Ճեմարանի պատվիրակությունը` ի դեմս տնօրեն Աշոտ Ալիխանյանի և ՌՍ ներկայացուցիչ Դիանա Մուրադովայի Հնդկաստանի Al Ghubra Muskat դպրում մասնակցում է «Ռաունդ Սքվեր» միջազգային դպրոցների համաշխարհային ասոցիացիայի Հարավային Ասիա և Գալֆ  տարածաշրջանային համաժողովին (AGM of  South Asia & Gulf Region- 2013): Մարրոկոյից Հնդկաստան թռչելու ճանապարհին երկու օրով այցելում են Իտալիա՝ Հռոմ, և ՀՀ-ում   Իտալիայի դեսպանի առաջարկով այցելում են Հռոմի Լիչեո Կաետանի /Liceo Kaetani/ դպրոց, որի տնօրենն էր Նարդո Նարդոնին:
 

Ճեմարանն առաջին անգամ մասնակցում է «ՄԱԿ-ի մոդել (MISMUN) 2013» համաժողովին լմաթիի «Միրաս» միջազգային դպրոցում. Ճեմարանի սան Արման Գրիգորյանը ներկայացնում է Անգոլան։

• Ղազախստանի Աստանա քաղաքի «Միրաս» Միջազգային դպրոցի (MYP) համակարգող Անատոլի Կուզնեցովը խորհրդատվական այցով հյուրընկալվում է Ճեմարանում:
• Ճեմարանի միջին և ավագ դպրոցներում անցկացվում  է Ֆրանկոֆոնիայի միամսյակ:

• Ճեմարանում հանդիսավոր պայմաններում բացվում է  հացատունը, տեղի է ունենում շնորհանդես:
• 12-րդ դասարանի աշակերտ Մարկ Փափազյանն ընդունվում է ԱՄՆ-ի Հարվարդի համալսարան: 
• Ճեմարանի սաները մասնակցում են «ԵՊՀ օլիմպիադա 2013»-ին՝ ձեռք բերելով առաջին և երկրորդ կարգի մեկական, երրորդ կարգի հինգ դիպլոմ և մեկ գովասանագիր:
• Միջազգային բակալավրիատի Կրտսեր դպրոցի ծրագրի ավարտին 4-րդ դասարանցիների մասնակցությամբ իրականացվում է ստուգատես:
• ԱՊՀ երկրների՝ Միջազգային բակալավրիատի դպրոցների ասոցիացիայի կազմակերպած «ՄԲ-ի (IB) առաքելությունը և միջմշակութային ընկալման դաստիարակություն» թեմայով սեմինարին մասնակցում են տնօրեն Աշոտ Ալիխանյանը և միջին դպրոցի տնօրեն Թեհմինե Տոնոյանը:
• Ռուսաց լեզվի և գրականության ամբիոնի վարիչ Էլինա Շաքարյանը հաղթում է ՀՀ կրթության և գիտության նախարարության, ՀՀ-ում Ռուսաստանի Դաշնության դեսպանության, Հայաստանում «Ռուսաց լեզվի ուսումնամեթոդական Ռուսաստանյան կենտրոնի» կազմակերպված Հայաստանի ռուսաց լեզվի և գրականության ուսուցիչների մրցույթում և ճանաչվում է լավագույն ուսուցիչ:
• Առաջին անգամ «Կանաչ մոլորակ» բնապահպանական միջազգային մրցույթի  կազմակերպիչը Անանիա Շիրակացու անվան ճեմարանն է. Մեկնարկում է Հայաստանյան փուլը:
• Համացանցի կառավարման ICANN և համաեվրոպական  ENASCO միջազգային կազմակերպությունների հայտարարած «Անվտանգ համացանց» մանկական առաջին մրցույթում հաղթող է ճանաչվում  Անանիա Շիրակացու անվան ճեմարանը: Պատվիրակներն ընտրված էին  10  երկրներից.  եվրոպական    տարածաշրջանը ներկայացնում է Հայաստանը՝  ի դեմս Անանիա Շիրակացու ճեմարանի: Ճեմարանի սաներ Արման Ծիրունյանը և Եվա Մուսայելյանը անգլերենի ուսուցչուհի Լիլի Սարոյանի  ուղեկցությամբ Պեկինում մասնակցում են  ICANN-ի (Internet Corporation for Assigned Names  and Numbers) առաջին մանկական  ֆորումին: 
• Միջազգային բակալավրիատի կրտսեր դպրոցի ծրագրի՝ «Որտե՞ղ ենք մենք ժամանակի և տարածության մեջ» միջառարկայական թեմայով առաջին ստուգատեսն է անցկացվում։

• Ճեմարանի քսաներորդ տարվա շրջանավարտների «Վերջին զանգի» արարողությունն է կատարվում Ստանիսլավսկու անվան ռուսական դրամատիկական թատրոնում:
•  ՀՀ-ում Իտալիայի արտակարգ և լիազոր դեսպան Բրունո Սկապինին այցելում է  ճեմարան:
• «Ճեմարանականների միություն» հասարակական կազմակերպության նախաձեռնությամբ ճեմարանի 1995 թվականի շրջանավարտների կողմից վերանորոգած դասասենյակն է  բացվում:
• «Շիրակացու օրեր» ավանդական փառատոնի հանդիսավոր փակումն է տեղի ունենում  հանդիսությունների դահլիճում:
• Միջազգային բակալավրիատի գրասենյակի  նախահավաստագրման խումբը ստուգայց է կատարում  կրտսեր դպրոցում:
• Միջազգային բակալավրիատի կազմակերպությունը կրտսեր դպրոցը հավաստագրում է՝ իրականացնելու Միջազգային բակալավրիատի կրտսեր դպրոցի ծրագիրը (IB PYP):
   

• 2012-2013  ուստարվա ոսկե  մեդալակիր է դառնում Դիանա Ոսկանյանը:
• Անանիա Շիրակացու ծննդյան 1400-ամյակի կապակցությամբ Լիլիթ Նազարյանի «Անանիա Շիրակացի» աշխատության լրամշակված տարբերակն է  վերահրատարակվում:
• Ճեմարանում կազմակերպված հանրապետական առարկայական բաց օլիմպիադայի փակումը:
• «Համազգային վստահություն» խորհրդի գնահատմամբ Շիրակացու ճեմարանի կրտսեր դպրոցը «Միջազգային չափանիշներին համապատասխան կրթության որակ ապահովելու համար» անվանակարգում 2013 թվականին ճանաչվում է լավագույնը Հայաստանում և արժանանում պատվոգրի: 
• Կրտսեր դպրոցի երրորդ հարկի շինարարական աշխատանքներն են  մեկնարկում։

• Համաշխարհային անկախ երիտասարդական միավորման ծրագրի շրջանակներում ճեմարանի սաներ Արփինե Մելքոնյանը, Ազա Գևորգյանը և Էդմոնդ Դավթյանը յոթ օրով մեկնում են Պորտուգալիա:
• ՏՏ ոլորտում ՀՀ նախագահի հատուկ մրցանակին են արժանանում ճեմարանականներ Տաթևիկ Մկրտչյանը և Էվելինա Խանոյանը:

• Կրտսեր դպրոցի ուսուցիչների համար ՄԴ-ի մասնագետի՝ Դոն Ռութլանդի ղեկավարությամբ «Գնահատումը PYP-ում» թեմայով ներդպրոցական վերապատրաստման սեմինար է անցկացվում:
• Հայաստանում Ամերիկյան համալսարանի և ճեմարանի համագործակցության շրջանակներում Արփի Բալյանը  9-ժամյա սեմինար է անցկացնում՝ ճեմարանում անգլերենի դասավանդումը որակական նոր մակարդակի հասցնելու նպատակով:
• Հիմնովին նորոգվում են կրթահամալիրի 2-րդ մասնաշենքի հարթ տանիքը, ճաշասրահը, խոհանոցը, ձեռք են բերվում նոր գույք, խոհանոցային սարքավորումներ, օդափոխության և ջեռուցման համակարգեր:
• Տնօրեն Աշոտ Ալիխանյանի հրամանով սահմանվում է ևս մեկ անվանական կրթաթոշակ լեգենդար հետախույզ, Խորհրդային Միության հերոս Գևորգ Վարդանյանի անունով: Այս կրթաթոշակին արժանացած առաջին սաների անունները՝ Ազա Գևորգյան, Տաթևիկ Մկրտչյան, Նարեկ Սարգսյան և Կարեն Քրմոյան, հայտարարվում են «Վերջին զանգի» արարողության ժամանակ:

• Ուսումնական նոր տարվա մեկնարկի և «Գիտելիքի օրվա» կապակցությամբ ՀՀ պաշտպանության նախարար Սեյրան Օհանյանն այցելում է  Երևանի Անանիա Շիրակացու անվան ճեմարան:
• Ճեմարանն իր վստահությունն է հայտնում Նոր դարերի պատմության 8-րդ դասարանի դասագրքին, որի համահեղինակներից է պատմության ամբիոնի ուսուցիչ Արմինե Նարիմանյանը:
• Հասարակագիտության ուսուցչուհի Գայանե Վարդանյանը վերապատրաստվում է ԱՄՆ-ում. ճեմարանի ուսուցիչների համար կազմակերպում է սեմինար-հանդիպումներ՝ ցուցադրելով մեթոդական նոր հնարներ:

• Կրտսեր դպրոցի 15-ամյակին նվիրված միջոցառումների մեկնարկը տրվում է Ազատության հրապարակում  ցուցադրված պարով՝ ԿԴ 300 սաների և աշխատակիցների մասնակցությամբ:
• Ծեմարանի միջին դպրոցի ՄԴԾ (MYP)  համակարգող Մարինե Հովսեփյանը Դուբայի  Թալիմ դպրոցում  մասնակցում է Միջազգային բակալավրիատի կազմակերպած «MYP ծրագրի ներդրումը» թեմայով սեմինարին:  
• Պատմության ուսուցիչ, պատմական գիտությունների թեկնածու Լիլիթ Մկրտչյանը, Գերմանիայում հայ-ադրբեջանական հարաբերությունների կարգավորմանը նվիրված կոնֆերանսից վերադառնալով, ՏՀՏ կենտրոնում ճեմարանի ուսուցիչների համար կազմակերպված սեմինարում  ներկայացնում է իր ձեռքբերումները:
• Կենսաբանության ուսուցչուհի, կենսաբանության գիտությունների թեկնածու Հասմիկ Խաչատրյանը և 7-րդ դասարանի սանուհի Մարի Սարգսյանը մեկնում են Աստրախան՝ մասնակցելու «Կանաչ մոլորակ» մրցույթի միջազգային փուլին:
• «Կանաչ մոլորակ» միջազգային մրցույթում «Կանաչ մոլորակը երեխաների աչքերով» անվանակարգում ճեմարանի սաներ Նիկոլետտա Դարբինյանը, Անի Ալեքսանյանը, Յանա Զաքարյանցը ստանում են հաղթողի դիպլոմներ: 
• «Դարավոր ավանդույթների բազմազանություն» անվանակարգում դափնեկիր է դառնում ճեմարանի  սաների կոլեկտիվ աշխատանքը: «Բնություն. մշակույթ. բնապահպանություն» անվանակարգում ճեմարանի 7-րդ դասարանի սաներ Մարի Սարգսյանը, Հռիփսիմե Հակոբյանը, Անի Ալեքսանյանը, Ինեսա Բազիկյանը, Լիլի Հովասափյանը, Քրիստ Սամուելը, Ռուբեն Մովսիսյանը, Արթուր Գասպարյանը և նրանց կոլեկտիվ աշխատանքը՝ «Սապատավոր աղջիկը» հեքիաթի մոտիվներով ստեղծված բեմադրությունն արժանանում են դափնեկրի դիպլոմների: «Անտառի կյանքը և մարդկանց ճակատագրերը» անվանակարգում մրցանակների են արժանանում Էրիկ և Զառա Անանյանները:
• «Նռան հատիկ» հանրապետական մանկապատանեկան թատերական 13-րդ փառատոնն է մեկնարկում ճեմարանի դահլիճում կրթօջախի թատերախմբի բեմադրած Ի. Իլֆի և Եվ. Պետրովի «Բուռն զգացմունք» ներկայացմամբ:
• Ճեմարանն արժանանում է  «Միջազգային չափանիշներին համապատասխանող կրթության որակ ապահովելու համար» «Համազգային վստահություն» խորհրդի մրցանակին:
• 11-րդ դասարանի աշակերտուհի Աննա Նազարյանը զբաղեցնում է առաջին տեղը «Կանանց  ռեսուրսային կենտրոն» ՀԿ-ի հայտարարած «Ձեր պատկերացումները տղամարդկանց և կանանց հավասարության մասին» շարադրության (ղեկավար՝ հայոց լեզվի և գրականության ուսուցիչ Անի Պապոյան) մրցույթում: 
• Ճեմարանական պատվիրակությունը՝ ի դեմս տնօրեն Աշոտ Ալիխանյանի, ՌՍ ներկայացուցիչ Սաթինե Ղարաքեշիշյանի, ուսուցիչ՝ Լուսինե Մարկոսյանի և 5 սաների՝ Գայանե Գրիգորյան, Մարկ Թարոյան, Նարեկ Սարգսյան, Էլեն Մհերյան, Սանասար Անանյան, մեկնում է  ԱՄՆ-ի Ֆլորիդա նահանգի Բոկա Ռաթոն քաղաքի Saint Andrew’s School դպրոց մասնակցելու «Ռաունդ Սքվեր- 2013» միջազգային համաժողովին (RSIC-2013): 
• Հանրապետական մանկապատանեկան «Նռան հատիկ» թատերական  փառատոնը մեկնարկում է   ճեմարանում,  թատերական ստուդիան  հանդես է գալիս Ի.Իլֆի, ԵՎ.Պետրովի «Բուռն զգացմունք» բեմադրությամբ:
• «eTwinningե եվրոպական ծրագրի «What makes you?» նախագծին մասնակցում են ճեմարանականներ Արամ Խանլարին, Անահիտ Հովսեփյանը, Բելլա Եդոյանը, Անահիտ Մկրտչյանը, Կարեն Քրմոյանը​, Լիլի Փինաջյանը, Եվա Ամալյանը (ուսուցիչ՝ Ստեփանյան Աննա), ներկայացնելով «Մեր դպրոցը», «Իսլանդիա» շնորհանդեսները և «Սուրբ Ծնունդը Հայաստանում», «Հանրահայտ հայեր», «Ազգային ուտեստ» տեսահոլովակները: 

• Ռուսաց լեզվի և գրականության ամբիոնի վարիչ Էլինա Շաքարյանը մասնակցում է Սանկտ Պետերբուրգի և Ռուսաստանի հյուսիսային մայրաքաղաքի արտաքին կապերի կոմիտեի կազմակերպած որակավորման բարձրացման դասընթացներին:
• «Ռոսսոտրուդնիչեստվո» ներկայացչության ղեկավարի տեղակալ Նատալյա Երյոմենկոն և ռուսաց լեզվի ուսումամեթոդական կենտրոնի գործադիր տնօրեն Գուրգեն Բարիկյանը պատվոգրեր և հուշանվերներ են հանձնում «Կանաչ մոլորակ» մրցույթի 40-ից ավելի հաղթողներին, ովքեր ներկայացնում էին Երևան, Վանաձոր, Կապան, Արտաշատ, Արարատ և Եղեգնաձոր քաղաքների դպրոցները: 
• Հայոց լեզվի և գրականության հանձնախմբի նախաձեռնությամբ տեղի է ունենում հանդիպում երիտասարդ գրող Արմեն Օհանյանի հետ. «Կիկոսի վերադարձը» պատմվածքը աշակերտները քննարկում են հեղինակի մասնակցությամբ:
• Կրտսեր դպրոցի 15-ամյակին նվիրված՝ աշխատակիցների շախմատի մրցաշար է կազմակերպվում և անցկացվում. կազմակերպիչ՝  շախմատի ուսուցիչ Նելլի Փիլոսյան:
• ՄԲ-ի (IB)-ն ճեմարանում կազմակերպում է սեմինար, որին մասնակցում են ճեմարանի միջին դպրոցի 25 ուսուցիչ: Սեմինարավարն է Աթենքի միջազգային դպրոցի MYP համակարգող Միլիոնի Դիմիտրան:
• Ճեմարանի փոխտնօրեն, կենսաբանության հանձնախմբի ղեկավար Նարինե Քսաջիկյանը  մասնակցում է ՄԲ (IB)  գրասենյակի կազմակերպած «Գիտություն: MYP ծրագրի ներդրումը» թեմայով հեռավար  վերապատրաստմանը:

• Մոսկվայի տնտեսագիտական դպրոցի (МЭШ) փոխնախագահ Մադլենա Շահինյանն այցելում է ճեմարան՝ «Ուսուցումը միջին դպրոցում» թեմայով սեմինար անցկացնելու նպատակով:
• Վիքիպեդիայի՝ աշխարհում ամենամեծ էլեկտրոնային ազատ հանրագիտարանի հայաստանյան ներկայացուցիչները հանդիպում են ճեմարանականների հետ:
• Ավագ դպրոցի սաների հասարակական գործունեության մեկնարկն է տրվում ճեմարանի կրտսեր դպրոցը սպասարկող երթուղիներում:
• «Կոնգրես» հյուրանոցի մեծ սրահում տեղի է ունենում 12-րդ դասարանի  սաների ձեռագործ աշխատանքների  ցուցահանդես-վաճառքը, որից ստացված հասույթը տրամադրվում է անապահով ընտանիքներին:
• ԱՊՀ երկրների՝ Միջազգային բակալավրիատի դպրոցների ասոցիացիայի հետ համագործակցության շրջանակում Մոսկվայի էկոնոմիակայի դպրոցի փոխտնօրեն Մադլենա Շահինյանը ճեմարանում անցկացնում է սեմինար միջին դպրոցի 40 ուսուցիչների համար:
• «Շիրակացու օրեր» 21-րդ փառատոնի հանդիսավոր բացումն է տեղի ունենում՝ նվիրված  ճեմարանի կրտսեր դպրոցի 15 –ամյակին: