Տնօրեն Աշոտ Ալիխանյանի գլխավորած պատվիրակությունը Պերմում մասնակցում է ԱՊՀ երկրների՝ Միջազգային բակալավրիատի ասոցիացիայի 3-րդ համաժողովին:

• 2001թ. շրջանավարտ Անահիտ Գոգյանը  ֆիզիկայի  ասպարեզում  կատարած արժեքավոր ուսումնասիրությունների  համար արժանանում է ՀՀ նախագահի հատուկ մրցանակի:
• Հանրապետական 4-րդ բաց օլիմպիադաներն են կազմակերպվում և անցկացվում ճեմարանում՝ միջին դպրոցում սովորողների համար։
• Բոստոնահայ դպրոցականները երրորդ  անգամ են հյուրընկալվում ճեմարանում:

• ՏՏ բնագավառում նախագահի ամենամյա մրցույթի «Տարվա լավագույն ուսանող» անվանակարգում հաղթող է ճանաչվում 2008թ. շրջանավարտ Վարդուհի Եղիազարյանը (ԵՊՀ): 
• ՏՏ բնագավառում նախագահի ամենամյա մրցույթում «Տարվա լավագույն աշակերտ» անվանակարգում հաղթողներ են դառնում Աննա Եղիազարյանը և Կորյուն Աչոյանը:
• Պատմության համահայկական օլիմպիադայում Վահան Կոստանյանը, Գևորգը Ասրյանը, Հմայակ Բաղրամյանը դիպլոմներ և պատվոգրեր են շահում ղեկավար՝ պատմության ուսուցչուհի Արմինե Նարիմանյան): 

• Ճեմարանական պատվիրակությունը՝ ի դեմս տնօրեն Աշոտ Ալիխանյանի, ծնողխորհրդի նախագահ Մարիլու Փափազյանի և 2 սաների՝ Զարուհի Գաբրիելյան և Կորյուն Աչոյան, մեկնում է  Հնդկաստանի Աջմեր քաղաքի Mayo College and Mayo Girl’s College Ajmer դրպոց՝ մասնակցելու «Ռաունդ Սքվեր-2009» միջազգային համաժողովին (RSIC-2009), որտեղ ճեմարանը  պաշտոնապես ճանաչվում է «Ռաունդ Սքվեր» Հարավային Ասիա և Գալֆ տարածաշրջանային (South Asia & Gulf Region) անդամ դպրոց և իրավունք ստանում  մասնակցելու RS ասոցիացիայի ծալաված գործունեությանը:
• Ճեմարանում ֆրանկաֆոնիայի զարգացման նպատակով Լիոնի և Երևանի միջև փոխանակումներ են կատարվում և համագործակցության ծրագիր է մշակվում. Ռոն-Ալպ (Ֆրանսիա) շրջանի հայ-ֆրանսիական ընկերակցությունը (APECLE) համակարգիչներ և ֆրանսերեն դասագրքեր է  նվիրում ճեմարանին:
• Հանրապետական մանկապատանեկան «Նռան հատիկ» թատերական փառատոնը մեկնարկում է ճեմարանում:

Փոխտնօրեն Իրա Սահակյանը և սան Ռոբերտ  Եղիկյանը Մոսկվայում մասնակցում են «Կանաչ մոլորակ-2009» միջազգային մանկական բնապահպանական ֆորումի արդյունքների ամփոփմանը: Ֆորումի դափնեկիրներ են դառնում Ռոբերտ Եղիկյանը, Եվա Ամալյանը, Ալվարդ Վարդանյանը և Լյուսի Հովակիմյանը: