ԱՊՀ երկրների ՄԲ դպրոցների ասոցիացիայի տասնամյակին նվիրված  «МЫ – ДЕТИ МИРА!» մանկական գեղանկարչական մրցույթում հաղթող են ճանաչվում Մարտիրոսյան Ծովինարի (9-րդ դասարան) և Սարգսյան Նարեի (12-րդ դասարան) գեղանկարչական աշխատանքները:

• Կրտսեր դպրոցում առաջին անգամ անցկացվում է «Տարվա հայտնություն» նախագիծը` 8 անվանակարգերում: Փառատոնին մասնակցելու հայտ են ներկայացնում 195 շնորհալի սաներ, գլխավոր համերգին մասնակցելու հնարավորություն են ստանում  77 սան: 
• ՀՀ կենտրոնական բանկը «ԱՅՍԵԿ» (AIESEC) ճեմարանում  անցկացնւմ է պատանիների և երիտասարդների ֆինանսական գրագիտության բարձրացմանն ուղղված «Ֆլայ» ծրագիրը:
• Ավագ դպրոցի սաներ Հայկ Խաչատրյանը, Արամ Խանլարին, Անի Բարսեղյանը և Անի Ղազարյանը մասնակցում են Հանրային հեռուստաընկերության «Մայրիկների ակումբ» հեռուստահաղորդման նկարահանումներին՝ «Արտաքին տեսքի կարևորությունը» թեմայով: 
• Ավագ դպրոցի աշակերտական խորհրդի նախաձեռնությամբ տեղի է ունենում  «Չոր մարքեթինգ» սեմինարը, որը վարում է ggTaxi կազմակերպության հիմնադիր և ղեկավար, ԵՊՀ դասախոս, ԲԳԹ, «Չոր մարքեթինգ»  գրքի հեղինակ Վահրամ Միրաքյանը: 
• Տեղի է ունենում հանդիպում «Birthright» կազմակերպության` տեսահոլովակների  և համակարգչային խաղերի մասնագետ կամավորների հետ: Ձևավորվում է աշխատան քային 2 խումբ. մեկը ճեմարանի մասին գովազդային տեսահոլովակ ստեղծելու ուղղությամբ է աշխատում, իսկ համակարգչային խաղերի մասնագետը  աջակցում է ԴԾ սովորողներին՝ CAS ծրագրի շրջանակում կրտսեր դպրոցի սաների համար ուսումնական խաղեր ստեղծելու գործում:  
• ՄԱԿ-ի զարգացման ծրագրի ներկայացուցիչները (ծրագրի ղեկավար Դիանա Հարությունյան, ամերիկյան համալսարանի ճարտարագիտության հետազոտական կենտրոնի փոխտնօրեն Արտակ Ղամբարյան) ավագ դպրոցի սաներին են ներկայացնում «Լուսավորությունը տանը և դպրոցում»  մրցույթի արդյունքները և մրցանակներ են հանձնում հաղթողներին՝ Նարե Սահակյանին, Դավիթ Սարգսյանին, Արամ Ապերյանին (III կարգ), Լիլիթ Կարապետյանին (II կարգ) և Միքայել  Վարդանյանին (I կարգ):
• Ավագ դպրոցի սաներ Սոս Բադալյանը, Արգիշտի Ավետիսյանը, Անի  Բարսեղյանը և Յանա Մերտարչյանը մասնակցում են Հանրային հեռուստաընկերության «Մայրիկների ակումբ» հեռուստահաղորդման նկարահանումներին՝ «Ի՞նչ գիտեմ իմ իրավունքների մասին» թեմայով: 
• 10-րդ դասարանցիները մասնագիտական կողմնորոշման ծրագրի շրջանակում այցելում են  Քաղավիացիայի վարչություն, մասնակցում  դասընթացի, ստանում  արժեքավոր տեղեկություններ: 
• Ճեմարանում մեծ ոգևորությամբ նշվում է «Տեառնընդառաջ»-ի տոնը. հավաքույթ խարույկի շուրջ, շուրջպարեր և զանազան խաղեր: 
• Ավագ դպրոցի աշակերտական խորհրդի նախաձեռնությամբ  անցկացվում է սեմինար, որը վարում է  հայկական PR ասոցիացիայի նախագահ Հայկ Կիրակոսյանը: 
• Դիպլոմային ծրագրում սովորողների համար մեկնարկում է  ՄԲ ԴԾ փորձնական քննաշրջանը: 
• ՏՏ ոլորտով հետաքրքրված 11-րդ դասարանի սաները այցելում են «Զանգի» ընկերություն, ծանոթանում են ընկերության հիմնադիրների հետ և տեղեկանում հաջողություն ներին: 
• Հայոց լեզվի և գրականության ամբիոնի նախաձեռնությամբ ճեմարանում հայտարարվում է Մայրենի լեզվի շաբաթ: Բոլոր դասարանները հանդես են գալիս հետաքրքիր նախաձեռնություններով՝ ասմունքի, քնարերգության, արտահայտիչ ընթերցանության ժամեր, խաղ-մրցույթներ, վիկտորինաներ, հետազոտական աշխա տանքների ամփոփում, գրական-երաժշտական ներկայացումներ, ինքնաշեն բացիկ ների, էջանշանների մրցույթ և այլն:
• Մայրենի լեզվի օրվան նվիրված՝ հանդիսությունների դահլիճում տեղի է ունենում ընկերական հանդիպում ուսուցիչների և աշակերտների միջև. երկուստեք հանդես են գալիս երգ ու պարով, ասմունքով, փոքրիկ ներկայացումներով: Ցերեկույթի նշանաբանն է. «Արքայական խոսքը մեր կմնա հավետ»:
• Ավագ դպրոցի սաները հանդիպում են «Էլասկո էքսպրես» ընկերության ներկայացուցիչ ների հետ և ծանոթանում ամառային կրթական ծրագրերին: 
   

• Հինգերորդ դասարանցիներին հյուր է արձակագիր, բեմադրիչ, թատերական գործիչ Ռուբեն Մարուխյանը. աշակերտները ներկայացնում են իրենց հետազոտական աշխատանքները հեղինակի և նրա «Չիկարելիի արկածները» հեքիաթ-վեպի շուրջ:
• Միջին դպրոցի նախասրահում բացվում է ճեմարանի շնորհալի ուսուցիչների ձեռքի աշխատանքների ցուցահանդեսը:
• Հասարակաագիտության ուսուցչուհի բ.գ.թ. Գայանե Վարդանյանը Միջազգային պատանեկան նվաճումներ կազմակերպության կողմից պարգևատրվում է վկայագրով և շքանշանով՝ համաշխարհային տնտեսագիտության ոլորտում երիտասարդներին ոգեշնչելու և աջակցելու համար: Հայաստանում Ամերիկյան համալսարանի հանդիսությունների դահլիճում ուսուցչուհուն պարգևները հանձնում են Վիվա-Սել ՄՏՍ ընկերության գլխավոր տնօրեն Ռալֆ Յիրիկյանը և Հայաստանի պատանեկան նվաճումներ կազմակերպության գործադիր տնօրեն Արմինե Հավհաննիսյանը: 
• Ավագ դպրոցի սաները ներկայացնում են «Ճեմարանը դեմ է ծխելուն» թեմայով  ստեղծագործական  ծրագրերը: 
• Ավագ դպրոցի սաներ Մարիանա Մկրտչյանը և Արամ Խանլարին դաշնամուրային համերգ են  տալիս  ուսուցիչների, աշակերտների և ծնողների համար:
• Հայոց լեզվի և գրականության ամբիոնի նախաձեռնությամբ նշվում է Քնարերգության (պոեզիայի) միջազգային օրը. 8-րդ և 7-րդ դասարանցիները մասնակցում են վիկտորինայի, հանդես են գալիս ասմունքով: Ճեմարան են այցելում և տոնին մասնակցում են արձակագիր Հովհաննես Երանյանը, բանաստեղծ Կարինե Աշուղյանը, գրականագետ Հասմիկ Խեչիկյանը: 
• Հինգերորդ դասարանցիները հանդիսությունների սրահում ներկայացնում են «Փոքրիկ իշխանին որոնելիս» միջոցառումը (բեմագրի հեղինակ և բեմադրիչ՝ հայոց լեզվի և գրականության ուսուցչուհի Ժաննա Հարությունյան)՝ նվիրված  Հայաստանում Ֆրանկոֆոնիայի օրերին: 
• Թբիլիսիի «Նյու Սքուլ» միջազգային դպրոցի գրադարանավար Քեթի Ֆեսթերը կրթահամալիրի ուսուցչության, սաների և գրադարանավարների համար սեմինար է վարում՝ ակադեմիական ազնվության պահպանման, գրագողությունը  կանխելու, հետազոտական աշխատանքներում ճիշտ հղումներ անելու շուրջ: 
• Ավագ դպրոցի մի խումբ սաներ-կամավորներ այցելում են սոցիալական աջակցության կենտրոն:
• ՄԲ Դիպլոմային ծրագրի առաջին կուրսի ուսանողները «Բիզնես և կառավարում» դասընթացի շրջանակում կազմակերպում են քննարկում «Հայաստանում գործարարությամբ զբաղվելը» թեմայով: 
• Ավագ դպրոցի բնապահպան ակտիվիստները 3-րդ դասարանցի մի խումբ սաների հետ իրականացնում են էկոկրթության ծրագիր: Համատեղ ուժերով կազմակերպում են  ծրագրով նախատեսված շաբաթօրյակը:

• Ճեմարանականների միության նախաձեռնած բիզնեսի ակումբը սկսում է իր գործունեությունը և տեղի է ունենում առաջին հանդիպումը:
• 10-րդ դասարանի սաները հանդիսավոր պայմաններում ցուցադրում և ներկայացնում են իրենց անհատական նախագծերը:
• Ավագ դպրոցի սաների ղեկավարությամբ հավաքվում և Արցախ են ուղարկվում օգնության 100 արկղեր՝ զինվորին ուղղված նամակների տրցակով:
• Ավագ դպրոցի մի խումբ կամավորներ այցելում են Երևանի Աջափնյակի շրջանի սոցիալական աջակցության կենտրոն:
• Միջին դպրոցի սաները հանդիպում են Կողբի զորամասի 2 զինվորների հետ. նրանք իրենց հետ տանում են ճեմարանականների սրտառուչ մաղթանքներով  լեցուն 2 պաստառ:
• 12-րդ դասարանի աշակերտների նախաձեռնությամբ տեղի է ունենում հայ մայրերի և ճեմարանի կանանց  մեծարման ցերեկույթ:
• Ճեմարանը մասնակցում է «Կրթություն և կարիերա ԷՔՍՊՈ-2016» ցուցահանդեսին:

• Ռուսաց լեզվի ուսուցչուհի Սոնյա Մանուչարյանը վարպետության դաս է վարում Երևանի Սախարովի անվան թիվ  69 դպրոցում: 

• Հանդիսությունների դահլիճում տեղի է ունենում կրտսեր  դպրոցի «Տարվա հայտնություն» փառատոնի ամփոփիչ համերգը. նախագծի հեղինակ՝ Ռուզան Մկրտչյան, կրտսեր դպրոցի գեղարվեստական խորհրդի անդամներ՝ Անուշ Հովհաննիսյան, Սուսաննա Հակոբյան, Անուշ Ավետիսյան, Ելենա Ղազարյան, Մարիա  Գալստյան և Նելլի Փիլոսյան:  

• Մեկնարկում են Դիպլոմային ծրագրի ավարտական քննությունենրը: 
• Հայոց լեզվի և գրականության ուսուցչուհի, բանաստեղծուհի Ռուզաննա Ոսկանյանի բանաստեղծությունների շարքը թարգմանվում և տպագրվում է  բելառուսական "МАЛАДОСЦЬ" գրական հանդեսի` այս տարվա 2-րդ համարում:
• Ճեմարանի պատվիրակներն այցելում են  Արագածոտնի մարզի Վարդաբլուր և Շիրակի մարզի Մեծ Մանթաշ գյուղեր և ապրիլյան պատերազմում նահատակված երեք զինվորների ընտանիքներին հայտնելով ճեմարանի աշխատակիցների զորակցությունն ու ցավակցությունը` նրանց հանձնում է  600. 000- ական դրամ օգնություն, որը հավաքվել էր կոլեկտիվի կամավոր հատկացումներից:
• 2016, մայիսի 27- Մանկակրթարանի մասնաշենքում  տեղի է ունենում կրտսեր դպրոցի սաների նկարչական հունիսի 1 աշխատանքների՝ արդեն ավանդույթ դարձած «Օգնելով ուրիշներին` օգնում ենք ինքներս մեզ» կարգախոսով ցուցահանդես վաճառքը, որի հասույթի մի մասը տրամադրվում է «Մեկ զինվոր, մեկ թիկնոց» հիմնադրամին:

• Աշխարհագրության ուսուցիչ Անի Մկրտումյանը ՄԲ «Միջառարկայական դասավանդումը և ուսուցմանը»  (երրորդ կատեգորիա) մեկամսյա առցանց վերապատրաստման դասընթացի է մասնակցում:
• Ավագ դպրոցի սաները մասնակցում են «Երեխաներ առանց ցավի հիմնադրամի» բարեգործական քայլարշավին:
• Ճեմարանի 23-րդ տարվա շրջանավարտների համար հնչում է վերջին զանգը:
• Առաջին անգամ ճեմարանում 9-րդ դասարանցիները ներկայացնում են իրենց իրականացրած Համայնքային ծրագրերը:
• Ճեմարանի պատվիրակությունը (կրթահամալիրի տնօրեն Աշոտ Ալիխանյան, միջին դպրոցի տնօրեն Արմինե Վարդանյան, մանկակրթարանի տնօրեն Անի Հարությունյան, ուսուցիչներ Էլինա Շաքարյան, Մարինա Քոչարյան, Անուշ Ավետիսյան, Սրբուհի Պապյան) Մոսկվայում մասնակցում է Միջազգային բակալավրիատի՝ ԱՊՀ երկրների դպրոցների   ասոցիացիայի հոբելյանական 10-րդ խորհրդաժողովին: Պատվիրակության ներկայացուցիչները հանդես են գալիս իրենց փորձի նկարագրությամբ, զեկուցումներով, հեղինակային գրքերով և գործնական աշխատանքների ցուցադրումով։
• ՀՀ վարչապետ Հովիկ Աբրահամյանն այցելում է ճեմարան: 
• Երևանի «Լաթար» ռեստորանում տեղի է ունենում ճեմարանի 23-րդ շրջանավարտների ավարտական երեկոն:
• ՀՀ կառավարությունն ընդունում է N 697-Ա որոշումը, համաձայն որի՝ պետական սեփականություն հանդիսացող և Ճեմարանի կողմից վարձակալական հիմունքներով օգտագործվող՝ ք, Երեան, Արտեմ Միկոյան, 35 հասցեում և Կոտայքի մարզ, Մեղրաձոր համայնքում գտնվող «Հեքիաթ» ճամբարի շենքերը, շինությունները և դրանց զբաղեցրած հողատարածքները նվիրաբերվում են Ճեմարանին՝ որպես սեփականություն: 
• 11-րդ դասարանի ԴԾ սովորողները մասնակցում են  Շվեյցարիայում կայացած ՄԲԴԾ սովորողների համաժողովին:

• Հրապարակվում են Դիպլոմային ծրագրի անդրանիկ շրջանավարտների ավարտական արդյունքները.  Միջազգային բակալավրիատի գրասենյակը 12 շրջանավարտին էլ շնորհվում է ՄԻՋԱԶԳԱՅԻՆ ԲԱԿԱԼԱՎՐԻԱՏԻ ԴԻՊԼՈՄԱՅԻՆ ԾՐԱԳՐԻ ԴԻՊԼՈՄՄԵՐ (45-ից 33 միավոր միջին առաջադիմությամբ):
• 2016 թվականի՝ ճեմարանի 23-րդ տարվա  շրջանավարտներին  հանդիսավոր արարողությամբ հանձնվում են ավարտական վկայականներ:

• Հանդիսավոր պայմաններում ծնողների, ուսուցիչների ներկայությամբ Դիպլոմային ծրագիրն ավարտած 12 սովորողի հանձնվում են   Միջազգային բակալավրիատի դիպլոմներ:
• Բուլղարիայի Կամչիա քաղաքում «Միասին 21-րդ դարում» միջազգային  ստեղծագործական մրցույթ-փառատոնին առաջին անգամ մասնակցում են նաև Հայաստանի պատվիրակները, որոնք մեր երկրի ստեղծագործական կյանքը ներկայացնում են  Անանիա Շիրակացու անվան ճեմարանի երաժշտական ստուդիայի   ղեկավար, խմբավար Նարինե Դավթյանի գլխավորությամբ:
   

• Անանիա Շիրակացու անվան ճեմարանի «Շողեր» երգչախումբը գեղարվեստական ղեկավար և խմբավար Նարինե Դավթյանի ուղեկցությամբ մասնակցում է «Կոմիտասյան երգեր» փառատոնին:
• Ճեմարանի պատվիրակությունը` ի դեմս տնօրեն Աշոտ Ալիխանյանի և ՌՍ ներկայացուցիչ  Անահիտ Ղարաղազարյանի Հդկաստանի Ինդոր քաղաքի The Emerald Heights International School դպրոցում մասնակցում է «Ռաունդ Սքվեր» միջազգային դպրոցների համաշխարհային ասոցիացիայի Հարավային Ասիա և Գալֆ տարածաշրջանային համաժողովին (AGM of South Asia & Gulf Region - 2017):
• Ճեմարանական  9 սաներ մասնակցում են մայրաքաղաքային մարաթոնյան 5 կմ վազքի մասսայական մրցումներին:
• Կրթահամալիրի կրտսեր դպրոցը Հաղթանակ զբոսայգում իրականացնում է Մարաթոն՝ նվիրված  ՀՀ անկախության 25-ամյակին:
• ՄԲ համաշխարհային գրասենյակից հրավիրված մասնագետ Քեթրին Դալտոնը "Concept-based teaching and learning" թեմայով սեմինար   է վարում ճեմարանի կրտսեր դպրոցի և մանկակրթարանի ուսուցչական անձնակազմի համար:
• Արդեն 16-րդ անգամ «Նռան հատիկ» հանրապետական մանկապատանեկան թատերական փառատոնն է մեկնարկում  ճեմարանի հանդիսությունների դահլիճում: Ճեմարանի թատերական ստուդիան հանդես է գալիս Օստրովսկու «Ամպրոպ» ստեղծագործության բեմադրությամբ:
   

• Դիպլոմային ծրագրի 1-ին և 2-րդ կուրսի ուսանողները՝ ֆրանսերենի ուսուցչուհի Անահիտ Ղարաղազարյանի ուղեկցությամբ, այցելում են  «Մեդիամաքս» լրատվական   գործակալություն: 
• Ճեմարանի Դիպլոմային ծրագրով ուսանող սաներն այցելում են ՄԱԿ-ի գրասենյակ:
• Անցկացվում են բասկետբոլի ընկերական մրցումներ QSI դպրոցի միջազգային և ճեմարանի հավաքական թիմերի միջև: 
• Ավագ դպրոցի մի խումբ սաներ այցելում են ՀՀ քաղացիական ավիացիայի վարչություն: 
• Դիպլոմային ծրագրով ուսանող սաներն այցելում են EV consulting ընկերության գրասենյակ: 
• Դիպլոմային ծրագրի գիտության բաժնի առարկաների շրջանակում սաներն ընկերներին և ուսուցիչներին են ներկայացնում Սևանա լճում կատարած հետազոտության արդյունքները: 
   

• Հայոց լեզվի և գրականության ամբիոնի նախաձեռնությամբ նշվում է Եղիշե Չարենցի մահվան տարելիցը. 12-րդ դասարանցիների հյուրն է մեծ բանաստեղծի թոռնուհին՝ Գոհար Չարենցը:
• Ռուսաստանի Դաշնության դեսպանատանն ամփոփվում են ՌՈՍՍՈՏՌՈՒԴՆԻՉԵՍՏՎՕ-ի, ՀՀ   ԿԳՆ-ի,  ԵՊՄՀ-ի  հայտարարած «Ռուսաց լեզվի  լավագույն ուսուցիչ 2016» մրցույթի արդյունքները: Ճեմարանի ռուսաց լեզվի ուսուցչուհի Սոնյա Մանուչարյանը ճանաչվում է ՀՀ-ում ռուսաց լեզվի լավագույն ուսուցիչ, գրավում է երրորդ տեղը և շահում է  դրամաշնորհ՝ Մոսկվայում  որակավորման դասընթացների մասնակցելու համար:                                                                     
• «21-րդ դարի ինտեգրացիա» միջազգային դպրոցը՝ Մոսկվայի Լոմոնոսովի անվան պետական  մանկավարժական, Սեչենովի անվան բժշկական համալսարանների աջակցությամբ անցկացրած միջազգային հեռավար օլիմպիադայում ճեմարանական թիմը (ղեկավար՝ քիմիական գիտությունների թեկնածու, դոցենտ, ճեմարանի քիմիայի ուսուցիչ Ժան Գյուլբենկյան) հաղթում է՝ գրավելով մրցանակային առաջին  տեղը:                                                                          
• «Կանաչ մոլորակ» միջազգային փառատոնի արդյունքներով ճեմարանի թատերախումբը (ղեկավար Գարիկ Ղազարյան) 5-րդ անգամ արժանանում է դափնեկրի կոչման: 
• Ճեմարանի շախմատի ուսուցիչ Նելլի Փիլոսյանի «Շախմատի խնդրագիրք»-ն է լույս տեսնում («Զանգակ» հրատարակչություն): 
• Գիտամեթոդական կենտրոնի ղեկավար մ.գ.թ., դոցենտ Թամար Ալեքսանյանը (Մայրենի 5) և աշխարհագրություն ուսուցիչ Անի Մկրտումյանը (Աշխարհագրություն 7, 8, 9-րդ դասարաններ) գործնական դասընթացի նյութեր են ստեղծում «Իմ դպրոց» կրթական կայքի համար: