժամանակ ելույթ է ունենում ճեմարանի մնջախաղի թատերախումբը (ղեկավար՝ Իլոնա Հովասափյան): 
• 10-րդ դասարանցիների անհատական նախագծերի ցուցադրությունն է տեղի ունենում Հանդիսավոր պայմաններում:
• Կրթահամալիրի ուսուցչամանկավարժական  անձնակազմի ընդհանուր ժողով է տեղի ունենում, ամփոփվում են արտագնա աշխատանքի արդյունքները: Ժողովին մասնակցում է ՀՀ ԿԳ  նախարարի խորհրդական Գոհար Մամիկոնյանը:
• Միջին դպրոցի 814, 815, 816 խմբերը խաղային և համերգային ծրագրով այցելում են  ցերեկային ամքի «Օրրան» կենտրոն: Ճեմարանականները օրրանցիներին նվիրում են մանդալա գործելու անհրաժեշտ նյութեր, քաղցրավենիք, ինչպես նաև սեփական բարեգործությամբ ձեռք բերված  գումար՝ «Օրրան» կենտրոնի արտաուսումնական խմբակներին անհրաժեշտ նյութեր  ձեռք բերելու համար:
• Ճեմարանի գրադարանում  մեկնարկում է  ՄԲ Դիպլոմային ծրագրի ավարտական խմբի սաների հետազոտությունների և արտաուսումնական նախագծերի մասին պատմող ցուցահանդեսը:
• Կալինինգրադում (ՌԴ) տեղի է ունենում ԱՊՀ երկրների Միջազգային բակաալվրիատի անդամ դպրոցների ամենամյա 13-րդ համաժողովը՝ «Մշակույթը և տեխնոլոգիաները 21-րդ դարի շարժիչ ուժ» խորագրով, որին մասնակցում է նաև ճեմարանի պատվիրակությունը՝ ի դեմս կրթահամալիրի տնօրեն Աշոտ Ալիխանյանի,  միջազգային հարցերով փոխտնօրեն Տաթևիկ Նալբանդյանի և լոգոպեդներ Ժաննա Պայլոզյանի (մ.գ.դ.) և Էմիլյա Թադևոսյանի (մ.գ.թ.): Լոգոպեդները իրենց փորձն են հաղորդում համաժողովի մասնակիցներին:
• Ամփոփվում են առարկայական օլիմպիադաների հանրապետական փուլի արդյունքները: Ճեմարանի   աշակերտները գրանցում են հետևյալ հաջողությունները. Այանյան Մարիա, 2-րդ  կարգ, անգլերեն, Մարտիրոսյան Ծովինար, 2-րդ կարգ, հայոց լեզու, Կարապետյան Արամ,  3-րդ կարգ,  ռուսաց լեզու, Հայրապետյան Մանե, 3-րդ կարգ անգլերեն, Մանուչարյան Հայկ, 3-րդ կարգ, անգլերեն, Գրիգորյան Սերգեյ, ֆիզիկա, գովասանագիր, Գրիգորյան Սյուզի, հայոց լեզու, գովասանագիր, Մանուկյան Ամալյա, հայոց լեզու, գովասանագիր:
• Ավագ դպրոցի սաները հանդիպում եմ Օքսֆորդի համալսարանի ընդունելության հարցերով պատասխանատուի հետ, որը ներկայացնում է համալսարանի հնարավորությունները և ընդունելության պահանջները:
• Ճեմարանի բակում՝ «Հիշողության պուրակում» ավագ դպրոցի սաները Մեծ եղեռնի զոհերի հիշատակին իրականացնում են ավանդական ծառատունկ:
• ՄԲ  գրասենյակի ներկայացուցիչ Բրենդի Սմիթը չհայտարարված  ստուգման այցով գալիս է ճեմարան և մասնակցում Դիպլոմային ծրագրի  քիմա առարկայի 3-րդ քննաթերթիկի քննությանը: Արձանագրության մեջ նշվում է, որ բոլոր չափանիշներով և ընթացակարգերով քննությունը համապատասխանում է գրասենյակի սահմանած պահանջներին:
• Հայոց լեզվի և գրականության օլիմպիական ակումբի (ղեկավար՝ Թամար Ալեքսանյան) սաների նախաձեռնությամբ ճեմարանի գրադարանում  իններորդ և ութերորդ դասարանցիների մի խումբ քննարկում է ամերիկացի կին գրող Հարփըր Լիի «Ծաղրասարյակ սպանելը» վեպը:
• Դիպլոմային ծրագրի սաները շրջայց են կազմակերպում ԱՄՆ-ից ժամանած Հայաստանի կրթությամբ և կրթական հաստատություններով հետաքրքրված 16 զբոսաշրջիկների համար:
• Պարի միջազգային օրվա առթիվ  Երևանի Պատանի հանդիսատեսի թատրոնի բեմում հանդես են գալիս ճեմարանի պարի ստուդիայի սաները, ղեկավար Քրիստինե Հովհաննիսյանն արժանանում է շնորհակալագրի:

• Կրտսեր դպրոցի սան դաշնակահար Ալեքս Գևորգյանը մասնակցում է «Վերածնունդ» երաժշտական մրցույթ-փառատոնին և արժանանում «Գրան պրի» մրցանակի:
• Կրտսեր դպրոցի  4-րդ դասարանի՝ բժշկական և առողջապահական թեմաներով հետաքրքրված սաները հանդիպում են ՀՀ առողջապահության նախարար Արսեն Թորոսյանի հետ:
• Կթահամալիրի սաները մասնակցում են QSI դպրոցում անցկացվող և ավանդական դարձած սպորտային մցույթին՝ շահելով 50 մեդալ և գրավելով պատվավոր 2-րդ տեղը: 
• «Լուսավոր սահման» ծրագրի շրջանակում ավագ դպրոցի 4 սան  հեղինակային ծրագրի համակարգող Անի Պապոյանի ղեկավարությամբ այցելում են ՀՀ Տավուշի մարզի  Բերդավան և Կոթի գյուղեր: 
• Կրթահամալիրի կրտսեր դպրոցի չորրորդ դասարանցիները հանդիսավոր պայմաններում ուսուցչամանկավարժական անձնակազմին, ծնողական համայնքին ներկայացնում են իրենց հետազոտական աշխատանքները «Ո՞վ ենք մենք» թեմայով:
• Ռուսաց լեզվի ուսուցիչների նախաձեռնությամբ ճեմարանի բակում աշակերտները և ուսուցիչները հանդիսավոր երթով նշում են մայիսյան հաղթանակները, ապա հանդիսության դահլիճում հանդիպում  են ապրիլյան ազատամարտի երեք հերոսների:
• Հայոց լեզվի և գրականության ամբիոնի նախաձեռնությամբ  7-րդ դասարանի աշակերտները «Խոսքի ուժը» հետազոտական միավորի շրջանակում հանդիպում են Լսողության խանգարում ունեցող կրթահամալիրի տնօրեն Լուսինե Բաբայանին  նույն դպրոցի մի քանի աշակերտի ուղեկցությամբ:
• Հերացու անվան բժշկական համալսարանում  ճեմարանի բնագիտության ամբիոնը մասնակցում է  «Գենետիկայի նվաճուները» թեմայով գիտաժողովի, 12-րդ դասարանի աշակերտներ  Մանե Հայրապետյանը և Անուշ  Բալոյանը հանդես են գալիս զեկուցումներով (ղեկավարներ՝  կենս. գիտ. թեկնածու, ամբիոնի ղեկավար Նարինե  Քսաջիկյան, Գևորգ Պետրոսյան):
• Ճեմարանի Դիպլոմային ծրագրի առաջին կուրսի ուսանող Յանա Զախարյանցը հրավիրվում է մասնակցելու Յելի համալսարանի «Քաղաքականություն, իրավունք և տնտեսագիտություն» երիտասարդ դիմորդների ամառային ծրագրին, որը տեղի կունենա այս տարի հուլիսի 28-ից օգոստոսի 10-ը:
• 8-րդ դասարանցիների համար  ֆիզիկայի ուսուցիչ  Գեղամ Սիմոնյանը կազմակերպում և անցկացնում է մրցույթ վիկտորինա  բնագիտությունից:
• Բնագիտության ամբիոնի նախաձեռնությամբ  և ճեմարանի շրջանավարտ, քիմիայի ուսուցիչ Հովհաննես Ադոնցի ջանքերով  ավագ դպրոցի բակում տեղի է ունենում «Քիմիայի օր» միջոցառումը:
• Ճեմարանի  նախաձեռնությամբ Հայաստանում կազմակերպվում  են «Միջազգային բակալավրիատի օրեր»՝ Միջազգային բակալավրիատի ծրագրի ղեկավարներ Վեդրանա Պավլետիչի  և Ջոն Հալիգանի  մասնակցությամբ։ Այցի նպատակն է ՄԲ ծրագրի ներկայացումն ու Դիպլոմային ծրագրի ավարտական  վկայականի  հայաստանյան բուհերի կողմից ճանաչման     գործընթացի  քննարկումը։
• Բնագիտական ամբիոնի նախաձեռնությամբ  նվիրված Մենդելեևի պարբերական համակարգի ստեղծմանը  ճեմարանի ավագ դպրոցի աշակերտները (Անի Աթյան, Ալվարդ Աբրահամյան 10-րդ դաս. Վահագն Ծիրունյան-12-րդ դաս.)  հանդես են գալիս հետազոտական Աշխատանքների ներկայացմամբ: Միջոցառմանը մասնակցում են Հերացու անվան Բժշկական համալսարանի  դասախոս Ա. Գրիգորյանը, ք.գ.թ. Սոֆյա Այդինյանը:
• ԵՊԲՀ-ում «Նոբելյան օրեր Երևանում» նախաձեռնության շրջանակում տեղի է ունենում Հայաստան  ժամանած գերմանացի գիտնական-վիրուսաբան, նոբելյան մրցնակակիր Հարալդ զուր Հաուզենի դասախոսությունը, որին մասնակցում են  կենսաբանության խորացված խմբի (11-րդ դասարան) աշակերտները  ճեմարանի ուսուցիչ կենսաբանական գիտ. թեկնածու Հասմիկ Խաչատրյանի ղեկավարությամբ:
• ՀՀ  վարչապետ Նիկոլ Փաշինյանի որոշմամբ ճեմարանի 1999 թվի շրջանավարտ Լևոն Մազմանյանը  նշանակվել է վարչապետի խորհրդական։
• Ճեմարանի չորս աշխատակից՝ Թամար Ալեքսանյան, Լիլիթ Մկրտչյան, Նարինե Քսաջիկյան, Գայանե Վարդանյան, Համաշխարհային բանկի և Կրթական ծրագրերի կենտրոնի կողմից հրավիրվում են մասնակցելու կրթական չափորոշիչների  և ծրագրերի մշակման միջազգային աշխատաժողովին:
• Աշխարհագրության ուսուցչուհի Անի Մկրտումյանին հյուրընկալում է Վիեննայի Հայ եկեղեցական միության խնամատարության ներքո գործող «Հովհաննես Շիրազ» շաբաթօրյա դպրոցը:

• Ճեմարանական պատվիրակությունը (անգլերենի  ուսուցիչ Էմմա Ռևազյան և 10 աշակերտներ՝  Լիլիթ Քրմոյան, Աննա Սահակյան, Սոնա Գրիգորյան,  Արիանա Գրիգորյան, Սամվել Անտոնյան, Նատալի Դանիելյան, Վահան Մանիսաճյան, Լեո Ավայան, Նատալի Սարդարյան, Մարկ Նազինյան) մեկնում է Մեծ Բրիտանիայի Մենսֆիլդ քաղաքի Samworth Church Academy  դպրոց՝ Մասնակցելու «Ռաունդ Սքվեր» համաշխարհային համաժողովին «Դեպի արկածներ» թեմայով (միջին դպրոցի 11-13 տարեկան սաների համար) (Young RS Conference-2019):
• Ճեմարանի ռուսաց լեզվի ուսուցչուհի Թամարա Գզիրյանը՝ որպես ՀՀ ռուսաց լեզվի ուսուցիչների ներկայացուցիչ, Յալթայում մասնակցում է միջազգային  «Великое русское слово» փառատոնին:
• ԵՊՀ-ի մեծ դահլիճում ամփոփվում են առարկայական օլիմպիադաների արդյունքները: Շիրակացու ճեմարանի աշակերտները գրանցում են հետևյալ հաջողությունները. Գրիգորյան Սերգեյ, 1-ին կարգ, ֆիզիկա, Այանյան Մարիա, 2-րդ կարգ, անգլերեն, Գրիգորյան Սյուզի, 3-րդ կարգ, հայոց լեզու և գրականություն, Ծիրունյան Վահագն, 3-րդ կարգ, ֆիզիկա, Գևորգյան Գուրգեն, գովասանագիր, մաթեմատիկա, Վարդանյան Հովհաննես, գովասանագիր, անգլերեն, Աղամալյան Լևոն, գովասանագիր, ինֆորմատիկա:
• Ճեմարանում մեկնարկում են վերապատրաստման դասընթացներ այլ կրթարանների 5-6-րդ դասարաններում դասավանդող ուսուցիչների համար: Ճեմարանի հոգեբանները, մայրենի, օտար լեզուների, մաթեմատիկայի, պատմության ուսուցիչները հունիս ամսվա  բոլոր ուրբաթ օրերին փոխներգործուն  մեթոդներով, ակտիվ ուսուցման  սկզբունքով դասախոսություններ և դասեր են վարում կրթության արդի պահանջներին համապատասխան՝ ցուցադրելով կրթահամալիրի առաջավոր և արդիական փորձը:
• Ճեմարանի  հանդիսության  սրահում ամփոփվում են 5-7-րդ դասարանցիների համար կազմակերպված ամենամյա առարկայական բաց օլիմպիադայի արդյունքները:
• Ճեմարանի  11-րդ դասարանի աշակերտ Հայկ Նալչաջյանը հաղթում է Դաշնային Գերմանիայի արտաքին գործերի նախարարության գերմաներենի դասավանդմանը խթանելու և գերմաներենից բարձր առաջադիմություն ունեցող աշակերտներին խրախուսելու նպատակով հիմնած ծրագրի մրցույթում և մեկ ամսով մեկնում է Գերմանիա (ուսուցիչ՝ Լիլյա Ղազարյան): 
• Դիպլոմային ծրագրի «Փորձարարական գիտություններ» առարկայախմբի սաները հետազոտական աշխատանք (GROUP 4 PROJECT) են կատարում Արագած լեռան շրջակայքում՝ ուսումնասիրելով բարձրադիր տեղանքի առանձնահատկությունները և դրանց ազդեցությունը մարդու օրգանիզմի վրա: Սաներն այցելում են Ա.Ի. Ալիխանյանի անվան ազգային գիտական լաբորատորիայի տիեզերական ճառագայթների «Արագած» կայան։
• Ճեմարանի սան, դաշնակահար Ալեքս Գևորգյանը Իտալիայի Կաստելնուվո դել Գարֆանիանա քաղաքում մասնակցում է միջազգային երածշտական մրցույթ-փառատոնին և արժանանում «Ամենախոստումնալից տաղանդ» մրցանակին:
• Ամփոփվում են հունիս ամսվա ուրբաթ օրերին հանրակրթական դպրոցների 5-6 դասարանում դասավանդող ուսուցիչների համար իրականացված սեմինար պարապմունքների արդյունքները: Այլ կրթարանների մասնակից ուսուցիչների ճեմարանի տնօրեն Աշոտ Ալիխանյանը հանձնում է մասնակցության հավաստագրեր, իսկ գիտամեթոդական կենտրոնի ղեկավար Թամար Ալեքսանյանը նրանց նվիրում է իր հեղինակած մենագրության մեկական օրինակ, ինչպես նաև դասընթացների նյութերի սկավառակները:
• Անգլերենի ուսուցիչ Ստելլա Սարգսյանը  մասնակցում է Մերիլենդի համալսարանի «Անգլերենը որպես օտար լեզու. դասավանդման մեթոդաբանություն» թեմայով 8-շաբաթյա առցանց դասընթացին և ստանում հավաստագիր:

• Ճեմարանի ուսուցչամանկավարժական անձնակազմը ուսումնական տարին ամփոփում է Ծաղկաձորի «Նաիրի» հանգստյան տանը: Կրթահամալիրի բոլոր կառույցները և ամբիոնները հանդես են գալիս հրապարակային հաշվետվություններով:
• Դիպլոմային ծրագրում սովորողները ՄԲ գրասենյակից ստանում են արտաքին գնահատման արդյունքները:
• Ճեմարանի հանդիսության սրահում  26-րդ  շրջանավարտներն ստանում են  ավարտական վկայականները:
• Ճեմարանի քիմիայի ուսուցչուհի, քիմիական գիտությունների թեկնածու Սոֆյա Այդինյանը Փարիզում  Մենդելևյան  աղյուսակի 100-ամյակի առթիվ ստանում է Օգանեզիումի մրցանակ:
• Ճեմարանի մնջախաղի «Գավաթ» թատրոնը (ղեկավար՝ Իլոնա Հովասափյան) Վրաստանի  Բաթումի քաղաքում «ԿՈՄԻՏԱՍ» բեմադությամբ  մասնակցում է  ազգագրական 23-րդ  փառատոնին   (International   Folk Festival)  և գրավում առաջին պատվավոր տեղը: 

7-րդ համահայկական խաղերի ընթացքում Երևանի հավաքական թիմում ընդգրկված Օլիմպավանի մարզիկ և ճեմարանական սան Սյուզաննա Գրիգորյանը անհատական պայքարում դառնում է 2 բրոնզե մեդալակիր և Երևանի աղջիկների թիմի հետ հաղթում է 4*50 մ. ազատ ոճ, 4*100 մ. ազատ ոճ փոխանցալողում, 4*100 մ. փոխանցալողում` սահանելով ՀՀ նոր ռեկորդ:
 

• «Իմ Սարյանը» խորագրով համահայկական IX մանկապատանեկան նկարչական մրցույթ-փառատոնի արդյունքներն են ամփոփվում. ճեմարանի 3 աշակերտներ Աբրահամյան Մարիա  (281 խ.), Թորոսյան Նարե (454 խ.), Առաքելյան Անահիտ (451 խ.)  հաղթում են մրցույթում, և նրանց աշխատանքների բնօրինակները հոկտեմբեր ամսին կայանալիք ամփոփիչ ցուցահանդեսին են ցուցադրվելու, ինչպես նաև տեղ են գտնելու հրատարակվող  հուշանվեր – պատկերագրքում:
• Անդորրայում Հայաստանի՝ մինչև 18 տարեկան կանանց ազգային բասկետբոլի թիմը դառնում է FIBA Եվրոպայի դիվիզիոնի C միցաշարի չեմպիոն: Ճեմարանի սան, ՄԲ դիպլոմային ծրագրի շրջանավարտ, Եվրոպայի երկակի չեմպիոն  Տաթև Գոմցյանը թիմի կազմում էր և իր կարևոր  ներդրումով ապահովում է հաղթանակը:  
• Ճեմարանում անցկացվում են ռազմամարզական խաղեր:
• Շիրակացու ճեմարանում պաշտոնապես բացվում է շարունակական կրթության և սերտիֆիկացման տարածաշրջանային կենտրոնը, որը նախատեսված է սառնարանամատակարարման և օդորակման ոլորտում տեխնիկական և ինժեներական անձնակազմի վերապատրաստման համար: Կենտրոնի բացմանը ներկա էին ՀՀ շրջակա իջավայրի նախարար Էրիկ Գրիգորյանը, ՌԴ բնական պաշարների և էկոլոգիայի փոխնախարար Սերգեյ Յաստրեբովը և այլ բաձրաստիճան հյուրեր ՀՀ-ից, ԱՊՀ երկրներից և Եվրոպայից:
• ՄԱԿ-ի «Խաղաղության մեկ օր» 20-ամյակի միջոցառումների շրջանակում ԿԳՄՍՆ հայտարարած լուսանկարների մրցույթի հաղթող է ճանաչվում Շիրակացու ճեմարանը: Լուսանկարն ուղարկվում է ՄԱԿ, մասնակից 193 երկրների շարքում Հայաստանը հանդես է գալիս ճեմարանի միջոցով:
• Շիրակացու ճեմարանի ավագ դպրոցի հեղինակային և Դիպլոմային ծրագրերի գիտության առարկաներից խորացված ուսուցում անցնող սաներն այցելում են Երևանի պետական համալսարան: ԵՊՀ 100-ամյակին նվիրված միջոցառումների շրջանակում, ինչպես նաև ֆիզիկայի ֆակուլտետի հոբելյանական 60-ամյակի առթիվ արտասահմանից ժամանած մասնագետների կողմից իրականացվող սեմինարներին զուգահեռ ԵՊՀ բակում տեղակայված տաղավարներում գիտությամբ հետաքրքվող յուրաքանչյուր ոք  հետևում էր տարբեր գիտափորձերի:
• Ֆիզիկայի ուսուցչուհի Անուշ Դանիելյանը Ֆրանսիայի Լորանի համալսարանի հետ իրականացնում և պաշտպանում է «Մետաղի իոններով լեգիրված լիրիումի նիոբատ բյուրեղի ֆոտոռեֆրակտիվ և էլկտրաօպտիկական հատկությունները» թեմայով գիտական թեզ:
• Գերմանիայի Ֆրանկֆուրտ քաղաքում կրթահամալիրի ավագ դպրոցի տնօրեն, միջազգային հարցերով տնօրենի տեղակալ, Միջազգային բակալավրիատի խորհրդատու Տաթևիկ Նալբանդյանը մասնակցում է ՄԲ գրասենյակի կազմակերպած սեմինարներին, որտեղ նա դառնում է ՄԲ ուսուցիչներ վերապատրաստող փորձագետ:

• Ճեմարանը հյուրընկալում է Ավստրալիայի Գոլսթոն ազգային ճեմարանի սաներին, որոնց  ուղեկցում էին տնօրենը և  հայոց լեզվի և գրականության ուսուցչուհին: 
• Ճեմարանի օտար լեզուների ամբիոնի ղեկավար Արմինե Գևորգյանը մասնակցում է Արաբական Էմիրությունների արքայազնի կողմից անցկացվող Qudwa 2019  կրթական ֆորումին որպես նույն ֆորումի 2017թ. –ի հաղթող մասնակից: Կոնֆերանսի թեման էր՝ «Դասավանդելով 4 գլոբալ հմտությունները»: Արմինե Գևորգյանը հանդես է գալիս մոտիվացիայի վերաբերյալ զեկուցումով և տեղի հեռուստաընկերության կողմից հրավիրվում  է հարցազրույցի:
• Ճեմարանի պատվիրակությունը՝ ի դեմս տնօրեն Աշոտ Ալիխանյանի, ՌՍ ներկայացուցիչ Իլոնա Հովասափյանի և 5 սաների՝ Նարեկ Մարության (1001 խումբ), Արինե Խանլարի (1001 խումբ), Մարիամ Խոջոյան (1191 խումբ), Օֆելյա Ստեփանյան (1282 խումբ), Արփի Սեդրակյան (1285 խումբ), մեկնում է  Հնդկաստան՝ մասնակցելու Ինդաուր քաղաքի The Emerald Heights International դպրոց  «Ռաունդ Սքվեր- 2019» միջազգային համաժողովին (RSIC-2019):
• Ճեմարանի ուսուցչամանկավարժական և սպասարկող անձնակազմը Ծաղկաձորի «Ալպինա» հյուրանոցում հանգստանում և նշում է Ուսուցչի տոնը:
• Կարեն Դեմիրճյանի անվան մ/հ համալիրի հարակից տարածքում կրտսեր դպրոցի սաների մասնակցությամբ   անցկացվում է սպորտային մարաթոն՝ նվիրված մեր մայրաքաղաքի՝ Էրեբունի-Երևանի 2081 ամյակին: ՀՀ  ԿԳՄՍ նախարարության կրթական ծրագրերի կենտրոնի (ԾԻԳ) «Կրթության բարելավում» ծրագրի շրջանակում  հայտարարված մրցույթում հաղթում են ճեմարանի աշխատակիցներ  Թամար Ալեքսանյանը  (գիտամեթոդական կենտրոնի ղեկավար) և Լիլիթ Մկրտչյանը (հասարակական գիտությունների ամբիոնի ղեկավար): Թամար Ալեքսանյանը ղեկավարում  է հայոց լեզվի, գրականության, իսկ Լիլիթ Մկրտչյանը հասարակագիտական առարկաների հանրակրթական չափորոշիչների և ծրագրերի վերանայման հանձնախմբերի աշխատանքները: 
• Որպես «Դասավանդի՛ր, Հայաստան» ծրագրի շրջանավարտ՝ ճեմարանի  օտար լեզուների ամբիոնի ղեկավար Արմինե Գևորգյանը  մասնակցում է «Կրթություն բոլորի համար» համաշխարհային ցանցի համընդհանուր աշխատաժողովին, որն այս տարի անցկացվում էր Երևանում: Թեման էր՝«Ինչպես պատրաստել աշակերտներին՝ կերտելու հարափոփոխ  աշխարհը»:
• Դիպլոմային ծրագրի «Գրականություն», «Իմացության տեսություն», «Հայրենագիտություն» առարկաների և CAS արտաուսումնական նախագծերի շրջանակում ԴԾ 1-ին և 2-րդ խմբերի սաներն այցելում են Գյումրի՝ ծանոթանալու քաղաքի պատմությանը, ճարտարապետությանը և միջավայրին՝ արդյունքում վերլուծելու դրանց համալիր ազդեցությունը գրող, ծնունդով գյումրեցի Ավետիք Իսահակյանի ստեղծագործության վրա:
• Աշնանային արձակուրդի օրերին՝ հոկտեմբերի 28-31-ը  ճեմարանում գիտամեթոդական և հոգեբանական կենտրոնների նախաձեռնությամբ մեկնարկում է հանրակրթական դպրոցների 5-9-րդ դասարաններում պարապող ուսուցիչների համար նախատեսված վերապատրատումների հերթական փուլը՝ «Սովորենք միասին, սովորենք միմյանցից» նշանաբանով:
• Ճեմարանի օտար լեզուների ամբիոնի ղեկավար Արմինե Գևորգյանը մասնակցում է Արցախի 30-նոյեմբերի 1 կրթական առաջին ֆորումին որպես սեմինարավար և կազմակերպչական խմբի անդամ: Ֆորումն իր տեսակով առաջինն էր Արցախի հանրապետության համար, որի պատասխանատվությունը ստանձնել էր «Դասավանդի՛ր, Հայաստան» ծրագիրը:

• Ճեմարանի սան դաշնակահար, երգահան Ալեքս Գևորգյանը մասնակցում է «Մոցարտ» միջազգային մրցույթին և գրավում 1-ի տեղը:
• ՌԴ Պերմ քաղաքում անցկացվում է «Խոտհունձքի շրջանի զվարճանքները» խորագրով միջազգային նկարչական մրցույթ՝ նվիրված Ալեքսանդր Պուշկինի 220-ամյակին: Մրցույթին ներկայացվում են  540 աշխատանքներ 6 երկրներից (Սերբիա, Ռուսաստան, Ուկրաինա, Աբխազիա, Բելառուս, Աբխազիա, Հայաստան): Հաղթող են ճանաչվել 59 մասնակից, որից 6-ը Շիրակացու ճեմարանի սաներն են՝ Աստղիկ Բադալյան, Նանե Մելքումյան, Մարիա Սուքիասյան, Միլա Սուքիասյան, Մելինե Տերտերյան, Անի Շահոյան, նրանց ղեկավարն է  կերպարվեստի ուսուցիչ Արաքսյա Անանյանը:
• Կրտսեր դպրոցը անցյալ ուստարվա սաների նկարների բարեգործական ցուցահանդես-վաճառքից ձեռք բերված գումարից հատկացնում է «Ծաղկելու արվեստ» ծրագրի մասնակիցներից Սուրեն Հայրապետյանին և նրան նվիրում մանրանկարչության, զարդարվեստի վերաբերյալ գրքեր, որոնք կօգնեն առավել խորությամբ ուսումնասիրելու մանրանկարչության արվեստը:
• Ճեմարան են այցելում ԱՄՆ-ի լավագույն համալսարանների ներկայացուցիչները, հանդիպում են աշակերտների հետ և ներկայացնում են իրենց բուհի կրթական համակարգը:
• ԿԳՄՍ նախարարությունը և Մեդիա նախաձեռնությունների կենտրոնը   Հայաստանի բոլոր  դպրոցներում հայտարարում են Մեդիագրագիտության կրթական շաբաթ, որին կտիվորեն մասնակցում է նաև ճեմարանը՝ «Ես մեդիագրագետ եմ» նշանաբանով:
• Հասարակագիտության առարկաների շրջանակում կազմակերպվում են  թեմատիկ հատուկ դասեր, հանդիպումներ  մեդիա ոլորտի ներկայացուցիչների, լրագրողների, փորձագետների հետ:  Հյուրերի կազմում էին  Անի Հովհաննիսյանը («Հետք»-ի լրագրող), Լևոն Ազրոյանը (լրագրող, Ճեմարանի նախկին  աշխատակից), Սաթիկ Սեյրանյանը (Ժուռնալիստների միության նախագահ), Լուսինե Գրիգորյանը (մեդագրագիտության փորձագետ, կրթական շաբաթի նախաձեռնող), Սամվել Մարտիրոսյանը (մեդիափորձագետ):
• Ճեմարանի և Դիջիթեյն կազմակերպության համագործակցության շրջանակում ավագ դպրոցի սաները ներկայացնում են  երեք նախագիծ, ժյուրին ընտրում է միայն մեկը՝ Book board նախագիծը ՝ համատեղ փոխօգնությամբ կյանքի կոչելու համար: Mute.it-ը տեխնիկական միջոցների օգտագործումը կանոնակարգելուն էր միտված, Safe trip-ը Ճեմարանի տրանսպորտային միջոցներում առցանց ներկա-բացական ստուգելուն , Book board-ը՝ գրադարանից գրքերի առցանց բաժանորդագրությանը:
• Ճեմարանի վերապատրաստման դասընթացներին մասնակից, Հրազդան քաղաքի թիվ 8 հիմնական դպրոցի հայոց լեզվի և գրականության ուսուցիչ Էլմիրա Հարությունյանը իրենց դպրոցի 6-րդ դասարանում մայրենիից վարպետության դաս է վարում՝ ստեղծագործաբար կիրառելով այն մեթոդները և հնարները, որոնք նա սովորել է ճեմարանի աշնանային դասընթացում: Դասին   ներկա էին ճեմարանի գիտամեթոդական կենտրոնի ղեկավար ԹամարԱլեքսանյանը, ավագ դպրոցի հեղինակային ծրագրի համակարգող Անի Պապոյանը, մայրենիի ուսուցչուի  Սիլվա  Ալլահվերդյանը, ինչպես նաև ուսուցիչներ Երևանից, Հրազդան քաղաքի այլ դպրոցներից:
• Շիրակացու ճեմարանում անցկացվում է 3D մոդելավորման և մուլտիմեդիա հմտությունների զարգացման վարպետության անվճար դասընթաց  14-19-ը տարեկան սաների և շրջանավարտների համար:
• Երևանայան գրքի տոնի շրջանակում ճեմարանի հայոց լեզվի և գրականության ուսուցչուհի, բանաստեղծուհի, Գրողների միության անդամ Ռուզաննա Ոսկանյանի «Ոչ քո մասին» բանաստեղծությունների գրքի շնորհանդեսն է տեղի ունենում Հայ բարեգործական միության շենքում: Ճեմարանի  աշակերտները՝ Ռուզաննա Ոսկանյանի սաները, մասնակցում են շնորհանդեսին  և հանդիսատեսի համար կարդում են իրենց ուսուցչուհու բանաստեղծությունները:
• Ճեմարանի գրադարանում արևմտահայերենով Թեքեյանին նվիրված դաս է վարում Ճեմարանի ուսուցիչ բ.գ.թ. Արտուշ Մկրտումյանն իր սփյուռքահայ սաների և 12-րդ դասարանի   աշակերտների մասնակցությամբ: Առիթը՝ Վահան Թեքեյանի նորահրատարակ բանաստեղծությունների հատորյակն էր, որը նվիրել էր Թեքեյան կենտրոնը: «Հաջողության բանաձև» հեռուստատեսային հաղորդման հեղինակային խումբը նկարահանումներ է անում և հարցազրույց է վարում Արտուշ Մկրտումյանի հետ:
• Շիրակացու ճեմարանի զարգացման հիմնադրամի նախաձեռնությամբ սաները, շրջանավարտները, ուսուցիչները և մանկավարժները հանդիպում են ճեմարանի՝ 2004 թվականի շրջանավարտ, նյարդավիրաբույժ Դավիթ Սահակյանի հետ, որը պատմում է իր կյանքի, հանդիպած դժվարությունների և դրանց հաղթահարման մասին:

• Արվեստի ամբիոնը (ղեկավար՝ Դավիթ Պետրոսյան) կազմակերպում և անցկացնում է միջոցառումների, դասերի շարք՝ նվիրված «Առասպելներ անմահացնող»-ի՝ քանդակագործ Կառլեն Նուրիջանյանի 90-ամյակին: Կազմակերպվում են «Հայոց առասպելներ» խորագրով սպորտային խաղեր. բազկամարտ՝ նվիրված Վահագն վիշապաքաղին, տեգախաղ՝ նվիրված Հայկ նահապետին, նետում՝ նվիրված Տորք Անգեղին, ապա՝ դաս-շաբաթօրյակ Տորք Անգեղի հուշարձանի հարակից տարածքում և որպես ամփոփում՝ Կ. Նուրիջանյանի 90-ամյակին նվիրված տողան՝ ներկայացում և «Ցեղաշունչ քանդակագործը» եզակի ֆիլմի դիտում (ռեժ.՝ Գոռ Ղազարյան):
• Կրտսեր դպրոցում անցկացվում է շախմատի աշխարհի չեմպիոն Տիգրան Պետրոսյանի 90-ամյակին նվիրված հուշամրցաշար (կազմակերպիչներ՝ գեղխորհուրդ, շախմատի ուսուցիչ Նելլի Փիլոսյան):
• Ավագ դպրոցի աշակերտների հրավերով ճեմարան է այցելում Քաղաքացիական ավիացիայի կոմիտեի նախագահ Տաթևիկ Ռևազյանը, որը պատմում է իր անցած ուղու, մարտահրավերները հաղթահարելու և չհանձնվելու կարևոր սկզբունքների մասին և խորհուրդ տալիս. «Երբեք չվախենաք  անել առաջին քայլը, երբեք չհիասթափվեք ու միշտ գնացեք ձեր երազանքի հետքերով»:
• Ճեմարանը հյուրընկալում է Դիլիջանի միջազգային դպրոցի ներկայացուցիչներին:
• Ավագ դպրոցի սաների համար հատուկ դաս է վարում ՄԱԿ-ի Զարգացման հիմնադրամի Աղետների վտանգի նվազեցման ծրագրերի համակարգող Արմեն Չիլինգարյանը: Դասը նվիրված էր 1988 թ. Սպիտակի երկրաշարժի տարելիցին: 
• Ճեմարանի զարգացման հիմնադրամի նախաձեռնությամբ սաները, շրջանավարտները, ուսուցիչները հանդիպում են 2004 թվականի շրջանավարտ, բիոֆիզիկոս, տվյալների մշակման փորձագետ Գոռ Հայրապետյանի հետ:
• Միջին դպրոցի սաները հյուրընկալում են  ՀՀ ԱՆ անձնական տվյալների պաշտպանության գործակալության պետ Գևորգ Հայրապետյանին, որը աշակերտներին ներկայացնում է անձնական տվյալների պաշտպանության հետ կապված հիմնական խնդիրները, պահանջները և անձնական տվյալների օգտագործման ճիշտ «հիգիենայի» կանոններն ու անհրաժեշտ քայլերը:
• Ավագ դպրոցի սաները հյուրընկալում են նշանավոր լրագրող Մարկ Գրիգորյանին:
• Խնկո Ապոր անվան ազգային մանկական գրադարանում տեղի է ունենում մանկագիրների և նկարազարդողների մրցույթի եզրափակիչ մրցանակաբաշխությունը, որի ընթացքում Շիրակացու ճեմարանի կրտսեր դպրոցի ուսուցչուհի Աննա Ասլանյանն իր հեղինակած «Գագիկն ընկել է իր երազների գիրկը» ինտերակտիվ հեքիաթի (հերոսի կերպարում մարմնավորել է ավագ որդուն) արժանանում է ՀՀ նախագահի տիկին Նունե Սարգսյանի հատուկ մրցանակին և նվեր ստանում համակարգիչ: Առաջին տիկինը հրավիրում է նաև մեր ուսուցչուհուն վարելու վարպետության դասեր մանկագիրների և ուսուցիչների համար: 
• Ճեմարանում մեկնարկում է Հայրենական մեծ պատերազմի հաղթանակի 75-ամյակին նվիրված միջոցառումների շարքը, որը ամփոփվելու է  2020 թվականի  մայիսի 9-ին: Մեկնարկի օրը նշանավորվում է պատմության և գրականության միացյալ դասով (ուսուցիչներ՝ Հայկ Բալասանյան, Ռուզաննա Ոսկանյան), միջին դպրոցի նախասրահում «Իմ հերոսը» հիշատակի պատի բացումով, անգլերենի և ռուսերենի  դասերին՝ բանաստեղծությունների և արձակ երկերի թարգմանություններով: 
• Ավագ դպրոցի սաները հանդիպում են Մոսկվայի պոլիտեխնիկական ինստիտուտի ՏՏ ֆակուլտետի դեկանի հետ:
• Ճեմարանի թատերական ստուդիան (ղեկավար՝ Գարիկ Ղազարյան) հանդիսատեսի դատին է ներկայացնում Հովհ. Թումանյանի «Անբան Հուռին» հեքիաթի բեմականացումը՝ նվիրված Ամենայն հայոց բանաստեղծի 150-ամյակին:
• Միջին դպրոցի 826 և նախորդ տարվա 905 խմբերը «Դարձի՛ր ամանորյա հրաշագործ, պարգևի՛ր ժպիտ…» բարեգործական ծրագրի շրջանակում այցելում են աուտիզմի ազգային կենտրոն: Սաները բարեգործական վաճառքից ստացված հասույթի և ծնողների ներդրումներով կենտրոնի երեխաների համար գնել էին գրենական պիտույքներ և քաղցրավենիք: Յուրաքանչյուրի համար պատրաստել էին Ամանորի անհատական նվերի տոպրակ: Ճեմարանականները հանդես են գալիս նաև փոքրիկ համերգային ծրագրով: 
• Ճեմարանի հանդիսության սրահում Երևանի լսողության խանգարում ունեցող երեխաների գիշերօթիկ դպրոցի աշակերտները ներկայանում են հաշվետու համերգով և ձեռքի աշխատանքների և գեղանկարների ցուցադրությամբ: Սա այս դպրոցի հետ ճեմարանի համագործակցության արտահայտություններից մեկն է:
• ATV հեռուստաընկերության առավոտյան ծրագրի հյուրերն են Շիրակացու ճեմարանի աշակերտները՝ Անի Սաղաթելյանը (4-րդ դաս.), Էլեն Թադևոսյանը (9-րդ դաս.), Մարի Խուդավերդյանը (9-րդ դաս.), Զարուհի Սահակյանը (11-րդ դաս.), որոնք պատմում են ճեմարանականների իրականացրած համայքային և բարեգործական ծրագրերի մասին:
• Երևանի Չայկովսկու անվան երաժշտական դպրոցում տեղի է ունենում Շիրակացու ճեմարանի հինգերորդ դասարանի (555 խումբ) սան՝ «Մոցարտ» միջազգային մրցույթ-փառատոնի հաղթող Ալեքս Գևորգյանի հաշվետու համերգը։
• Հովհաննես Թումանյանի տուն-թանգարանում ամփոփվում է դեռևս ապրիլին մեկնարկած «Թումանյանական աշուն» նախագիծը, որին մասնակցում են նաև ճեմարանի միջին դպրոցի աշակերտները: Մրցանակաբաշխության արդյունքում 914 խմբի սան Նատալի Մինասյանը  «Հետաքրքիր մտածող» անվանակարգում «Օրագրություն Թումանյանի տանը» աշխատանքի համար գրավում է 1-ին տեղը, իսկ 822 խմբի սան Պոլինա Տոնոյանը «Հետաքրքիր էկսկուրսավար» անվանակարգում անգլերեն լեզվով Թումանյանի թանգարանում էկսկուրսիա անցկացնելու համար գրավում է 3-րդ տեղը:
• Ծնողական թատրոնը ամանորյա նվեր է մատուցում կրտսեր դպրոցականներին. ճեմարանի հանդիսության դահլիճում տեղի է ունենում Ամանորին նվիրված ներկայացում:
• Դերասանական կազմը ճեմարանական ծնողներն են, բեմագրի հեղինակը և բեմադրիչը կրտսեր դպրոցի գեղարվեստական մասի ղեկավար Ռուզաննա Մկրտչյանն է, բեմի ձևավորումն իրականացրել է կերպարվեստի ուսուցիչ Անուշ Ավետիսյանը, պարերի բեմադրությունը՝ պարուսույց Աիդա Հովհաննիսյանի:
• «Արմենիա» հեռուստածրագրի «Բարի լույս» հաղորդման հյուրերն են Շիրակացու ճեմարանի միջին դպրոցի աշակերտական խորհրդի անդամները՝ Էլեն Թադևոսյանը, Մարի Խուդավերդյանը, Բորիս Պետրոսյանը, Էլեն Գրիգորյանը: Նրանք պատմում են աշակերտների իրականացրած «Դարձի՛ր հրաշագործ, պարգևի՛ր ժպիտ» բարեգործական նախաձեռնության մասին:
• Միջին դպրոցի 823, 824, 826 «Դարձիր ամանորյա հրաշագործ, պարգևիր ժպիտ…» բարեգործական ծրագրի շրջանակում այցելում են Աբովյանի «Նարեկ» ծերանոց: Սաները  բարեգործական վաճառքից ստացված հասույթի և ծնողների ներդրումներով տարեցների համար գնել են տաք շալեր, հողաթափեր, գուլպաներ, անկողնային պարագաներ (սպիտակեղեն) և քաղցրավենիք և յուրաքանչյուրի համար պատրաստել են ամանորյա անհատական նվերի տոպրակ: Ճեմարանականները տարեցներին ուրախացնում են նաև իրենց երգ ու պարով:
• «Դարձի՛ր ամանորյա հրաշագործ, պարգևի՛ր ժպիտ…» ծառայության ծրագրի շրջանակում 914 և 915 խմբերի սաներն այցելում են Ճամբարակի երկու անապահով ընտանիքի՝ որոշելով լինել այն մարդկանց կողքին «որոնք իրենց կյանքն են նվիրել և այժմ ամեն օր պայքար են մղում հանուն մեր բոլորի, հանուն մեր երկրի անվտանգության»: Ճեմարանականները ընտանիքներին մատուցեցին ողջ համայնքի կողմից հավաքված նվերները, հագուստ, սնունդ, կենցաղային անհրաժեշտ պարագաներ: 
• Ճեմարանական մեծ ընտանիքը հանդիսության սրահում  ամփոփում է 2019 թվականը. նշվում են ձեռքբերումները, հաղթանակները, ինչպես նաև անձնակազմի անդամների հոբելյանները: